ଫାର୍ମର ଫାଷ୍ଟ କାର୍ଯ୍ୟକ୍ରମ ମାଧ୍ୟମରେ ମୃତିକା ଓ ଜଳ ସଂରକ୍ଷଣ ଭିତ୍ତିକ ଜାତୀୟ କର୍ମଶାଳା

ଡେରାଡୁନସ୍ଥିତ ଭାରତୀୟ ମୃତିକା ଓ ଜଳ ସଂରକ୍ଷଣ ସଂଘ ଏବଂ କୋରାପୁଟସ୍ଥିତ ଭାରତୀୟ ମୃତିକା ଓ ଜଳ ସଂରକ୍ଷଣ ପ୍ରତିଷ୍ଠାନ (ଭାରତୀୟ କୃଷି ଅନୁସନ୍ଧାନ ପରିଷଦ ଅଧିନସ୍ଥ) ଙ୍କ ମିଳିତ ସହଯୋଗରେ ସୁନାବେଢାର ହାଲ ଠାରେ ମୃତିକା ଓ ଜଳ ସଂରକ୍ଷଣ ଭିତ୍ତିକ ଜାତୀୟ କର୍ମଶାଳା ଏକ ଆୟୋଜିତ ହୋଇଯାଇଛି ö ଫେବୃଆରୀ ୬ ତାରିଖରୁ ୮ ତାରିଖ ପର୍ଯ୍ୟନ୍ତ ଆୟୋଜିତ ଏହି ତିନି ଦିନିଆ କର୍ମଶାଳା ର ଉଦ୍ଘାଟନ ଉତ୍ସବରେ ଶ୍ରୀଯୁକ୍ତ ରମେଶ ଚନ୍ଦ୍ର ମାଝି, ମାନ୍ୟବର ମନ୍ତ୍ରୀ, ଅନୁସୂଚିତ ଜାତି ଓ ଜନଜାତି ବିକାଶ ବିଭାଗ, ଓଡିଶା ସରକାର ମୁଖ୍ୟ ଅତିଥି ଭାବେ ଯୋଗଦେଇ ବିଭିନ୍ନ କ୍ଷେତ୍ରରେ ଦୃଷ୍ଟାନ୍ତ ମୂଳକ କାର୍ଯ୍ୟ କରିଥିବା ବୈଜ୍ଞାନିକ, କୃଷକ ଓ ବୈଷୟିକ ଅଧିକାରୀ ମାନଙ୍କୁ ସମ୍ମାନିତ କରିଥିଲେ ö ଏହି ପରିପେକ୍ଷୀରେ ମନ୍ତ୍ରୀ ଶ୍ରୀଯୁକ୍ତ ମାଝି କେତେକ ବୈଷୟିକ ପୁସ୍ତିକା ଉନ୍ମୋଚନ କରିବା ସହିତ ମୃତିକା ଓ ଜଳ ସଂରକ୍ଷଣ ଉପରେ ଅଧିକ ଧ୍ୟାନ ଦେବାକୁ ନିଜର ପରାମର୍ଶ ବାର୍ତ୍ତା ମଧ୍ୟ ରଖିଥିଲେ ö

ସମ୍ମାନୀୟ ଅତିଥି ଭାବରେ ଯୋଗଦେଇ ଶ୍ରୀଯୁକ୍ତ ପ୍ରଫୁଲ୍ଲ କୁମାର ପାଙ୍ଗି, ମାନ୍ୟବର ବିଧାୟକ, ପଟାଙ୍ଗୀ, ମୃତ୍ତିକା ଓ ଜଳ ସଂରକ୍ଷଣର ବିଭିନ୍ନ ଦିଗ ସମ୍ପର୍କରେ ଆଲୋଚନା କରିଥିଲେ ö ଅନ୍ୟତମ ସମ୍ମାନିତ ଅତିଥି ଭାବରେ କୋରାପୁଟସ୍ଥିତ କେନ୍ଦ୍ରୀୟ ବିଶ୍ୱବିଦ୍ୟାଳୟର କୁଳପତି ପ୍ରଫେସର ସଚ୍ଚିଦାନନ୍ଦ ମହାନ୍ତି ପ୍ରାକୃତିକ ସମ୍ବଳର ସଂରକ୍ଷଣ କ୍ଷେତ୍ରରେ ଦୃଷ୍ଟାନ୍ତମୂଳକ ଉଦ୍ୟମ କରିଥିବାରୁ କୃଷକମାନଙ୍କୁ ଶୁଭେଚ୍ଛା ଜଣାଇବାସହ ଜୈବିକ ଓ ସମନ୍ବିତ କୌଶଳ ମାଧ୍ୟମରେ କୃଷିକୁ ଅଧିକ ସ୍ୱାବଲମ୍ବୀ କରିବାକୁ ପରାମର୍ଶ ଦେଇଥିଲେ ö ପରେ ପରେ ଓଡିଶା ସମେତ ପଶ୍ଚିମବଙ୍ଗ, ବିହାର, ଝାଡ଼ଖଣ୍ଡ, ଛତିଶଗଡ ଆଦି ରାଜ୍ୟରୁ ନିମନ୍ତ୍ରିତ ବହୁ ବୈଜ୍ଞାନିକ କୃଷକର ଖର୍ଚ୍ଚ ହ୍ରାସ, ଜଳଛାୟା ବ୍ୟବସ୍ଥା, ଉତ୍ପାଦକତା ବୃଦ୍ଧି ଓ ଜଳବାୟୁ ପରିବର୍ତନ ସଂକ୍ରାନ୍ତରେ ବକ୍ତବ୍ୟ ରଖିଥିଲେ ö ଭାରତୀୟ ମୃତିକା ଓ ଜଳ ସଂରକ୍ଷଣ ପ୍ରତିଷ୍ଠାନର ମୁଖ୍ୟ ଡଃ. ଏମ. ମଧୁ ଧନ୍ୟବାଦ ଅର୍ପଣ କରିଥିଲେ ö

କର୍ମଶାଳାର ୨ୟ ଦିନରେ ବୈଜ୍ଞାନିକ ବକ୍ତାମାନେ ଇନ-ଶୀତୁ ମୃତ୍ତିକା ସଂରକ୍ଷଣ ଓ ଶ୍ରୀ ପଦ୍ଧତି ଆଧାରିତ ଗବେଷଣା ଓ ଅନୁସନ୍ଧାନ ତଥ୍ୟମାନ ପ୍ରଦର୍ଶନ କରାଇଥିଲେ | ସେହିପରି କାର୍ଯ୍ୟକ୍ରମର ୩ୟ ଦିନରେ ଭାରତର ଜଳପୂରୁଷ ଭାବରେ ପରିଚିତ ଡଃ ରାଜେନ୍ଦ୍ର ସିଂହ ମୁଖ୍ୟ ଅତିଥି ଭାବେ ଯୋଗଦେଇ ନଦୀ ସଂଯୋଗୀକରଣ ଭଳି ଗୁରୁତ୍ୱପୂର୍ଣ୍ଣ ବିଷୟ ଉପରେ ଆଲୋଚନା କରିବାସହ ପ୍ରାକୃତିକ ସମ୍ବଳର ସୁରକ୍ଷା ଓ ସଂରକ୍ଷଣ ପାଇଁ କୃଷକଙ୍କ ପାରମ୍ପରିକ ଜ୍ଞାନ କୌଶଳକୁ ମଧ୍ୟ ପ୍ରାଧ୍ୟାନ ଦେବାକୁ ପରାମର୍ଶ ଦେଇଥିଲେ | ଅନ୍ୟମାନଙ୍କ ମଧ୍ୟରେ ଡେରାଡୁନସ୍ଥିତ ଭାରତୀୟ ମୃତିକା ଓ ଜଳ ସଂରକ୍ଷଣ ସଂଘର ସଭାପତି ଡଃ ପି.କେ.ମିଶ୍ର କୃଷକଙ୍କ ଆୟବୃଦ୍ଧି ଓ  ଆବଶ୍ୟକୀୟ ପ୍ରଣାଳୀ ଉପରେ ଆଲୋକପାତ କରିଥିଲେ  | ତିନିଦିନର ଏହି କର୍ମଶାଳାରେ ବିଭିନ୍ନ ରାଜ୍ୟରୁ ପ୍ରାୟ ୩୦୦ କୃଷକ ଯୋଗଦେଇଥିଲେ ଓ ୨୫ କକ୍ଷ ବିଶିଷ୍ଟ ଏକ ପ୍ରଦର୍ଶନୀର ଆୟୋଜନ କରାଯାଇଥିଲା |