ଏହି ବିଦେଶୀ ଫଳ ଚାଷ କଲେ ମିଳିବ ଲାଭ ; କରିବେ ଭଲ ରୋଜଗାର, ଜାଣନ୍ତୁ କିପରି...

Bhagirathi sahoo and his kashmiri red Berry farming

ଯଦି ଆପଣମାନେ ମଧ୍ୟ କମ ବିନିଯୋଗ ସହିତ ଆପଣଙ୍କର ବ୍ୟବସାୟ ଆରମ୍ଭ କରିବାକୁ ଚାହୁଁଛନ୍ତି ତେବେ ଏହି ଖବର କେବଳ ଆପଣମାନଙ୍କ ପାଇଁ । ଏହି ବ୍ୟବସାୟରେ ଆପଣଙ୍କୁ କମ୍ ଟଙ୍କା ବିନିଯୋଗ କରିବାକୁ ପଡ଼ିବ ଓ ଲାଭ ମଧ୍ୟ ବହୁତ ଭଲ ହେବ । ତେବେ ଚାଲନ୍ତୁ ଜାଣିବା ଏହି ବିଜନେସ ବିଷୟରେ...

ଦିନଥିଲା ଫଳ ଚାଷ କହିଲେ କାଶ୍ମୀରକୁ ବୁଝାଉଥିଲା । ସେଓ, ଅଙ୍ଗୁର ଠାରୁ ଆରମ୍ଭକରି ନାମୀଦାମୀ ଫଳ କାଶ୍ମୀରରୁ ଆମଦାନୀ ହେଉଥିଲା । କିନ୍ତୁ ଯୁଗ ଏବେ ବଦଳିଛି, ବଦଳିଛି ଚାଷ କରିବାର ଜ୍ଞାନ କୌଶଳ । କାଶ୍ମୀରର ନାମୀଦାମୀ ଫଳ ଚାଷ ଏବେ ଓଡ଼ିଶାର ଗାଁ ମାଟିରେ ଚାଷ ହେଉଛି ।

ଓଡ଼ିଶାରେ କାଶ୍ମୀର ରେଡ ବେରୀ ଚାଷ । କାଶ୍ମୀର ନାମିଦାମୀ ଫଳ ଚାଷ ଏବେ ଗାଁ ମାଟିରେ ହେଉଛି । କେତେବେଳେ ବଜାର ଦର ତ ଆଉ କେତେବେଳେ ସରକାରଙ୍କ ଉଦାସୀନତା ପାଇଁ ଚାଷ ପ୍ରତି ବିମୁଖ ହେଉଛନ୍ତି ଚାଷୀ ।

ସୂଚନା ଅନୁଯାୟୀ, ସମବାୟ ବ୍ୟାଙ୍କର ସାଧାରଣ ପରିଚାଳକ ଚାକିରିରୁ ଅବସର ଗ୍ରହଣ କରିଥିବା ପାଟଣା ବ୍ଲକ ମୁରୁସୁଆଁ ପଞ୍ଚାୟତ ଡେଣୁଆଁ ଗ୍ରାମର ଭାଗିରଥି ସାହୁଙ୍କର ଉଦ୍ୟାନ ଚାଷରେ ଆଗ୍ରହ ତାଙ୍କ ପାଇଁ ପରିଣତ ବୟସରେ ଆୟର ସ୍ରୋତ ହୋଇଛି । ଡେଣୁଆଁ ଗ୍ରାମର ଭାଗିରଥି ସାହୁ ଗତ ବର୍ଷ ଫେସବୁକରୁ ଥାଇଲ୍ୟାଣ୍ଡର ଥାଇ କାଶ୍ମୀର ରେଡ ଆପଲ୍ ବେରି (Berry) ନାମକ ସେଓ ଜାତୀୟ ବରକୋଳି ଚାଷ ସମ୍ପର୍କରେ ଜାଣିବା ପରେ ତାଙ୍କର ଏହି ଚାଷ ପ୍ରତି ଆଗ୍ରହ ବଢିଥିଲା ।

ରେଡ ଆପଲ୍ ବେରି ଚାଷ କିପରି କରିବେ ,ଜାଣନ୍ତୁ...

ସମସ୍ତ ପ୍ରକାର ଜଳବାୟୁରେ ଏହି ଚାଷ ସମ୍ଭବ ହେଉଥିବାରୁ ଭାଗିରଥି ସାହୁ ୯ ମାସ ତଳେ ଅନଲାଇନ ମାଧ୍ୟମରେ ୫ ଶହ ଏହି ଚାରା ମଗାଇଥିଲେ । ନିଜର ୬ ଏକର ପରିମିତ ଜାଗାରେ ଗାତ ଖୋଳି ଖତସାର ଦେଇ ସେ ଥାଇ କାଶ୍ମୀର ରେଡ ଆପଲ୍ ବେରି (kashmiri red Berry farming) ଚାରା ରୋପଣ କରିଥିଲେ ।

ଏହି ଚାରା ବଢିବା ପରେ ୬ ମାସ ବେଳକୁ ଗଛରେ ଫୁଲ ଧରିଥିଲା। ତାଙ୍କୁ ଗୋଟିଏ ଚାରା ପ୍ରତି ୧୪୦ ଟଙ୍କା ଲେଖାଏଁ ଦେବାକୁ ପଡ଼ିଥିଲା । ମାତ୍ର ୫ ଇଞ୍ଚରୁ ୬ ଇଞ୍ଚ ଉଚ୍ଚତାର ଏହି ଚାରା ୬ ମାସରେ ଫୁଲ ଧରି ୯ ମାସ ବେଳକୁ ଫଳ ଅମଳକ୍ଷମ ହୋଇଯାଇଛି । ଆଉ ଏବେ ସବୁ ଗଛରେ ଫଳ ଭର୍ତ୍ତି ହୋଇଯାଇଛି । ଥାକ ଥାକ ହୋଇ ଥାଇ କଶ୍ମୀର ରେଡ ଲାଲ ଟହଟହ ବେରୀ ଓହଳିଛି ।

ଏବେ ଏହି ଫଳକୁ ଭାଗିରଥି ସାହୁ ପାଟଣା, ତୁରୁମୁଙ୍ଗା, କେନ୍ଦୁଝର, ଝୁମ୍ପୁରା, ଚମ୍ପୁଆ ଆଦି ବଜାରରେ କିଲୋ ପ୍ରତି ୬୦ ଟଙ୍କାରେ ବିକ୍ରି କରି ଭଲ ଆୟ କରୁଛନ୍ତି । ଇତି ମଧ୍ୟରେ ଲଗାଇଥିବା ଗଛରୁ ସେ ଅତି କମରେ ୧୫ କ୍ଵିଣ୍ଟାଲ ଫଳ ଉତ୍ପାଦନ କରି ବିକ୍ରି କରିସାରିଲେଣି ।

ପ୍ରକାଶ ଥାଉ ଯେ, ଏଥିସହିତ ଭାଗିରଥି ସାହୁ (Bhagirathi sahoo) ତାଙ୍କ ଉଦ୍ୟାନ ବଗିଚାରେ ବିରଳ ପ୍ରଜାତିର କୁକୁଡ଼ା ମଧ୍ୟ ରଖିଛନ୍ତି । କୁକୁଡ଼ାରୁ ଅଣ୍ଡା ଓ ମାଂସ ତାଙ୍କ ନିଜ ପରିବାର ପାଇଁ ଓ ବିକ୍ରି ପାଇଁ ମଧ୍ୟ ହେଉଛି । ପରିଣତ ବୟସରେ ଭାଗିରଥିଙ୍କ ଫଳ ଚାଷ ତାଙ୍କ ପାଇଁ ଆୟର ସ୍ରୋତ ହେବା ଘଟଣା ଅଞ୍ଚଳରେ ଚର୍ଚ୍ଚାର ପ୍ରସଙ୍ଗ ହୋଇଛି ।

ଏହି ବିଜନେସ କଲେ ମିଳିବ ଲାଭ ; କରିବେ ଭଲ ରୋଜଗାର, ଜାଣନ୍ତୁ କିପରି...

ଉଚ୍ଚ ଶିକ୍ଷିତ ଯୁବକଙ୍କ ଚାଷ ନିଶା : ବାଡ଼ିରେ ଫଳେଇଛନ୍ତି ଲାଲ ଟହଟହ ରେଡ ବେରୀ