ବର୍ଷା ଦିନରେ ଘରେ ଅନେକ କିଛି ଖାଦ୍ୟ ପଦାର୍ଥ ଖରାପ ହୋଇଯାଇଥାଏ l ତେବେ ସେ ସମସ୍ତ ଖାଦ୍ୟ ଜିନିଷକୁ ସାଇତି ରଖିବାକୁ ପଡେ l ରୋଷେଇ ଘରେ ଥିବା ବିଭିନ୍ନ ମସଲା, ଚାଉଳ ତଥା ଅନ୍ୟ ନିତ୍ୟ ବ୍ୟବହାର୍ଯ୍ୟ ଜିନିଷ ଖରାପ ହୋଇଯାଏ ବର୍ଷା ଦିନରେ । ତେବେ ଏହାରି ମଧ୍ୟରେ ଗହମ ଖୁବ ଶୀଘ୍ର ନଷ୍ଟ ହୋଇଥାଏ ବର୍ଷା ଦିନରେ l ଗହମରୁ ତିଆରି ରୁଟି ଖାଇବାକୁ ସମସ୍ତେ ପସନ୍ଦ କରନ୍ତି l ତେବେ ଘରେ ଥିବା ଗହମ ଖରାପ ହୋଇଯାଇଥାଏ ବର୍ଷା ଦିନରେ । ଲମ୍ବା ସମୟ ଧରି ଗହମ ରହିଲେ ଏଥିରେ କୀଟ ଲାଗିବାର ଆଶଙ୍କା ମଧ୍ୟ ଅଧିକ ଥାଏ । ତେବେ ଏହା କିପରି ଖରାପ ହେବ ନାହିଁ, ସେଥିପାଇଁ କିଛି ଉପାୟ ଆପଣାନ୍ତୁ l
ଅମଳ ପରେ ଗହମ ଘରେ ରହିଥିଲେ ଯଥେଷ୍ଟ ଧ୍ୟାନ ଦେବାର ଆବଶ୍ୟକତା ରହିଥାଏ । ଏଭଳି ପରିସ୍ଥିତିରେ ଆପଣ ସପ୍ତାହକୁ ଖରାରେ ୨ ଥର ଗହମକୁ ରଖନ୍ତୁ । ଯାହାଦ୍ୱାରା ଏହା ଖରାପ ହେବ ନାହିଁ । ଏଥିରେ କୀଟ ମଧ୍ୟ ଲାଗିବେ ନାହିଁ ଏବଂ ଏହା ଅନେକ ଦିନ ଧରି ସୁରକ୍ଷିତ ରହିବ । ଯେଉଁ ଜାଗାରେ ଆପଣ ଗହମ ରଖିଛନ୍ତି ସେହି ସ୍ଥାନକୁ ସଫା ରଖନ୍ତୁ । କିଛି ଦିନର ବ୍ୟବଧାନରେ ଏହାକୁ ଅଧିକ ତାପମାତ୍ରାରେ ଧୋଇକରି ଶୁଖାଇ ଦିଅନ୍ତୁ । ଫଳରେ ଗହମ ଗୁଡିକ ତାଜା ରହିବ । ଯାହାଦ୍ୱାରା ଏହା ଶୀଘ୍ର ଖରାପ ହେବ ନାହିଁ ।
ଯେଉଁ ସ୍ଥାନରେ ଆପଣ ଗହମ ରଖୁଛନ୍ତି, ସେଠାରେ ମଝିରେ ମଝିରେ ଯାଞ୍ଚ କରନ୍ତୁ । ପାଣି ଯେମିତି ନ ଲାଗେ ଗହମରେ ତାହାପ୍ରତି ବିଶେଷ ଧ୍ୟାନ ଦିଅନ୍ତୁ । ଗହମ ରଖୁଥିବା କୋଠରୀକୁ ଶୁଖିଲା ରଖନ୍ତୁ । ନ ହେଲେ ଗହମରେ କୀଟ ଲାଗିବାର ଆଶଙ୍କା ଅଧିକ । ବିଶେଷ କଥା ହେଉଛି ବର୍ଷା ସମୟରେ କୌଣସି ବି ଶସ୍ୟକୁ ଆଲୁମିନିୟମ କଣ୍ଟେନରରେ ରଖନ୍ତୁ । କାରଣ ଏଥିରେ ଫଙ୍ଗସ୍, ବ୍ୟାକ୍ଟେରିଆ ତଥା ଅନ୍ୟ କୀଟ ଲାଗିବା ସମ୍ଭାବନା ଖୁବ ଅଳ୍ପ । ଯାହାଦ୍ୱାରା ଆପଣଙ୍କ ଗହମ ଅନେକ ଦିନ ପର୍ଯ୍ୟନ୍ତ ସୁରକ୍ଷିତ ରହିପାରିବ ।
ତେବେ ମଝିରେ ମଝିରେ ଘରୋଇ ଉପାୟ ମଧ୍ୟ ଅବଲମ୍ବନ କରନ୍ତୁ l କୁ ଗହମକୁ ନଷ୍ଟ ନ ହେବାକୁ ଦେବା ପାଇଁ । ଗହମରେ ନିମ୍ବପତ୍ର ତଥା କର୍ପୂର ମଧ୍ୟ ଦେଇ ରଖିପାରିବେ । ଯାହା ଫଳରେ ତାହା ଖାଇବା ଯୋଗ୍ୟ ହୋଇ ରହିବ ଅନେକ ଦିନ ପର୍ଯ୍ୟନ୍ତ ।
ଅଧିକ ପଢ଼ନ୍ତୁ