ବିଲ ସୁଆଁ ଏକ ଛୋଟ ଦାନା ପୌଷ୍ଟିକ ଶସ୍ୟ ଅଟେ । ଏହାର ବୈଜ୍ଞାନିକ ନାମ ହେଲା– Echinochloa frumentacea. ଏହା ଦାନା ଓ ଗୋଖାଦ୍ୟ ପାଇଁ ଭାରତବର୍ଷରେ ୪୦୦୦ ବର୍ଷ ପୂର୍ବରୁ ଚାଷ ହୋଇ ଆସୁଅଛି । ଏହାର ୧୦୦ ଗ୍ରାମ ଶସ୍ୟରେ ପୁଷ୍ଟିସାର ୧୧.୬ ଗ୍ରାମ, ଶ୍ଵେତସାର ୭୪.୩ ଗ୍ରାମ , ଖଣିଜ ଲବଣ ୪.୭ ଗ୍ରାମ , କ୍ୟାଲସିୟମ ୧୪ ମି.ଗ୍ରା., ସ୍ନେହସାର ୫.୮ ଗ୍ରାମ, ଖାଦ୍ୟ ଜାତୀୟ ତନ୍ତୁ ୧୩.୫ ଗ୍ରାମ ଓ ଫସଫରସ ୧୨୧ ମି.ଗ୍ରା. ଖାଦ୍ୟ ଗୁଣ ରହିଅଛି ।
ଜଳବାୟୁ :- ଏହାର ମୁଗୁଡ଼ି ସହଣୀ ଶକ୍ତି ରହିଅଛି । ଏହା ପୁଣି ପାଣି ସହ୍ୟ କରିପାରେ । ୪୦୦-୫୦୦ ମି.ମି. ବର୍ଷା ହେଉଥିବା ଅଞ୍ଚଳରେ ଚାଷ କରାଯାଇପାରେ । ଜଳ ନିଷ୍କାସନର ସୁବିଧା ଥିଲେ ୧୨୦୦-୧୪୦୦ ମି.ମି. ବର୍ଷା ହେଉଥିବା ଅଞ୍ଚଳରେ ଚାଷ କରାଯାଇପାରେ ।
ବିହନ କିସମ:- VL-172, VL-181, VI-29, PRS-1, RAU-11
ବିହନ ପରିମାଣ:- ୩-୪ କି.ଗ୍ରା. |ଏକର (ଧାଡ଼ିବୁଣା) ୫ କି.ଗ୍ରା. / ଏକର (ଛଟାବୁଣା)
ଖତ:- ଏକର ପ୍ରତି ୨ଟନ କମ୍ପୋଷ୍ଟ ଖତ
ସାର:- ୮-୮-୦ କି.ଗ୍ରା. |ଏକର ଯଥାକ୍ରମେ ଯବକ୍ଷାରଜାନ, ଫସଫରସ, ପୋଟାସ । ସମସ୍ତ ସାର ମୂଳସାର ଭାବେ ବିହନ ବୁଣା ପୂର୍ବରୁ ପ୍ରୟୋଗ କରନ୍ତୁ । ବିହନକୁ PSB ଓ ଆଜୋସ୍ପିରିଲମ୍ ଜୀବାଣୁ ସାରରେ ଉପସ୍ତର କରି ବୁଣିଲେ ବିଶେଷ ଲାଭ ହୁଏ |
ଲଗାଇବା ଦୂରତା:- ଧାଡ଼ିରେ ବୁଣିଲେ ଧାଡ଼ିକୁ ଧାଡ଼ି ୨୫ସେ.ମି. ଓ ଗଛକ ଗଛ ୧୦ସେ.ମି. ଦୂରତରେ ଲଗାନ୍ତୁ । ବର୍ଗ ମିଟର ପ୍ରତି ଗଛ ସଂଖ୍ୟା ୪୦ |
ଅନ୍ତଃ ଚାଷ :- ଧାଡ଼ିରେ ବୁଣା ଫସଲରେ ୨ଥର ହାତରେ ଘାସବାଛି ଘାସ ନିୟନ୍ତ୍ରଣ କରନ୍ତୁ ।
ବିହନ ବିଶୋଧନ:- ୨ ଗ୍ରାମ କାର୍ବୋଣ୍ଡାଜିମ/କି.ଗ୍ରା. ବିହନ
ପୋକରୋଗ:- ବିହନ ବିଶୋଧନ କରି ସହଳ ବିହନ ବୁଣିଲେ ପୋକ (କାଣ୍ଡମାଛି) ଓ ରୋଗ (ସ୍ମଟ ରୋଗ) କୁ ନିୟନ୍ତ୍ରଣ କରାଯାଇପାରେ ।
ଅମଳ :- ୨ ରୁ ୩ କ୍ବିଣ୍ଟାଲ /ଏକର ।
ବିପିନ କୁମାର ପ୍ରଧାନ
ଉପନିର୍ଦେଶକ ସମ୍ପ୍ରସାରଣ (ୟୁ.ଇ.ବି .ପି )
ଓଡିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ
ଭୁବନେଶ୍ୱର - ୭୫୧୦୦୩