ବିହାର ଏକ କୃଷି ପ୍ରଧାନ ରାଜ୍ୟ । ଏଠିକାର ଅନେକ ଲୋକ ଚାଷ କାର୍ଯ୍ୟ ଉପରେ ନିର୍ଭରଶୀଳ ।ପୂର୍ବରୁ ଏଠାକାର କୃଷକମାନେ ପାରମ୍ପରିକ ଚାଷ କାର୍ଯ୍ୟ କରୁଥିବା ବେଳେ ଏବେ ରାଜ୍ୟ ସରକାରଙ୍କ ପ୍ରୋତ୍ସାହନ ହେତୁ ନୂଆ ନୂଆ ଚାଷ କରୁଥିବା ଦେଖିବାକୁ ମିଳୁଛି ।
ବିହାରର କୃଷକମାନେ ବିଭିନ୍ନ ପ୍ରକାରର ଚାଷ କାର୍ଯ୍ୟ କରି ନିଜର ଜୀବିକା ନିର୍ବାହ କରିଥାନ୍ତି । ଏଠାକାର ଚାଷୀମାନେ ଧାନ,ଗହମ, ଫଳ,ସବୁଜ ପନିପରିବା ସହିତ ଚା’ ଚାଷ ମଧ୍ୟ କରିଥାନ୍ତି ।ବିହାରର ଆରରିଆ, କିଶାନଗଞ୍ଜ, କାଟିହର ଏବଂ ପୂର୍ଣ୍ଣିଆ ଜିଲ୍ଲାରେ କୃଷକମାନେ ବହୁ ପରିମାଣରେ ଚା ଚାଷ କରିଥାନ୍ତି । ବିଶେଷ କଥା ହେଉଛି ଚା ଚାଷ କରୁଥିବା ଚାଷୀଙ୍କୁ ରାଜ୍ୟ ସରକାର ପ୍ରୋତ୍ସାହନ ଯୋଗାଇଆସୁଛନ୍ତି ।
ବର୍ତ୍ତମାନ ଚା ’ଚାଷ କରୁଥିବା ଚାଷୀଙ୍କ ପାଇଁ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ସରକାର ଏକ ବଡ଼ ଘୋଷଣା କରିଛନ୍ତି। ଚା ଚାଷକୁ ପ୍ରୋତ୍ସାହିତ କରିବା ପାଇଁ ରାଜ୍ୟ ସରକାର ବମ୍ପର ସବସିଡି ଘୋଷଣା କରିଛନ୍ତି। ଏଥିପାଇଁ ରାଜ୍ୟ ସରକାର ୟୁନିଟ୍ ମୂଲ୍ୟ ମଧ୍ୟ ସ୍ଥିର କରିଛନ୍ତି। କୁହାଯାଉଛି ଯେ ବିହାର ସରକାର ସ୍ୱତନ୍ତ୍ର ବୈଜ୍ଞାନିକ ଫସଲ ଯୋଜନା ଅନ୍ତର୍ଗତ ଚା’ ଅଞ୍ଚଳକୁ ବିସ୍ତାର କରିବାକୁ ଏହି ସବସିଡି ଘୋଷଣା କରିଛନ୍ତି। ଯଦି କୃଷକ ଭାଇମାନେ ଗୋଟିଏ ହେକ୍ଟରରେ ଚା ଚାଷ କରନ୍ତି, ତେବେ ସେମାନଙ୍କୁ ୫୦ ପ୍ରତିଶତ ସବସିଡି ଦିଆଯିବାର ବ୍ୟବସ୍ଥା କରାଯାଇଛି ।
ଉଦ୍ୟାନ କୃଷି ନିର୍ଦ୍ଦେଶାଳୟର ତଥ୍ୟ ଅନୁସାରେ କୃଷକଙ୍କୁ ସବସିଡି ଦେବା ଦ୍ୱାରା ଚା ଚାଷ ପ୍ରତି ଚାଷୀଙ୍କ ଆଗ୍ରହ ଧିରେ ଧିରେ ବଢ଼ିବାରେ ଲାଗିଛି। ବିଶେଷ କଥା ହେଉଛି କୃଷି ବିଭାଗ ଚା ’ଚାଷ ପାଇଁ ହେକ୍ଟର ପିଛା ୟୁନିଟ୍ ମୂଲ୍ୟ ୪,୯୪,୦୦୦ ଟଙ୍କା ସ୍ଥିର କରିଛି। ଏହା ଉପରେ କୃଷକମାନେ ୫୦ ପ୍ରତିଶତ ସବସିଡି ପାଇପାରିବେ ।
ଅନୁଦାନ ପରେ କୃଷକମାନେ ମାଗଣାରେ ୨,୪୭,୦୦୦ ଟଙ୍କା ପାଇବା ନେଇ ବ୍ୟବସ୍ଥା କରିଛନ୍ତି ରାଜ୍ୟ ସରକାର। ସୂଚନାନୁସାରେ ବିହାରର କେବଳ କାଟିହାର, କିଶାନଗଞ୍ଜ, ପୂର୍ଣ୍ଣିଆ ଏବଂ ଆରାରିଆର କୃଷକମାନେ ଏହି ସବସିଡିର ଲାଭ ଉଠାଇପାରିବେ।