ସବୁଜ ରଙ୍ଗ ର ଫୁଲକୋବି କୁ ବ୍ରୋକୋଲି କୁହାଯାଏ ମାତ୍ର ନାରଙ୍ଗୀ ଏବଂ ବାଇଗଣୀ ରଙ୍ଗ ରଫୁଲକୋବି ମଧ୍ୟ ଏବେ ଦେଖିବାକୁ ମିଳୁଛି |ପ୍ରଥମେ ଏହା କେଉଁଠାରେ ଦେଖିବାକୁ ମିଳୁଥିଲା ,ସେ ବିଷୟରେ କିଛି ସ୍ପଷ୍ଟୀକରଣ ନ ହୋଇଥିଲାବେଳେ ଏହାର ସ୍ୱାଦ ହାରାହାରି ଧଳା ଫୁଲକୋବି ପରି ହିଁ ଲାଗିଥାଏ |ଏହି ବାଇଗଣୀ ଫୁଲକୋବି ରେ ଧଳା ଫୁଲକୋବି ତୁଳନାରେ ଆଣ୍ଟି ଆକ୍ସିଡାଣ୍ଟ ଅଧିକ ଥିଲା ବେଳେ ଏହାର ରଙ୍ଗ ସମ୍ପୂର୍ଣ ପ୍ରାକୃତିକ |ବାଇଗଣୀ ରଙ୍ଗ ର ଫୁଲକୋବି ରେ ଆନ୍ଥୋସିଆଣିନ ଅଧିକ ଥିବାରୁ ଏହା ବାଇଗଣୀ ରଙ୍ଗ ର ଦେଖିଯାଏ |
ଏହି ଫୁଲକୋବି ର ବର୍ତମାନ ବଜାର ରେ ବେଶ ଅଧିକ ଚାହିଦା ରହିଛି |ଏହା ବିଶେଷ କରି ନେଦର ଲ୍ୟାଣ୍ଡ ରୁ ଆମଦାନୀ କରାଯାଉଥିଲା ବେଳେ ଭାରତ ରେ ଏହାର ଚାଷ ଅଧିକ ଦେଖିବାକୁ ମିଳୁ ନାହିଁ |ଏହି ପରି ବିଭିନ୍ନ ରଙ୍ଗ ର ଫୁଲକୋବି ହୋଟେଲ ମାନଙ୍କରେ ଏକ ବିଶେଷ ଆକର୍ଷଣ ଭାବେ କାର୍ଯ୍ୟରତ ହୋଇଥାଏ |ବିଭିନ୍ନ ନିରାମିଷ ବ୍ୟଞ୍ଜନ ସହ ସୁସଜ୍ଜିତ ସାଲାଡ଼ ରେ ଏହା ଅଧିକ ଦେଖିବାକୁ ମିଳିଥାଏ |
କାହିଁକି ଖାଇବେ ବାଇଗଣୀ ଫୁଲକୋବି ?
-ଏଥିରେ ପ୍ରଚୁର ପରିମାଣ ରେ ଭିଟାମିନ କେ ଏବଂ ସି ରହିଛି ଯାହା ହୃଦ୍ରୋଗ ,କର୍କଟ ରୋଗ ପରି ଭୟଙ୍କର ବୀମାରୀ କୁ ପ୍ରତିରୋଧ କରିବାର ର କ୍ଷମତା ଯୋଗାଇ ଥାଏ |ରନ୍ଧା ହୋଇଥିବା ଗୋଟେ କପ ଫୁଲକୋବି ରେ ୭୩ ତୁ ୭୭ % ର ଭିଟାମିନ ସି ଥିଲାବେଳେ ୧୯ % ଭିଟାମିନ କେ ରହିଥାଏ |
-ଅଧିକ ମ୍ୟାଗନେସିଏମ ଥିବାରୁ ଏହା ଶରୀର ରେ କୋଷିକା ବୃଦ୍ଧି ରେ ସାହାଯ୍ୟ କରେ |
-ଜାତୀୟ କର୍କଟ ଅନୁଷ୍ଠାନ ର ଗବେଷଣା ଅନୁଯାୟୀ କୋବି ଜାତିଆ ଫସଲ ଖାଉଥିବା ହାରାହାରି ୬୪% କର୍କଟ ରୋଗୀଙ୍କ ,ରୋଗ ନିୟନ୍ତ୍ରଣ ହେବାର ଦେଖିବାକୁ ମିଳିଛି |
-ଏଥିରେ ଥିବା ସୁଲଫୋରାଫେନ ଏବଂ ଗ୍ଲୁକୋସିନୋଲେଟ ଅଧିକ ଖାଇବା ଦ୍ୱାରା ,ଏଥିରୁ ଏକ ରାସାୟନିକ ଦ୍ରବ୍ୟ ବାହାରେ ଯାହା କର୍କଟ କରୁଥିବା କୋଷିକାଙ୍କୁ ଶରୀରୁ ନିଷ୍କାସନ କରିବା ର ବାଟ କାଢି ଥାଏ |
-ଏହା ସହ ହୃଦ ରୋଗୀ ଏବଂ ଉଚ୍ଚ ରକ୍ତଚାପ ରେ ପୀଡିତ ଥିବା ବ୍ୟକ୍ତି ଙ୍କ ଲାଗି ଏହା ବିଶେଷ ଉପକାରୀ ||
-ଫାଇବର ଅଧିକ ଥିବାରୁ ହଁ କୋଲେଷ୍ଟେରୋଲ ମଧ୍ୟ ନିୟନ୍ତ୍ରିତ କରିବା ସହ କୋଷ୍ଟ କାଠିନ୍ୟ ପରି ସମସ୍ୟା ରୁ ମଧ୍ୟ ମୁକ୍ତି ଦେଇଥାଏ |