ଘି କୁଆଁରୀ ଏକ ଔଷଧୀୟ ବୃକ୍ଷ।ବିଭିନ୍ନ ରୋଗ ର ଉପଚାର କରିବା ସହ ଜୈବିକ କୃଷି ରେ ମଧ୍ୟ ଏହାର ବେଶ୍ ଭଲ ଚାହିଦା ରହିଛି।ତେବେ ଘି କାଉଁରୀ ରୁ କୀଟନାଶକ ତିଆରି କରିବା ଅତି ସହଜ।
୧)ଏଥିରେ ଜୀବାଣୁ ନାଶକ ଓ ଫିମ୍ପି ନାଶକ ଗୁଣ ରହିଛି ତେଣୁ ୧ କି. ଗ୍ରା ସହ ୫୦୦ ଗ୍ରାମ ଘି କୁଆଁରୀ ର ରସ କୁ ମିଶାଇ ଉକ୍ତ ମିଶ୍ରଣକୁ ଏକ ବଡ଼ ମୁହଁ ଥିବା ପାତ୍ରରେ ରଖିବାକୁ ପଡ଼ିଥାଏ।ଏକର ପିଛା ୧-୫ ଟି ପତ୍ର ବିଭିନ୍ନ ସ୍ଥାନ ରେ ରଖିଲେ ପୋକ ମାନେ ଏଠାକୁ ଆକର୍ଷିତ ହୋଇ ଆସି ପାତ୍ର ରେ ପଡିକି ମରିଯାଆନ୍ତି।
୨) ୫ କି.ଗ୍ରା ବେଗୁନିଆ ପତ୍ର କୁ ଛେଚି ୫ ଲିଟର ପାଣି ରେ ମିଶାଇ ତାକୁ ସିଝାନ୍ତୁ। ଏହାର ପରିମାଣ କମି ୨ ଲିଟର ହେଲା ଯାଏ ଶିଝାନ୍ତୁ ଓ ପରେ ଚୁଲିରୁ କାଢି ଥଣ୍ଡା କରନ୍ତୁ। ତା ପରେ ଏହାକୁ ଛାଣି ଅଲଗା ରଖନ୍ତୁ।ତା ପରେ ୨.୫ କି . ଗ୍ରା ଘି କୁଆଁରୀ ପତ୍ର ରୁ ରସ ବାହାର କରନ୍ତୁ।ଏହି ରସ ଓ ବେଗୁନିଆ ନିର୍ଯ୍ୟାସକୁ ୫୦ ଲିଟର ପାଣିରେ ମିଶାଇ ଏକ ଏକର ଜମିରେ ସିଞ୍ଚନ କରନ୍ତୁ।ଶୋଷକ କିଟ ନିୟନ୍ତ୍ରଣ ରେ ଏହା ଅତ୍ୟନ୍ତ ଲାଭଦାୟକ ହୋଇଥାଏ।
୩) କପା ଫସଲ ରେ ବକରବିନ୍ଧା ପୋକ ଓ ଶୋଷକ କୀଟ ନିୟନ୍ତ୍ରଣ କରିବା ଲାଗି ୧ କି. ଗ୍ରା କରଞ୍ଜ ପିଡ଼ିଆ,୧ କି. ଗ୍ରା ନିମ୍ବ ପିଡ଼ିଆ,୨୫୦ ଗ୍ରାମ ଦୁଦୁରା ମଞ୍ଜି ଗୁଣ୍ଡ କରି ଏକ ପତଳା କାନ ରେ ବାନ୍ଧି ରାତି ସାରା ଭିଜାଇ ରଖନ୍ତୁ। ସକାଳୁ ଏହାକୁ ଚିପୁଡି ରସ ବାହାର କରନ୍ତୁ।ଏହା ସହ ୫୦୦ ଲିଟର ଘି କୁଆଁରୀ ରସ,୨ ଲିଟର ଦେଶୀ ଗାଈ ଗୋମୁତ୍ର,ଏବଂ ୧୫ ଲିଟର ପାଣି ମିଶାନ୍ତୁ। ଏହି ମିଶ୍ରଣ ଫସଲରେ ଏକର ପିଛା ୭୦ ରୁ ୧୦୦ ଲିଟର ସ୍ପ୍ରେ କରନ୍ତୁ।
୪) ନଡ଼ିଆ ଚାରା ଲଗାଇବା ଆଗରୁ ମନ୍ଦା ରେ ଘି କୁଆଁରୀ ଲଗାଇଲେ ନଡ଼ିଆ ଚାରା କୁ ପିମ୍ପୁଡ଼ି ଓ ଶତ୍ରୁ ଜୀବ ଆକ୍ରମଣ ହୁଏନାହିଁ।ସେହିପରି ଘି କୁଆଁରୀ ର ଗନ୍ଧ ରୁ ଉଈ ମାନଙ୍କ ଦାଉ ରୁ ରକ୍ଷା ମିଳିଥାଏ।