ଆପଣମାନେ ଜାଣିଥିବେ କୃଷି ହେଉଛି ଦେଶ ଅର୍ଥନୀତିର ମେରୁଦଣ୍ଡ । ନବୀନ ସରକାର ତଥା ରାଜ୍ୟ ସରକାରଙ୍କ ଶାସନ ସମୟରେ ରାଜ୍ୟରେ କୃଷି ଅଭିବୃଦ୍ଧି ହୋଇଥିବା ଦେଖିବାକୁ ମିଳିଛି । ପରିଣତି ସ୍ୱରୂପ ଆଜି ଦେଖିବାକୁ ଗଲେ ଦେଶଠାରୁ ଓଡ଼ିଶାର କୃଷି ଅଭିବୃଦ୍ଧି ଢ଼େର ଊର୍ଦ୍ଧ୍ୱରେ ପହଞ୍ଚି ସାରିଛି । ଦେଶର କୃଷି ଅଭିବୃଦ୍ଧି ହାର ୫.୯୮% ହୋଇ ଥିବାବେଳେ ଓଡ଼ିଶାରେ ଏହା ପାଖାପାଖି ୨୨.୫୨% ହୋଇଛି ।
ତେବେ ଗତକାଲି ଆଉ ଏକ ସାର କୁ ବ୍ୟବହାର ପାଇଁ ମାନ୍ୟତା ମିଳିଛି l ଯାହା ଚାଷ କ୍ଷେତ୍ର ପାଇଁ ଏକ ଶୁଭ ଖବର l ସାର ଆତ୍ମନିର୍ଭରତା ଦିଗରେ ଆଉ ଏକ ବଡ ସଫଳତା l ନାନୋ ୟୁରିଆ ପରେ ନାନୋ ଡିଏପି ( Nano DAP ) ଅନୁମୋଦିତ l କୃଷକଙ୍କ ଜୀବନକୁ ସହଜ କରିବା ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କହିଲେ ପ୍ରଧାନମନ୍ତ୍ରୀ l ଭାରତ ସରକାର ନାନୋ ୟୁରିଆ ପରେ ନାନୋ ଡିଏପିକୁ ଅନୁମୋଦନ ପ୍ରଦାନ କରିଛନ୍ତି । ଏହି ନିଷ୍ପତ୍ତି ଆମ ଚାଷୀ ଭାଇ ଓ ଭଉଣୀମାନଙ୍କ ଜୀବନକୁ ସହଜ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କହିଛନ୍ତି । କେନ୍ଦ୍ର ରସାୟନ ଓ ସାର ମନ୍ତ୍ରୀ ଡଃ ମନସୁଖ ମାଣ୍ଡଭିୟଙ୍କ ଟ୍ୱିଟ ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ ଟ୍ୱିଟ କରିଛନ୍ତି; “ଆମ ଚାଷୀ ଭାଇ-ଭଉଣୀଙ୍କ ଜୀବନକୁ ସହଜ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ।”
ନାନୋ ୟୁରିଆ ପରେ ଏବେ ଭାରତ ସରକାର ବର୍ତ୍ତମାନ ନାନୋ ଡିଏପିକୁ ମଧ୍ୟ ସବୁଜ ସଙ୍କେତ ଦେଇଛନ୍ତି । କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବ୍ୟ ଶନିବାର ଏ ନେଇ ଟୁଇଟ କରି ସୂଚନା ଦେଇଛନ୍ତି । ସେ ନିଜ ଟ୍ୱିଟ ରେ ଲେଖିଛନ୍ତି ଯେ , ’ସାରରେ ଆତ୍ମନିର୍ଭରଶୀଳତା ପାଇଁ ଏହା ହେଉଛି ଆଉ ଏକ ବଡ଼ ସଫଳତା ! ତେବେ ଏବେ ନାନୋ ୟୁରିଆ ପରେ ଭାରତ ସରକାର ବର୍ତ୍ତମାନ ନାନୋ ଡିଏପିକୁ ମଧ୍ୟ ଅନୁମୋଦନ କରିଛନ୍ତି । ଆଶା କରାଯାଉଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆତ୍ମନିର୍ଭରଶୀଳ ଭାରତ ଦର୍ଶନ ଅନୁଯାୟୀ ଏହି ସଫଳତା କୃଷକମାନଙ୍କୁ ବିପୁଳ ଲାଭ ଦେବ ବୋଲି । ବର୍ତ୍ତମାନ ଡିଏପିର ଏକ ବ୍ୟାଗ ବୋତଲ ଆକାରରେ ଉପଲବ୍ଧ ହେବ । ଯାହା ଚାଷୀ ବଜାର ରୁ କିଣି ପାରିବେ l
ଏହି ସାର ୟୁରିଆ ପରେ ଦେଶରେ ଦ୍ୱିତୀୟ ସର୍ବାଧିକ ବ୍ୟବହୃତ ହେଉଥିବା ସାର । ସୂଚନା ଅନୁଯାୟୀ, ବାର୍ଷିକ ପ୍ରାୟ ୧୦ ରୁ ୧୨.୫ ନିୟୁତ ଟନ ଡିଏପି ବ୍ୟବହୃତ ହୋଇଥାଏ ଚାଷ କ୍ଷେତରେ । ତେବେ ଏହା ସୂଚାନଯୋଗ୍ୟ ଯେ ଡିଏପିର ଉତ୍ପାଦନ ମାତ୍ର ଚାରିରୁ ପାଞ୍ଚ ନିୟୁତ ଟନ ରହିଛି । ଦେଶ ବାକି ଡିଏପି ଆମଦାନୀ କରିଥାଏ ଅନ୍ୟ ଦେଶକୁ । ଇଫକୋ ଦ୍ୱାରା ପ୍ରସ୍ତୁତ ଡିଏପିକୁ ଫର୍ଟିଲାଇଜର୍ କଣ୍ଟ୍ରୋଲ ଅର୍ଡରରେ କେନ୍ଦ୍ର ସରକାର ଅନ୍ତର୍ଭୁକ୍ତ କରିଛନ୍ତି ଏହାକୁ । ଏହା ହେଉଛି ଆଇନ ଯାହା ଦେଶରେ ସାର ବିକ୍ରୟ, ମୂଲ୍ୟ, ବଣ୍ଟନକୁ ନିୟନ୍ତ୍ରଣ କରିଥାଏ । ଫର୍ଟିଲାଇଜର୍ କଣ୍ଟ୍ରୋଲ ଅର୍ଡରରେ ସାମିଲ ହୋଇ ଡିଏପିର ଵାଣିଜ୍ୟକ କାରବାର ପାଇଁ ଆଇନ ସହଜ ହୋଇଥାଏ । କେନ୍ଦ୍ର ସରକାରଙ୍କ ଏହି ପଦକ୍ଷେପରେ କୃଷକମାନେ ସବୁଠାରୁ ବଡ ହିତାଧିକାରୀ ହେବାକୁ ଯାଉଛନ୍ତି । ତେବେ କେନ୍ଦ୍ର ର ଏଭଳି ପଦକ୍ଷେପ ଚାଷ କ୍ଷେତ୍ର ରେ ଉନ୍ନତି ଆଣିବା ଯାହାକି ଚାଷ କ୍ଷେତ୍ରକୁ ଆଉ ଏକ ପାଦ ଆଗକୁ ନେବ l