ଗୋମାତା ର ଅବଦାନ ରୁ ପ୍ରସ୍ତୁତ ଅନ୍ୟ ଏକ ପ୍ରାକୃତିକ ଅବଦାନ,ବୃକ୍ଷ ଲାଗି ଅମୃତ ଜଳ |ଏହି ଅପୂର୍ବ ମିଶ୍ରଣ ର ଅବଗତି ର ଅଭାବ ହେତୁ ଏହାର ପ୍ରୟୋଗ ଖୁବ କମ ଦେଖିବାକୁ ମିଳିଥାଏ ମାତ୍ର ଏହାର ପ୍ରସ୍ତୁତି ଓ ବ୍ୟବହାର ଖୁବ ସରଳ ଅଟେ|
ଆବଶ୍ୟକ ସାମଗ୍ରୀ :
- ଦେଶୀ ଗାଈ ର ଗୋବର -୧ କି.ଗ୍ରା
- ଦେଶୀ ଗାଈ ଗୋମୂତ୍ର-୧ ଲିଟର
- ଗୁଡ-୫୦ ଗ୍ରାମ /ଅକାହୂ ରସ ୨ ଗ୍ଲାସ
- ପାଣି-୧୦ ଲିଟର
କିପରି କାମ କରେ ଅମୃତ ଜଳ
ଏଥିରେ ଥିବା ଦେଶୀ ଗାଈ ଗୋବର ବୃକ୍ଷ ଲାଗି ପୋଷାକ ତତ୍ୱ ଧାରଣ କରିବା ସହ ସହସ୍ର ମୃତିକା ଉପକାରୀ କବକ ବା ଜୀବାଣୁ ଧାରଣା କରିଥାଏ |ଏଣୁ ଏହାର ପ୍ରୟୋଗ ଦ୍ୱାରା ମୃତିକା ସଂରକ୍ଷଣ ହେବ ସଙ୍ଗେ ସଙ୍ଗେ ଫସଲ କୁ ପୋଷାକ ତତ୍ତ୍ୱ ମଧ୍ୟ ଉପଲବ୍ଧ ହୋଇଥାଏ |ଏହା ଦ୍ୱାରା ଫସଲ ଅଧିକ ଫଳଦାୟକ ମଧ୍ୟ ହୋଇଥାଏ |
ପ୍ରସ୍ତୁତି ପ୍ରଣାଳୀ :
- ପ୍ଲାଷ୍ଟିକ ବା କାଠ ବାଲ୍ଟି ରେ ଗୁଡ ସହ ପାଣି ମିଶାଇ ତାକୁ ପତଳା କରନ୍ତୁ |ଏହି ଗୁଡ ଉପକାରୀ କବକ ମାନଙ୍କୁ ପୋଷକ ତତ୍ତ୍ୱ ଯୋଗାଇଥାଏ |
- ଗୋବର ଓ ଗୋମୂତ୍ର କୁ ବାଡ଼ି ସାହାଯ୍ୟ ରେ ଭଲ ଭାବରେ ମିଶାନ୍ତୁ
- ମିଶ୍ରଣ ଗୋଳାଇଲା ବେଳେ ଧୀରେ ଧୀରେ ଗୋଟେ ଦିଶା ରେ ଗୋଳାନ୍ତୁ |
- ଏଥିରେ ବଳକା ପାଣି ମିଶାଇ ମିଶ୍ରଣ କୁ କଣ ରେ ଗୋଡ଼ାଇ ରଖନ୍ତୁ |ଏହାକୁ ଅଧିକ ଖରା ବା ବର୍ଷ ରୁ ଦୁରାଇ ରଖନ୍ତୁ |
- ଦିନକୁ ୩ ଥର ଏହାକୁ ଗୋଳାନ୍ତୁ |
ଏହା ଦ୍ୱତୀୟ ଦିନ ସୁଦ୍ଧା ପଚିବା ଆରମ୍ଭ କରେ ଓ ଚତୁର୍ଥ ଦିନ ରେ ପ୍ରୟୋଗ ଉପଯୋଗୀ ହୋଇଥାଏ |