ଏଭଳି ସଂଖ୍ୟାଧିକ ପ୍ରଜାତି ର ମାଛ ଅଛନ୍ତି ଯେଉଁମାନଙ୍କୁ ବିଭିନ୍ନ ପ୍ରକାର ଔଷଧ ପ୍ରସ୍ତୁତିରେ ଉପଯୋଗ କରାଯାଏ |ମାଛ ଖାଇବା ସ୍ୱାସ୍ଥ୍ୟ ପକ୍ଷେ ହିତକାରୀ ,ବିଶେଷ କରି ଏହାକୁ ନିୟମିତ ଖାଇଲେ ହୃଦ ରୋଗର ଆଶଙ୍କା କମ ହେବାର ବିଶେଷଜ୍ଞ ମତ ଦିଅନ୍ତି |
ନିକଟରେ ବ୍ରାଜିଲରେ ଫେଡେରାଲ ବିଶ୍ୱ ବିଧ୍ୟାଳୟରେ ଗବେଷକ ଫିଲିପ ରୋଚା ଏକ ବିଶେଷ ପ୍ରଜାତିର ମାଛ ସମ୍ପର୍କରେ ରୋଚକ ତଥ୍ୟ ପ୍ରକାଶ କରିଛନ୍ତି| ମନୁଷ୍ୟର କୌଣସି ଅଙ୍ଗ ର ତ୍ୱଚା ନିଆଁରେ ପୋଡି ହେଲେ କିମ୍ବା ଦୁର୍ଘଟଣା କ୍ଷତାକ୍ତ ହେଲେ ,ଅନେକ ପରିସ୍ଥିତିରେ ଖଣ୍ଡିଆଖାବରା ଶୁଖିବା ନିମନ୍ତେ ଅନେକ ସମୟ ଲାଗିଥାଏ |ବ୍ୟାଣ୍ଡେଜ ଲଗାଇବା ପରେ ମଧ୍ୟ କେତେଜଣ ରୋଗୀଙ୍କ ପରିସ୍ଥିତିରେ ସେପରି ସୁଧାର ଆସିନଥାଏ|
ଏହାର ସରଳ ତଥା ସହଜ ଉପଚାର କରିବା ଏଥର ମାଛର ତ୍ୱଚା|ତିଲାପିୟା ପ୍ରଜାତି ର ମାଛର ତ୍ୱଚାରେ ଜଳାପୋଡ଼ା ଓ ଅନ୍ୟାନ୍ୟ କ୍ଷତାକ୍ତ ସ୍ଥାନର ଶୀଘ୍ର ଚିକିତ୍ସା ହୋଇପାରିବ ବୋଲି ବିଶେଷଜ୍ଞ ପ୍ରକାଶ କରିଛନ୍ତି |ଏଇ ମାଛର ତ୍ୱଚାରେ ଏଭଳି ଏକ କୋଲାଜେନ ଚିହ୍ନଟ ହୋଇଛି,ଯାହା ମନୁଷ୍ୟ ତ୍ୱଚା ରେ ମଧ୍ୟ ଥିବାର ଜଣାପଡିଛି |
ବ୍ୟାଣ୍ଡେଜରେ ଯଦି ଖଣ୍ଡିଆ ଶୁଖିବା ନିମନ୍ତେ ୬ ଦିନ ଲାଗିଥାଏ ,ଏବେ ଏହି ମାଛର ତ୍ୱଚାରେ ଚିକିତ୍ସା ହେଲେ ତାହା ୨ ଦିନରେ ଶୁଖିଥାଏ ବୋଲି ବିଶେଷଜ୍ଞଙ୍କ ଦାବି |୨୦୧୯ ଜାଣୁଆର ଦ୍ଵିତୀୟ ସପ୍ତାହ ସୁଦ୍ଧା ଏଇ ମାଛ ପୁନଃ ପରୀକ୍ଷା କରାଯିବ ବୋଲି ଜଣାପଡିଛି |