ସୋଲାର ବବଳ ଡ୍ରାୟର ଏକ ସ୍ବଳ୍ପମୂଲ୍ୟ ଯୁକ୍ତ ,ସରଳ ସୁନ୍ଦର ପ୍ରୌଦ୍ୟୋଗିକୀ ଯାହା ସୌରଶକ୍ତି ର ବ୍ୟବହାର ଦ୍ୱାରା ଧାନ ବା ଅନ୍ୟାନ୍ୟ ବୀଜ କୁ ସୁଖେଇବାରେ ସାହାଯ୍ୟ କରିଥାଏ |ଏହାର ନିର୍ମାଣ ବେଶ ସରଳ ହୋଇଥିବାରୁ ,ବହନୀୟତା ରେ ବିଶେଷ ସମସ୍ୟା ହୁଏ ନାହିଁ ଏବଂ ଇନ୍ଧନ ଉପରେ ନିର୍ଭରଶୀଳ ନ ହୋଇ ,ଏହା ସ୍ୱତନ୍ତ୍ର ଭାବେ ସୌର ଶକ୍ତି ର ପ୍ରୟୋଗ କରିଥାଏ ଫଳରେ ଏହା ଚାଷୀମାନଙ୍କୁ ଅଳ୍ପଅମୂଲ୍ୟ ରେ ଉପଲବ୍ଧ ହୋଇପାରିବ |ଏହା ବିଭିନ୍ନ ଆକାର ର ହୋଇପାରିବ ,ମାତ୍ର ବର୍ତ୍ତମାନ ଏହା ୦.୫ -୧ ଟନ ର ସାମର୍ଥ୍ୟ ରଖିଛି |
ଏହା ଗୁଣାତ୍ମକ ଭାବେ ପାରମ୍ପରିକ ଧାନ ସୁଖେଇବା ପ୍ରଣାଳୀ ଠାରୁ ଅଧିକ ଉପଯୋଗୀ ଏବଂ ଏଥିରେ ଧାନ ର ମାତ୍ରା ରେ କୌଣସି ପ୍ରଭାବ ପଡେ ନାହିଁ କାରଣ ଏହାଦ୍ୱାରା ଧାନ କୁ ଖରା, ବର୍ଷା ,ଜନ୍ତୁ ବା ଯାନ୍ତ୍ରିକ ଆଦି ସମସ୍ତ ସମସ୍ୟା ରୁ ସୁରକ୍ଷା ମିଳିଥାଏ |ଏଥିରେ ପ୍ରାୟେ ୧ ଟନ ର ଧାନ ମାତ୍ର ଗୋଟେ ଦିନ ରେ ଶୁଖା ଯାଇପାରିବ ଏବଂ ଖରା କମ ହେଉଥିଲେ ଏହି ସମୟସୀମା ରେ ସାମାନ୍ୟ ବୃଦ୍ଧି ଦେଖାଯାଇଥିଏ (୨ ଦିନ )|ଏଥିରେ ହାରାହାରି ଘଣ୍ଟା କୁ ଶତକଡା ୦.୫ ଭାଗ ର ଆଦ୍ରତା ହ୍ରାସ ପାଇଥାଏ |ଏହାର ମୂଳ ଉଦେଶ୍ୟ ଧାନ କୁ ବର୍ଷା ରୁ ସୁରକ୍ଷା ଦେବା,ସୌର ଶକ୍ତି ରୁ ଉସ୍ମତା ରେ ପରିବର୍ତ୍ତିତ କରିବା ଏବଂ ପରିଶେଷରେ ଏହାକୁ ଧାନ ଶୁଖାଇବାରେ ରେ ବ୍ୟବହାର କରିବା |
ସୋଲାର ବବଳ ଡ୍ରାୟର ୨ ଟି ପ୍ରଣାଳୀ ରେ ସୌର ଶକ୍ତି ର ବ୍ୟବହାର କରିଥାଏ |ପ୍ରଥମେ ଧାନ ସୁଖାଉଥିବା ସୁଡ଼ଙ୍ଗ ବା ଟନେଲ ,ସୌରଶକ୍ତି ରୁ ଉସ୍ମତା ସଂଗ୍ରହ କରେ ଫଳରେ ତା ମଧ୍ୟରେ ଥିବା ବାୟୁ ର ତାପମାତ୍ରା ବୃଦ୍ଧି ପାଇଥାଏ ଏବଂ ତାଦ୍ଵାରା ଧାନ ଶୀଘ୍ର ସୁଖିଥାଏ |ଅନ୍ୟପକ୍ଷରେ ଏହାର ଦକ୍ଷତା ବୃଦ୍ଧି ଲାଗି ଏଥିରେ ଲାଗିଥିବା ଫଟୋ -ଭୋଲଟାଇକ ସେଲ ଦ୍ୱାରା ପ୍ରସ୍ତୁତ ବିଦ୍ୟୁତ ଶକ୍ତି କୁ ବ୍ୟବହାର କରି ଏଥିରେ ଲାଗିଥିବା ଫ୍ୟାନ୍ ଅଧିକ ରୁ ଅଧିକତମ ଗରମ ପବନ ସୁଡ଼ଙ୍ଗ ଭିତରକୁ ନିର୍ଧାରିତ କରେ ଏବଂ ଧାନ ଶୁଖାଇବାରେ ସାହାଯ୍ୟ କରେ | ଫଟୋ -ଭୋଲଟାଇକ ସେଲ ସହ ଏକ ୧୨ ବୋଲ୍ଟ ର ରିଚାର୍ଜଏବୁଲ ବେଟେରି ଲାଗିଥାଏ ତେଣୁ ଏହାକୁ ରାତିରେ ମଧ୍ୟ ବ୍ୟବହାର କରିହେବ |ଧାନ ରୁ ବାଷ୍ପୀଭୂତ ହେଉଥିବା ଆଦ୍ରତା କୁ ମଧ୍ୟ ସେଇ ଗରମ ପବନ ନିଷ୍କାସନ କରିବାରେ ସାହାଯ୍ୟ କରିଥାଏ |
ଦୌଡ଼ି ସହ ଉଭୟ ପଟ ରେ ବନ୍ଧା ହେଇଥିବା ରୋଲର ସାହାଯ୍ୟ ରେ ଧାନ କୁ ଉଲଟ-ପାଲଟ କରିହୁଏ ତେଣୁ ତାହା ଖୁବ କମ ସମୟରେ ଅଧିକ ଦକ୍ଷତା ସହ ସୁଖିଥାଏ |