କେନ୍ଦ୍ର କୃଷି ଓ କୃଷକ କଲ୍ୟାଣ ଏବଂ ଗ୍ରାମ୍ୟ ଉନ୍ନୟନ ମନ୍ତ୍ରୀ ଶ୍ରୀ ଶିବରାଜ ସିଂ ଚୌହାନ ଆଜି ଏକ ସାମ୍ବାଦିକ ସମ୍ମିଳନୀରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ପିଏମ-କିସାନ ଅଧୀନରେ ପ୍ରାୟ ୨୦,୦୦୦ କୋଟି ଟଙ୍କାର ୧୭ ତମ କିସ୍ତି ରିଲିଜ୍ ସମ୍ପର୍କରେ ସୂଚନା ଦେଇଛନ୍ତି । ଆଜି ପ୍ରଧାନମନ୍ତ୍ରୀ କିସାନ ଯୋଜନାର ୧୭ ତମ କିସ୍ତି କୃଷକମାନଙ୍କୁ ପ୍ରଦାନ କରିବେ l
ଏହା ସହିତ ୩୦,୦୦୦ ରୁ ଅଧିକ ସ୍ୱୟଂ ସହାୟକ ଗୋଷ୍ଠୀକୁ ପ୍ରମାଣପତ୍ର ମଧ୍ୟ ପ୍ରଦାନ କରିବେ। ଉତ୍ତର ପ୍ରଦେଶ ସରକାରଙ୍କ ସହଯୋଗରେ କେନ୍ଦ୍ର କୃଷି ଏବଂ କୃଷକ କଲ୍ୟାଣ ମନ୍ତ୍ରଣାଳୟ ଦ୍ୱାରା ଏହି କାର୍ଯ୍ୟକ୍ରମ ଆୟୋଜିତ ହେବ। ଏହି କାର୍ଯ୍ୟକ୍ରମରେ ଉତ୍ତରପ୍ରଦେଶର ରାଜ୍ୟପାଳ, କେନ୍ଦ୍ର କୃଷି ମନ୍ତ୍ରୀ ଶ୍ରୀ ଶିବରାଜ ସିଂ ଚୌହାନ, ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ଉତ୍ତରପ୍ରଦେଶ ସରକାରଙ୍କ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେବେ ।
କେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରୀ କହିଛନ୍ତି ଯେ ଆଜି କୃଷକମାନେ ଦେଶର ଶସ୍ୟ ଭଣ୍ଡାର ପୂରଣ କରୁଛନ୍ତି । ସେ କହିଛନ୍ତି ଯେ ଏହାପୂର୍ବରୁ ମଧ୍ୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କୃଷି ଏବଂ କୃଷକମାନଙ୍କୁ ପ୍ରାଥମିକତା ଦେଇଛନ୍ତି l ଯେଉଁଥିପାଇଁ କୃଷକଙ୍କ କଲ୍ୟାଣ ପାଇଁ ଅନେକ ପଦକ୍ଷେପ ନିଆଯାଇଥିଲା ଏବଂ ବର୍ତ୍ତମାନ କାର୍ଯ୍ୟଭାର ଗ୍ରହଣ କରିବା ପରେ ପ୍ରଧାନମନ୍ତ୍ରୀ ପ୍ରଥମେ ଏହା କରିଥିଲେ । କୃଷକମାନଙ୍କ ପାଇଁ କିସାନ୍ ସମ୍ମାନ ନିଧିର ୧୭ ତମ କିସ୍ତି ଶ୍ରୀ ଚୌହାନ କହିଛନ୍ତି ଯେ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହେବା ପରେ ତାଙ୍କର ପ୍ରଥମ କାର୍ଯ୍ୟକ୍ରମରେ ୨୦,୦୦୦ କୋଟିରୁ ଅଧିକ ମୂଲ୍ୟର ବହୁ ପ୍ରତୀକ୍ଷିତ ୧୭ ତମ କିସ୍ତି ପ୍ରଧାନମନ୍ତ୍ରୀଙ୍କ ଦ୍ୱାରା ୯.୨୬ କୋଟିରୁ ଅଧିକ ହିତାଧିକାରୀଙ୍କୁ ବଣ୍ଟନ କରାଯିବ।
କେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରୀ କହିଛନ୍ତି ଯେ ପ୍ରଧାନମନ୍ତ୍ରୀ ତିନି ଲକ୍ଷ ଲକ୍ଷପତି ଦିଦି ଦେଶରେ ସୃଷ୍ଟି କରିବାକୁ ନିଷ୍ପତ୍ତି ନେଇଛନ୍ତି l ଯେଉଁଥିରୁ ପ୍ରାୟ ଏକ ଲକ୍ଷ ଲକ୍ଷପତି ଦିଦି ତିଆରି କରିଛନ୍ତି l ଶ୍ରୀ ଚୌହାନ କହିଛନ୍ତି ଯେ ଚାଷୀଙ୍କୁ ସାହାଯ୍ୟ କରିବା ପାଇଁ ଅନେକ ଭଉଣୀଙ୍କୁ ତାଲିମ ଦେଇ ପ୍ରସ୍ତୁତ କରାଯାଇଛି ଯାହା ଦ୍ୱାରା ସେମାନେ କୃଷି କ୍ଷେତ୍ରରେ ବିଭିନ୍ନ କାର୍ଯ୍ୟ ମାଧ୍ୟମରେ କୃଷକମାନଙ୍କୁ ସହାୟତା କରିପାରିବେ ଏବଂ ବାର୍ଷିକ ପ୍ରାୟ ୬୦ -୮୦ ହଜାର ଟଙ୍କା ରୋଜଗାର କରିପାରିବେ । କେନ୍ଦ୍ର ମନ୍ତ୍ରୀ କହିଛନ୍ତି ଯେ ପ୍ରଧାନମନ୍ତ୍ରୀ କିସାନ କିସ୍ତି ରିଲିଜ କାର୍ଯ୍ୟକ୍ରମ ସହିତ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ମଧ୍ୟ ୩୦ ,୦୦୦ ରୁ ଅଧିକ ସେଲଫ ହେଲପ ଗ୍ରୁପ (SHGs) କୁ ପ୍ରମାଣପତ୍ର ପ୍ରଦାନ କରିବେ।
ଶ୍ରୀ ଶିବରାଜ ସିଂ ଚୌହାନ କହିଛନ୍ତି ଯେ କୃଷି କ୍ଷେତ୍ରରେ ମହିଳାମାନଙ୍କର ଗୁରୁତ୍ୱପୂର୍ଣ୍ଣ ଭୂମିକାକୁ ବିଚାର କରି କୃଷି ଓ ଗ୍ରାମ୍ୟ ଉନ୍ନୟନ ମନ୍ତ୍ରଣାଳୟ ମଧ୍ୟ ଏକ ବୁଝାମଣାପତ୍ର ସ୍ୱାକ୍ଷର କରିଛନ୍ତି। ସେ କହିଛନ୍ତି ଯେ ପ୍ରଧାନ ମନ୍ତ୍ରୀ କିସାନ ସମ୍ମାନ ନିଧି ଅଧୀନରେ ବର୍ଷକୁ ୬ ,୦୦୦ ଟଙ୍କା ଆର୍ଥିକ ଲାଭ ପ୍ରତ୍ୟକ୍ଷ ବେନିଫିଟ ଟ୍ରାନ୍ସଫର (ଡିବିଟି) ମୋଡ ମାଧ୍ୟମରେ ପ୍ରତି ଚାରିମାସରେ ତିନିଟି ସମାନ କିସ୍ତିରେ ଦେଶର କୃଷକ ପରିବାରର ବ୍ୟାଙ୍କ ଆକାଉଣ୍ଟକୁ ପଠାଯାଉଛି l ପ୍ରଧାନମନ୍ତ୍ରୀ ଫସଲ ବୀମା ଯୋଜନା, ୪ କୋଟିରୁ ଅଧିକ ଚାଷୀଙ୍କୁ ଆର୍ଥିକ ସୁରକ୍ଷା ସୁନିଶ୍ଚିତ କରାଯାଇଛି।
ଅଧିକ ପଢ଼ନ୍ତୁ