ପ୍ରଧାନ ମନ୍ତ୍ରୀ ସୂର୍ଯ୍ୟୋଦୟ ଯୋଜନା ହେଉଛି ଏକ ଉଚ୍ଚାଭିଳାଷୀ ଯୋଜନା ଯେଉଁଥିରେ ଦେଶର ପ୍ରାୟ ୧ କୋଟି ଲୋକ ଏଥିରୁ ଉପକୃତ ହେବେ। ଏହି ଯୋଜନାର ମୂଳ ଲକ୍ଷ୍ୟ ହେଉଛି ୧ କୋଟି ଘରର ଛାତ ଉପରେ ସୋଲାର ପ୍ୟାନେଲ ସ୍ଥାପନ କରିବା l ଏହି ଯୋଜନା ପାଇଁ ଯୋଗ୍ୟ ବ୍ୟକ୍ତିଙ୍କ ଘର ଛାତ ଉପରେ ସୋଲାର ପ୍ୟାନେଲ ସ୍ଥାପନ ପାଇଁ କେନ୍ଦ୍ର ସରକାର ଖୁବ୍ ଶୀଘ୍ର ଏକ ଜାତୀୟ ଅଭିଯାନ ଆରମ୍ଭ କରିବେ।
କ’ଣ ରହିଛି ଏହି ଯୋଜନାର ଫାଇଦା -
-ପ୍ରଧାନମନ୍ତ୍ରୀ ସୂର୍ଯ୍ୟୋଦୟ ଯୋଜନା ଗ୍ରାହକଙ୍କ ବିଦ୍ୟୁତ୍ ବିଲ୍ ହ୍ରାସ କରିବ ଏବଂ ବହୁ ଅର୍ଥ ସଞ୍ଚୟ କରିବ।
-ଏହି ଯୋଜନା ପାଇଁ ଯୋଗ୍ୟ ବ୍ୟକ୍ତିମାନେ ସେମାନଙ୍କର ଖାଲି ଛାତରେ ବିଦ୍ୟୁତ୍ ଉତ୍ପାଦନ ପାଇଁ ଉପଯୁକ୍ତ ବ୍ୟବହାର କରିପାରିବେ l
-ବିଦ୍ୟୁତ୍ ଉପଭୋକ୍ତାମାନେ ସୋଲାର ପ୍ୟାନେଲ୍ ସ୍ଥାପନ ପାଇଁ ଜମି କିଣିବାକୁ ପଡିବ ନାହିଁ l
-ଏହି ଯୋଜନା ଦ୍ୱାରା କାର୍ବନ ନିର୍ଗମନ ହ୍ରାସ ପାଇବ ଏବଂ ଦେଶରେ ସ୍ୱଚ୍ଛ ଶକ୍ତି ବୃଦ୍ଧି ପାଇବ l
କେଉଁ ଲୋକ ପାଇବେ ଏହି ଯୋଜନାର ଲାଭ -
-ସରକାରୀ ସେବା ସହିତ ସଂଯୁକ୍ତ ନଥିବା ପ୍ରତ୍ୟେକ ଭାରତୀୟଙ୍କ ପାଇଁ ପ୍ରଧାନ ମନ୍ତ୍ରୀ ସୂର୍ଯ୍ୟୋଦୟ ଯୋଜନାର ଲାଭ ଉପଲବ୍ଧ ହେବ।
-ହିତାଧିକାରୀଙ୍କ ବାର୍ଷିକ ଆୟ ୧.୫ ଲକ୍ଷରୁ ଅଧିକ ହେବା ଉଚିତ୍ ନୁହେଁ l
-ଗରିବ ଶ୍ରେଣୀ, ମଧ୍ୟବିତ୍ତ ଏବଂ ଅଭାବୀ ବ୍ୟକ୍ତି ଏହି ଯୋଜନା ପାଇଁ ଯୋଗ୍ୟ ହେବେ।
ଯେପରିକି ଆପଣ ସମସ୍ତେ ଜାଣିଛନ୍ତି ସରକାରୀ ଯୋଜନା ଆବେଦନ ପାଇଁ କୌଣସି ମିଛ ଡକ୍ୟୁମେଣ୍ଟ ଆପଣ ପ୍ରଦର୍ଶନ କରି ପାରିବେ ନାହିଁ l ଯଦି ଏହା ଭୁଲ ରହେ ତେବେ ଆପଣଙ୍କୁ ଏଥିପାଇଁ ଦଣ୍ଡ ମଧ୍ୟ ଦିଆଯାଇପାରିବ l ସେହିପରି ଏହି ଯୋଜନା ପାଇଁ ମଧ୍ୟ ଡକ୍ୟୁମେଣ୍ଟ ଆବଶ୍ୟକ l ଆବେଦନକାରୀଙ୍କ ପାଖରେ ଆଧାର କାର୍ଡ, ଠିକଣା , ବିଦ୍ୟୁତ୍ ବିଲ୍, ବ୍ୟାଙ୍କ ପାସବୁକ୍, ପାସପୋର୍ଟ ସାଇଜ୍ ଫଟୋ କିମ୍ବା ରାସନ କାର୍ଡ ଭଳି ଡକ୍ୟୁମେଣ୍ଟ୍ ରହିବା ଜରୁରୀ l ଗରିବ ଓ ମଧ୍ୟବିତ୍ତଙ୍କ ବିଦ୍ୟୁତ୍ ବିଲ୍ ହ୍ରାସ କରିବା ସହ ଭାରତକୁ ଶକ୍ତି କ୍ଷେତ୍ରରେ ଆତ୍ମନିର୍ଭରଶୀଳ କରିବା ଏହି ଯୋଜନାର ଲକ୍ଷ୍ୟ l ଘରୋଇ ଉପଭୋକ୍ତାଙ୍କୁ ଅଧିକ ସଂଖ୍ୟକ ଛାତ ଉପରେ ସୌର ଶକ୍ତି ସ୍ଥାପନ ପାଇଁ ପ୍ରେରିତ କରିବା ଉଦ୍ଦେଶ୍ୟରେ ଏକ ବିଶାଳ ଜାତୀୟ ଅଭିଯାନ ଆରମ୍ଭ କରିବାକୁ ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଛନ୍ତି l
ଅଧିକ ପଢ଼ନ୍ତୁ