ନିଜ ମୁହଁକୁ ସୁନ୍ଦର କରିବା ପାଇଁ ସମସ୍ତେ ଚାହାନ୍ତି । ଏଥିପାଇଁ ଅନେକ ଫେସ ପ୍ୟାକ୍ ଓ ବିଭିନ୍ନ ବ୍ୟୁଟି କ୍ରିମ ବ୍ୟବହାର କରିଥାନ୍ତି । ସେହିପରି ଅନେକ ଲୋକେ ପ୍ରାକୃତିକ ଉପାୟରେ ମଧ୍ୟ ଚେହେରାର ଚମକ ବଢ଼ାଇବା ପାଇଁ ଚେଷ୍ଟା କରିଥାନ୍ତି । ଘରୋଇ ସାମଗ୍ରୀ ତଥା ପରିବାକୁ ବ୍ୟବହାର କରି ଫେସ ମାସ୍କ ତିଆରି କରନ୍ତି । ଏହିପରି ଏକ ଘରୋଇ ପରିବା ହେଉଛି ବନ୍ଧାକୋବି । ଏଥିସହିତ ବନ୍ଧାକୋବି ଔଷଧୀୟ ଗୁଣରେ ଭରପୁର । ବନ୍ଧାକୋବି ରସ ନିୟମିତ ପିଇବା ଦ୍ୱାରା,ଏହା ଶରୀରର ରୋଗପ୍ରତିରୋଧକ ଶକ୍ତି ବଢିବା ସହ, କେଶ ଓ ତ୍ୱଚାକୁ ମଧ୍ୟ ପୋଷଣ ମିଳିଥାଏ ।
ପୋଷକ ତତ୍ୱ ଯୁକ୍ତ ବନ୍ଧାକୋବି ଖାଇବା ଦ୍ୱାରା, କେଶ ଓ ତ୍ୱଚାକୁ ଆବଶ୍ୟକ ପରିମାଣରେ ଭିଟାମିନ୍ ମିଳିଥାଏ । ଏହାର ରସ ମଧ୍ୟ ତ୍ୱଚା ପାଇଁ ବେଶ ଉପକାରୀ । ବନ୍ଧାକୋବି ଖାଇବାକୁ ଯେତିକି ସ୍ୱାଦିଷ୍ଟ ସେତିକି ଲଭାକାରୀ ମଧ୍ୟ । ଏହା ତ୍ୱଚା କୁଞ୍ଚନ ଦୂର କରିବା ସହ ଚେହେରାର ଚମକ ବଢ଼ଇବାରେ ସହାୟକ ହୋଇଥାଏ । ପତ୍ରକୋବିରେ ବିଟା କେରୋଟିନ୍, ଭିଟାମିନ୍ ବି ୧, ବି ୬, ଭିଟାମିନ୍ କେ, ଇ ଓ ସି ସହିତ ଅନେକ ଭିଟାମିନ୍ ରହିଥାଏ । ଏହା ସହିତ ପତ୍ରକୋବି ସ୍ୱାସ୍ଥ୍ୟ, ଚର୍ମ ଏବଂ କେଶ ପାଇଁ ଅତ୍ୟନ୍ତ ଉପଯୋଗୀ ସାବ୍ୟସ୍ତ ହୁଏ ।
ବନ୍ଧାକୋବି ରସ, ଲେମ୍ବୁ ରସ ସହିତ ଅଣ୍ଡାର ଧଳା ଅଂଶ ମିଶାଇ ତ୍ୱଚାରେ ଲଗାଇବା ଦ୍ୱାରା ଏହା ତ୍ୱଚାର କୋମଳତା ନିମନ୍ତେ ଭଲ କାମ ଦିଏ ।
ବନ୍ଧାକୋବି ରସ, ଦହି, ଅଲିଭ୍ ଅଏଲ୍ ମିଶାଇ ଏକ ମିଶ୍ରଣ ପ୍ରସ୍ତୁତ କରିବେ । ଏହି ମିଶ୍ରଣକୁ ତ୍ୱଚାରେ ଲଗାଇ ୧୫ ରୁ ୨୦ ମିନିଟ ପରେ ଧୋଇବେ । ଏହା ତ୍ୱଚାର ଶୁଷ୍କତା ଦୂର କରିବାରେ ସାହାଯ୍ୟ କରେ ।
୪ ବଡ ଚାମଚ ବନ୍ଧାକୋବି ରସ ସହ ଗୋଟିଏ ଅଣ୍ଡାର ଧଳା ଅଂଶ, ୧ ଚାମଚ ମହୁ, ୨ ଚାମଚ ଚାଉଳ ପାଉଡର, ୪ରୁ ୫ ବୁନ୍ଦା ଲେମ୍ବୁ ରସ ଫେଷ୍ଟକୁ ନିଜ ଚେହେରାରେ ଲଗାନ୍ତୁ । ଏହାପରେ ୨୦ ମିନିଟ ପରେ ମୁହଁକୁ ଧୋଇଦିଅନ୍ତୁ ।
ଏହାଦ୍ୱାରା ତ୍ୱଚାର ଚମକ ବଢ଼ିବା ସହ ଝୁରିଆଁ ତଥା ତ୍ୱଚା କୁଞ୍ଚନ ଦୂର ହୋଇଥାଏ ।
ବନ୍ଧାକୋବି ପେଷ୍ଟ , ମହୁ, ଅଣ୍ଡାର ଧଳାଅଂଶ,ଚାଉଳ ଚୂନା,ଲେମ୍ବୁ ରସ ମିଶାଇ ଭଲଭାବେ ମିକ୍ସ କରି, ଏକ ପ୍ୟାକ୍ ପ୍ରସ୍ତୁତ କରି ଚେହେରାରେ ଲଗାନ୍ତୁ । ଏହା ତ୍ୱଚା ପାଇଁ ବହୁ ଉପକାରୀ ହୋଇଥାଏ ।