ଡାଇବେଟିସରୁ ମୁକ୍ତି ଦେବ ଜାମୁ କୋଳି

ମଧୁମେହ (Diabetes)ରୋଗ ଆଜିକାଲି ଏକ ଗମ୍ଭୀର ସମସ୍ୟା ପାଲଟିଛି । ଯାହା ପ୍ରୟତଃ ସମସ୍ତଙ୍କ ପାଖରେ ଦେଖିବାକୁ ମିଳୁଛି । ତେବେ ଆପଣ ଜାଣିଛନ୍ତି କି ଜାମୁ କୋଳି (Blackberry) ମଧୁମେହ (Diabetics) ରୋଗୀଙ୍କ ପାଇଁ ରାମବାଣ ସଦୃଶ ହେବ ।

ସୂଚନା ଅନୁଯାୟୀ, ଜାମୁ କୋଳି (Blackberry) ସାଧାରଣତଃ ସମସ୍ତଙ୍କର ବେଶ୍ ପସନ୍ଦ । ପାଟିକୁ ଯେମିତି ସୁଆଦିଆ ଲାଗେ ଶରୀର ପାଇଁ ବି ସେତିକି ସ୍ୱାସ୍ଥ୍ୟକର । କେବଳ ଜାମୁ କୋଳି ନୁହେଁ, ଜାମୁର ମଞ୍ଜି ମଧ୍ୟ ଖୁବ୍ ପୃଷ୍ଟିକର । ଏହା ଖାଇବା ଦ୍ୱାରା ଅନେକ ଲାଭ ମିଳିପାରିବ । ଏଥିରେ ଆଣ୍ଟୋସିୟାନିନ ଥାଏ ଯାହା କର୍କଟ ଏବଂ ହୃଦରୋଗ ଭଳି ରୋଗରୁ ରକ୍ଷା କରିବାରେ ସହାୟକ ହୋଇଥାଏ । ଏଥିରେ କ୍ୟାଲସିୟମ୍, ପୋଟାସିୟମ୍, ଆଇରନ୍ ଓ ଭିଟାମିନ୍ ଭଳି ପୁଷ୍ଟିକର ଉପାଦାନ ରହିଥାଏ । ଜାମୁ କୋଳି କେବଳ ଫଳ ଭାବରେ ନୁହେଁ ବରଂ ଔଷଧ ଭାବରେ ମଧ୍ୟ ବ୍ୟବହୃତ ହୁଏ ।

ଜାମୁ କୋଳି ସେବନର ଲାଭ

ଜାମୁ ମଞ୍ଜିର ପାଉଡର ଓଜନ ହ୍ରାସ କରିବାରେ ବହୁତ ସାହାଯ୍ୟ କରିଥାଏ । ପ୍ରତିଦିନ ସକାଳେ ଉଠିବା ପରେ ଏକ ଚାମଚ ପାଉଡର ଖାଇବା ଦ୍ୱାରା ପେଟର ଚର୍ବି ହ୍ରାସ ହେବା ସହ ଶରୀରକୁ ସୁସ୍ଥ ରଖିଥାଏ । ଏହି ପାଉଡର ମୁହଁରୁ ବ୍ରଣ ଓ ଦାଗ ହଟାଇବାରେ ମଧ୍ୟ ସହାୟକ ହୋଇଥାଏ ।

ଡାଇବେଟିସ୍ (Diabetes)

ଜାମୁ କୋଳି (Blackberry)ର ମଞ୍ଜି ମଧୁମେହ (Diabetes) ପାଇଁ ଔଷଧ ଭାବରେ କାମ କରିଥାଏ । ଏହାର ପାଉଡର, ରସ ଓ ମଞ୍ଜି ପ୍ରତ୍ୟେକ ଅଂଶ ମଧୁମେହ (Diabetes) ରୋଗୀଙ୍କ ପାଇଁ ଲାଭଦାୟକ ଅଟେ । ଏହାକୁ ଆୟୁର୍ବେଦିକ ଔଷଧ ଭାବରେ ମଧ୍ୟ ବ୍ୟବହାର କରାଯାଇପାରିବ ।

ହଜମ ପ୍ରକ୍ରିୟାକୁ ଠିକ୍ ରଖେ

ବର୍ତ୍ତମାନର ଦୈନ୍ୟନ୍ଦିନ ନିତ୍ୟକର୍ମ ଏତେ ଖରାପ ହୋଇଛି ଯେ ଲୋକମାନଙ୍କ ପେଟରେ ଯନ୍ତ୍ରଣା, ଖାଦ୍ୟ ହଜମ ନହେବା ଭଳି ସମସ୍ୟା ହିଁ ଦେଖାଯାଏ । ଏହି ସମୟରେ ଜାମୁ (Blackberry) ମଞ୍ଜିର ପାଉଡର ଖାଇଲେ ଭଲ ଭାବରେ ହଜମ ହୋଇଯାଏ ।

ରକ୍ତ ଚାପ ବା ବ୍ଲଡ ପ୍ରେସର

ବର୍ତ୍ତମାନ ଅନେକ ଲୋକଙ୍କର ରକ୍ତଚାପ (Blood Pressure)ସମସ୍ୟା ଦେଖାଦେଉଛି । ଏହାକୁ କମ କରିବା ଲୋକଙ୍କ ପାଇଁ ଏକ ବଡ଼ ଆହ୍ୱାନ ପାଲଟିଥାଏ । ଏହି ସମୟରେ ଆପଣ ଜାମୁ (Blackberry) ମଞ୍ଜିର ପାଉଡରକୁ ପାଣି ସହିତ ଖାଇପାରିବେ, ଯାହା ରକ୍ତଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ ।

ଯଦି ଆପଣମାନେ ଏହି ଜିନିଷଗୁଡ଼ିକୁ ଧ୍ୟାନରେ ରଖି ଜାମୁ କୋଳି (Blackberry)ଖାଆନ୍ତି, ତେବେ ଆପଣମାନଙ୍କର କୌଣସି କ୍ଷତି ହେବ ନାହିଁ ।

ପ୍ରକାଶ ଥାଉ କି, ଏହି ପ୍ରବନ୍ଧରେ ଦିଆଯାଇଥିବା ସୂଚନାକୁ ଗ୍ରହଣ କରିବା ପୂର୍ବରୁ ନିଶ୍ଚିତ ଭାବରେ ଡାକ୍ତରଙ୍କର ପରାମର୍ଶ ନେବା ନିହାତି ଜରୁରୀ ।

ମଧୁମେହ ରୋଗୀ ଖାଉଛନ୍ତି କି ଅଣ୍ଡା...ନେଇପାରେ ଜୀବନ

ସକାଳୁ ଭିଜେଇ ଖାଅନ୍ତୁ ଏହି ଗୋଟିଏ ଜିନିଷ, ଡାଇବେଟିସ, ହାଇ BP ହୋଇଯିବ ଗାୟବ