ଫଳ (Fruits) ଖାଇବା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ । କାରଣ ଫଳ ଭିଟାମିନରେ ଭରପୂର ହୋଇଥିବାରୁ ଏହା ଶରୀରକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ସକାଳେ ଖାଲି ପେଟରେ (empty stomach) ଫଳ ଖାଇବା ଦ୍ୱାରା ସାରାଦିନ ଶରୀରରେ ଶକ୍ତି ମହଜୁଦ ହୋଇଥାଏ । କିନ୍ତୁ ଆପଣ ଜାଣନ୍ତି କି କିଛି ଫଳ ଅଛି, ଯାହାକୁ ସକାଳେ ଖାଲି ପେଟରେ ଖାଇବା ଦ୍ୱାରା ଲାଭ ବଦଳରେ କ୍ଷତି ଅଧିକ ହୋଇଥାଏ ।
ସୂଚନା ଅନୁଯାୟୀ, ଚାଲନ୍ତୁ ଜାଣିବା ସକାଳେ ଖାଲି ପେଟରେ କେଉଁ ଫଳ ଖାଇବା ଉଚିତ ଏବଂ କେଉଁ ଫଳ ଖାଇବା ହିଁ ଅନୁଚିତ ।
ସକାଳେ ଖାଲି ପେଟରେ ଖାଆନ୍ତୁ ଏହି ଫଳ,ଜାଣନ୍ତୁ...
ଅମୃତଭଣ୍ଡା (Papaya) -
ଏହା ଏପରି ଏକ ଫଳ ଯାହାକୁ ଆପଣ ସକାଳେ ଖାଲି ପେଟରେ ଖାଇଲେ ଶରୀର ପାଇଁ ଅଧିକ ଲାଭ ଦେଇଥାଏ । ସକାଳେ ଖାଲି ପେଟରେ ଅମୃତଭଣ୍ଡା (Papaya) ଖାଇବା ଦ୍ୱାରା ଡିହାଇଡ୍ରେସନ ସମସ୍ୟା ଦୂର ହେବା ସହ ଶରୀରକୁ ଶକ୍ତି ମିଳିଥାଏ ।
ପିଜୁଳି (Guava) -
ସକାଳେ ଖାଲି ପେଟରେ ପିଜୁଳି ଖାଇବା ସ୍ୱାସ୍ଥ୍ୟ ପାଇଁ ହିଁ ବେଶ ଲାଭଦାୟକ ବୋଲି ବିବେଚନା କରାଯାଏ । କାରଣ ସକାଳେ ଖାଲି ପେଟରେ ପିଜୁଳି ଖାଇବା ଦ୍ୱାରା କୋଷ୍ଠକାଠିନ୍ୟ ସମସ୍ୟା ଦୂର ହୁଏ । ସକାଳେ ଖାଲି ପେଟରେ ପିଜୁଳି ଖାଇବା ଦ୍ୱାରା ଆଖି ସମସ୍ୟା ଦୂର ହୋଇଥାଏ ।
ସେଓ (Apple) -
ସକାଳେ ଖାଲି ପେଟରେ ସେଓ ଖାଇବା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ । କାରଣ ସକାଳେ ଖାଲି ପେଟରେ ଆପଲ୍ ଖାଇବା ଦ୍ୱାରା ହଜମ ପ୍ରକ୍ରିୟା ଅଧିକ ଦ୍ରୁତ ହୋଇଥାଏ । ଏଥିସହ ସକାଳେ ଖାଲି ପେଟରେ ସେଓ ଖାଇବା ଦ୍ୱାରା କୋଲେଷ୍ଟ୍ରଲ ହ୍ରାସ ପାଇଁ ସାହାଯ୍ୟ କରିଥାଏ ।
କିୱି (Kiwi) -
କିୱି (Kiwi)କୁ ସବୁଠାରୁ ଶକ୍ତିଶାଳୀ ଫଳ ବୋଲି ବିବେଚନା କରାଯାଏ । ଖାଲି ପେଟରେ ସକାଳେ କିୱି ଖାଇବା ଦ୍ୱାରା ହିଁ ଅନେକ ପେଟ ରୋଗରୁ ମୁକ୍ତି ମିଳିଥାଏ ବୋଲି ସ୍ୱାସ୍ଥ୍ୟ ବିଶେଷଜ୍ଞ ମତ ରଖିଥାନ୍ତି । କାରଣ କିୱିରେ ଭିଟାମିନ୍ ସି ଥାଏ । ଯାହାଫଳରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇବା ସହ ହଜମ ପ୍ରକ୍ରିୟା ଦ୍ରୁତ ହୋଇଥାଏ ।
ଡାଳିମ୍ବ (Pomegranate) -
ଡାଳିମ୍ବ (Pomegranate)ହେଉଛି ପୁଷ୍ଟିକର ଖାଦ୍ୟର ଭଣ୍ଡାର । ତେଣୁ ଯଦି ଆପଣ ଡାଳିମ୍ବ (Pomegranate)କୁ ଖାଲି ପେଟରେ ଖାଆନ୍ତି, ତେବେ ଏହା ଶରୀରରେ ରକ୍ତ ଅଭାବ ସମସ୍ୟା ହିଁ ଦୂର କରିଥାଏ । କାରଣ ଡାଳିମ୍ବରେ ପ୍ରଚୁର ମାତ୍ରାରେ ଲୌହ (iron) ରହିଛି । ସକାଳେ ଖାଲି ପେଟରେ ଡାଳିମ୍ବ ଖାଇବା ଦ୍ୱାରା କର୍କଟ ରୋଗ ହେବାର ଆଶଙ୍କା ମଧ୍ୟ କମିଯାଇଥାଏ ।
ସକାଳେ ଖାଲି ପେଟରେ ଖାଆନ୍ତୁ ନାହିଁ ଏହି ଫଳ,ଜାଣନ୍ତୁ...
କମଳା (Orange) -
କମଳା (Orange) ସକାଳେ ଖାଲି ପେଟରେ ଖାଇବା ଉଚିତ୍ ନୁହେଁ । କାରଣ ଏଥିରେ ସାଇଟ୍ରିକ୍ ଏସିଡ୍ ରହିଥାଏ । ସକାଳେ ଖାଲି ପେଟରେ କମଳା ଖାଇବା ଦ୍ୱାରା ହିଁ ପେଟ ଏବଂ ଛାତିରେ ଜ୍ୱଳନ ହେବା ପରି ସମସ୍ୟା ଦେଖା ଦେଇପାରେ ।
ଅଙ୍ଗୁର (Grapes) -
ଅଙ୍ଗୁର (Grapes)ରେ ମଧ୍ୟ ବିଭିନ୍ନ ଏସିଡ୍ ରହିଥିବାରୁ ସକାଳେ ଖାଲି ପେଟରେ ଖାଇବା ଉଚିତ୍ ନୁହେଁ | ଏଥିରେ ଟାଟାରିକ ଓ ଏଲ-ମଲିକ (Tartaric acid and L-malic acid) ପରି ଏସିଡ ହିଁ ରହିଛି । ଏହା ଖାଦ୍ୟ ହଜମ କ୍ରିୟାକୁ ପ୍ରଭାବିତ କରିଥାଏ । ତେଣୁ ଅନ୍ୟ କାଦ୍ୟ ଖାଇବା ପରେ ଅଙ୍ଗୁର (Grapes) ଖାଇବା ଉଚିତ୍ ।
କଦଳୀ (Banana) -
ଲୋକମାନେ ସାଧାରଣତଃ ସକାଳେ ଖାଲି ପେଟରେ କଦଳୀ ଖାଇଥାନ୍ତି । କିନ୍ତୁ ଖାଲି ପେଟରେ କଦଳୀ ଖାଇବା ଉଚିତ୍ ନୁହେଁ । କାରଣ ଏଥିରେ ଥିବା ମ୍ୟାଗ୍ନେସିୟମ ଓ ପୋଟାସିୟମ (magnesium and potassium) ଏସିଡ ରହଥାଏ । ଯାହା ରକ୍ତରେ ଏସିଡ ସନ୍ତୁଳନକୁ ବିଗାଡ଼ି ଦେଇଥାଏ । ତେଣୁ ପ୍ରଥମେ ଅନ୍ୟ କୌଣସି ଖାଦ୍ୟ ଖାଇବା ପରେ କଦଳୀ ଖାଇବା ଉଚିତ୍ ।
ଲିଚି (Lychee) -
ଲିଚି (Lychee) ସକାଳେ ଖାଲି ପେଟରେ ଖାଇବା ଉଚିତ୍ ନୁହେଁ । କାରଣ ଯଦି ଆପଣ ସକାଳେ ଖାଲି ପେଟରେ ଲିଚି ଖାଆନ୍ତି, ତେବେ ଏହା ବାନ୍ତିର କାରଣ ହୋଇପାରେ । ଏଥିରେ ପ୍ରଚୁର ପରିମାଣରେ ୟୁରିକ (uric) ଏସିଡ ରହିଥିବାରୁ ଏହାକୁ ଖାଲି ପେଟରେ ଖାଇବାକୁ ହିଁ ବାରଣ କରାଯାଏ ।
ପ୍ରତିଦିନ ସକାଳୁ ଖାଆନ୍ତୁ ଭୃଷଙ୍ଗ ପତ୍ର, ମଧୁମେହ ଭଳି ବଡ ବଡ ରୋଗରୁ ମିଳିବ ମୁକ୍ତି