କରୋନା ମହାମାରୀ ସହିତ ସମ୍ପୁର୍ଣ୍ଣ ଦେଶ ଲଢୁଛି । ଭାରତରେ ଦୈନିକ ସଂକ୍ରମଣ ନିତି ଦିନ ବଢି ଚାଲିଥିଲା ବେଳେ ଏହା କମିବାର ନାଁ ନେଉ ନାହିଁ । ତେଣୁ ଏହି ମାରାତ୍ମକ ଭୂତାଣୁ ବିରୁଦ୍ଧରେ ପ୍ରତିରକ୍ଷା ସ୍ଥାପନ କରିବାକୁ ଆମକୁ ପ୍ରସ୍ତୁତ ହେବାକୁ ପଡିବ । ରୋଗ ପ୍ରତିରୋଧକ ଶକ୍ତି ଏବଂ ଶରୀରର ପ୍ରତିରକ୍ଷା ପ୍ରଣାଳୀକୁ ଦୃଢ କରିବାର ସମୟ ଆସିଛି ।
ସ୍ୱାସ୍ଥ୍ୟ ଦୃଷ୍ଟିରୁ ଶୀତ ଋତୁ ବହୁତ ଭଲ ବୋଲି ବିବେଚନା କରାଯାଏ । ଶରୀରକୁ ସୁସ୍ଥ ରଖିବା ପାଇଁ ଏହି ଋତୁ ସବୁଠାରୁ ଅନୁକୂଳ ଅଟେ । ଶୀତଦିନେ ଆସୁଥିବା ଫଳଗୁଡ଼ିକ କେବଳ ଖାଇବା ପାଇଁ ସ୍ୱାଦିଷ୍ଟ ନୁହେଁ, ବରଂ ସ୍ୱାସ୍ଥ୍ୟକୁ ଭଲ ରଖିବାରେ ମଧ୍ୟ ବହୁତ ସାହାଯ୍ୟ କରିଥାଏ । ଶୀତଦିନେ ରୋଗ ପ୍ରତିରୋଧକ ଶକ୍ତି ବଢ଼ାଇବା ପାଇଁ ଫଳ,ସୁପର ଫୁଡ୍ ଖାଇବା ଅତ୍ୟନ୍ତ ଲାଭଦାୟକ ଅଟେ । କରୋନା ମହାମାରିର ଏହି ସମୟରେ ସମସ୍ତଙ୍କ ପାଇଁ ଭଲ ରୋଗ ପ୍ରତିରୋଧକ ଶକ୍ତି ଆବଶ୍ୟକ । ଯଦି ଆମେ ଆମର ଦୈନ୍ୟଦିନ ଖାଦ୍ୟ ପେୟରେ କିଛିଟା ପରିବର୍ତ୍ତନ କରି ପାରିବ ତାହେଲେ ଆମେ ଏହି ମାରତ୍ମମକ ଭୁତାଣୁ ଠାରୁ ଦୁରେଇ ରହି ପାରିବ ।
ଶୀତଦିନେ ସମୃଦ୍ଧ ଏବଂ ଉପଲବ୍ଧ ଫଳଗୁଡ଼ିକ ହେଉଛି କମଳା, ଗୁଆ, ଡାଳିମ୍ବ, କିୱି, ଅଙ୍ଗୁର ଏବଂ ଷ୍ଟ୍ରବେରି । ଭିଟାମିନ୍ ‘ସି’ ଶରୀରକୁ ମୁକ୍ତ ରେଡିକାଲରୁ ରୋକିଥାଏ, ହୃଦୟ ପାଇଁ ଭଲ ଏବଂ ମଧୁମେହକୁ ନିୟନ୍ତ୍ରଣ କରିଥାଏ ।
ରସୁଣ- ରସୁଣରେ ଅତ୍ୟଧିକ ଭିଟାମିନ୍ ଏବଂ ମିନେରାଲ୍ସ ଥାଏ, ଏବଂ ପ୍ରତିରକ୍ଷା ପ୍ରଣାଳୀକୁ ପୋଷଣ କରିବା ସମୟରେ ଥଣ୍ଡା ଉପଶମକାରୀ ପଦାର୍ଥ ଭାବରେ କାର୍ଯ୍ୟ କରିଥାଏ । ଏହାକୁ ତରକାରୀ, ସାଲାଡରେ ଖାଇପାରିବେ ଏହା ଅନେକ ଉପାୟରେ ସାହାଯ୍ୟ କରିବ ।
କମଳା- ଆମେ ସମସ୍ତେ ଜାଣୁ ଯେ କମଳା ଭିଟାମିନ୍ ସି ର ଏକ ଉତ୍ତମ ଉତ୍ସ। ଏଥିରୁ କ୍ୟାଲସିୟମ ମଧ୍ୟ ମିଳିଥାଏ ।
ଅଦା- ଅଦାରେ ଥିବା ଓଷଧୀୟ ପଦାର୍ଥ ଗଳା ଯନ୍ତ୍ରଣା ଏବଂ ନାକ ସଂକୋଚନ କରିବାରେ ସାହାଯ୍ୟ କରେ । ଅଦାରେ ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ସାହାଯ୍ୟ କରେ ।
ପାଳଙ୍ଗ- ଫାଇବର ସହିତ ପ୍ୟାକ୍ ହୋଇଥିବା ଏକ ଉତ୍ତମ ସବୁଜ, ଅନ୍ତନଳୀରେ ସାହାଯ୍ୟ କରେ ଏବଂ ଏଥିରେ ବହୁତ ପରିମାଣର ଭିଟାମିନ୍ ସି ଥାଏ । ଏହା ଏକ ସୁସ୍ଥ ଖାଦ୍ୟ ।
ଡାଳିମ୍ବ – ଡାଳିମ୍ବ ଖାଇବା ଅତ୍ୟନ୍ତ ଲାଭଦାୟକ । ଶୀତଦିନେ ଡାଳିମ୍ବ ରକ୍ତକୁ ପତଳା କରିବାରେ ସାହାଯ୍ୟ କରିଥାଏ । ରକ୍ତଚାପ ସହିତ ହୃଦୟର ସ୍ୱାସ୍ଥ୍ୟ ପାଇଁ ଏହା ବହୁତ ଭଲ ବୋଲି ବିବେଚନା କରାଯାଏ ।
ସୁପ୍- ଚିକେନ୍ ହେଉ କିମ୍ବା ଭେଜ୍ ସୁପ୍, ଏହା ଥଣ୍ଡା ସହିତ ଲଢ଼ିବାରେ ସାହାଯ୍ୟ କରେ । ଏହା ମଧ୍ୟ ନାକ ଜନିତ ସମସ୍ୟାରୁ ମୁକ୍ତି ଦେବାରେ ସାହାଯ୍ୟ କରିଥାଏ ।