ଅମୃତ ଭଣ୍ଡା ପତ୍ର ଜୁସ୍ ଅନେକ ରୋଗ ପାଇଁ ଲାଭଦାୟକ, ଆପଣ ଜାଣନ୍ତୁ !!

ଅମୃତ ଭଣ୍ଡା ଏକ ସବୁଜ ପରିବା ଅଟେ l ଅମୃତ ଭଣ୍ଡାରେ ଭିଟାମିନ୍-ଏ ଓ ଭିଟାମିନ୍-ସି ଛଡା କ୍ୟାଲସିୟମ୍, ପୋଟାସିୟମ୍, ମାଗ୍ନେସିୟମ୍, ପ୍ରୋଟିନ୍ ଓ ଫାଇବର ମଧ୍ୟ ଭରପୁର ମାତ୍ରାରେ ମିଳିଥାଏ l ଆପଣମାନେ ଏହା ଜାଣି ରଖନ୍ତୁ ଯେ ଅମୃତ ଭଣ୍ଡା ଆମ ସ୍ୱାସ୍ଥ୍ୟ ପାଇଁ ଯେତିକି ଜରୁରୀ, ଏହାର ପତ୍ର ମଧ୍ୟ ଆମ ସ୍ୱାସ୍ଥ୍ୟ ପାଇଁ ସେତିକି ଜରୁରୀ

ହୋଇଥାଏ l ଅମୃତ ଭଣ୍ଡାର ପତ୍ରକୁ ଆୟୁର୍ବେଦରେ ଅନେକ ରୋଗର ଉପଚାର ପାଇଁ ବ୍ୟବହାର କରାଯାଇଥାଏ l ତେବେ ଆସନ୍ତୁ ଆମର ଏହି ଲେଖା ମାଧ୍ୟମରେ ଅମୃତ ଭଣ୍ଡାର ପତ୍ରକୁ ବ୍ୟବହାର କରିବାର ଉପାୟ ଓ ଲାଭ ବିଷୟରେ ଆଲୋଚନା କରିବା l

ଅମୃତ ଭଣ୍ଡା ପତ୍ରର ଜୁସ୍ ପ୍ରସ୍ତୁତିର ବିଧି

୧. ପ୍ରଥମେ ଆପଣ ୫-୧୦ ଅମୃତ ଭଣ୍ଡାର ତାଜା ପତ୍ର ନିଅନ୍ତୁ ଓ ଏହାକୁ ଭଲ ଭାବରେ ଥଣ୍ଡା ପାଣିରେ ଧୋଇଦିଅନ୍ତୁ l

୨. ଏହା ପରେ ଏହାକୁ ମିକ୍ସିରେ ଭରି ଦିଅନ୍ତୁ ଓ ଏଥିରେ କିଛି ପାଣି ଦେଇ ମିକ୍ସିକୁ ଚଲାଇ ଦିଅନ୍ତୁ l

୩. ଏବେ ଏହାକୁ ଜୁସରରେ ଭଲ ଭାବରେ ପେଷି ଦିଅନ୍ତୁ l

୪. ଏହାକୁ ଏବେ କୌଣସି ଛଣାରେ ଭଲ ଭାବେ ଛାଣି ଦିଅନ୍ତୁ l

୫. ଏବେ ଆପଣଙ୍କ ଜୁସ୍ ସମ୍ପୂର୍ଣ୍ଣ ରୂପେ ପ୍ରସ୍ତୁତ ହୋଇସାରିଛି l ଆପଣ ଚାହିଁଲେ ଏହାକୁ ତୁରନ୍ତ ପିଇପାରିବେ ଅଥବା ଏହାକୁ କୌଣସି କାଚ ବୋତଲରେ ଭରି ରଖିପାରିବେ ଓ ପରେ ଅଳ୍ପ ଅଳ୍ପ କରି ନିୟମିତ ଭାବରେ ପିଇପାରିବେ l

ଏହାକୁ ପିଇବାର ଲାଭ

୧. ପାଚନ କ୍ରିୟାକୁ ନିୟନ୍ତ୍ରିତ କରେ l ଯଦି ଆପଣଙ୍କୁ ପେଟ ସମ୍ଭନ୍ଧୀତ କିଛିବି ସମସ୍ୟା ରହିଥାଏ, ଯେପରିକି ବଦହଜମି, କୋଷ୍ଠକାଠିନ୍ୟ, ପେଟ ଯନ୍ତ୍ରଣା, ପେଟରେ ଗ୍ୟାସ ଜନିତ ସମସ୍ୟା ଆଦି, ତେବେ ଆପଣ ଏହି ଅମୃତ ଭଣ୍ଡାର ପତ୍ରର ଜୁସ୍  ପିଅନ୍ତୁ l ଏହା ଆପଣଙ୍କ ସମସ୍ୟାକୁ ନିଶ୍ଚିତ ରୂପେ ସମାଧାନ କରିପାରିବ l

୨. ଏହା ଆପଣଙ୍କ ଶରୀରରେ କୋଲେଷ୍ଟ୍ରରଲ ମାତ୍ରାକୁ ମଧ୍ୟ ନିୟନ୍ତ୍ରିତ କରିଥାଏ l

୩. ଡେଙ୍ଗୁ ହେବା ଦ୍ୱାରା ଶରୀରରେ ପ୍ଲେଟଲେଟସର ମାତ୍ରା ଦ୍ରୁତ ଗତିରେ କମ ହେବାରେ ଲାଗିଥାଏ l ଏହା ସହିତ ଜ୍ୱର ଓ ମୁଣ୍ଡ ବ୍ୟଥା ମଧ୍ୟ ହୋଇଥାଏ ଏହାକୁ ହ୍ରାସ କରିବା ପାଇଁ ଆପଣ ଏହି ଅମୃତ ଭଣ୍ଡା ପତ୍ରର ଜୁସ୍ ପିଇପାରିବେ l

୪. ଶରୀରର ରୋଗ ପ୍ରତିରୋଧକ ଶକ୍ତିକୁ ମଧ୍ୟ ଏହା ବୃଦ୍ଧି କରିଥାଏ l ଏଥିରେ ଏମିତି ସବୁ ଗୁରୁତ୍ୱପୂର୍ଣ୍ଣ ପୋଷକତତ୍ତ୍ୱ ରହିଥାଏ ଯାହା ଆମର ରୋଗ ପ୍ରତିରୋଧକ ଶକ୍ତିକୁ ବୃଦ୍ଧି କରିଥାଏ l

୫. ଅମୃତ ଭଣ୍ଡାର ପତ୍ରରୁ ମିଳୁଥିବା ଭିଟାମିନ-ଏ ଓ ସି ଆମ ଆଖି ପାଇଁ ବହୁତ ଲାଭକାରି ହୋଇଥାଏ l ଏହା ଆମର ଦୃଷ୍ଟି ଶକ୍ତି ବଢାଇବା ସହିତ ଆଖିର ଅନ୍ୟ ସମସ୍ୟାକୁ ମଧ୍ୟ ଦୂର କରିବାରେ ସହାୟକ ହୋଇଥାଏ l