ଛତିସଗର୍ଡ଼ ର ଯଶପୁରାନଗର ଜିଲ୍ଲା ମେଂଦୁଲଦୁଲା ଅଞ୍ଚଳର ଚାଷୀ ମାନେ ଏବେ ପ୍ରାଚୀନ ପଦ୍ଧତି ରେ ଧାନ ଚାଷ ନା କରି କାଜୁ ଓ ଆମ୍ବ ଚାଷ କରି ନିଜର ଆୟ ଦ୍ବିଗୁଣିତ କରୁଛନ୍ତି |ଠିକ ୭ ବର୍ଷ ପୂର୍ବେ ଏହି ଅଞ୍ଚଳର ଚାଷୀ ମାନେ ଧାନ ଚାଷ ଛାଡି ଏହି ପରି ଆମ୍ବ ଓ କାଜୁ ଚାଷ କରିବାର ନିର୍ଣ୍ଣୟ ନେବା ସାଙ୍ଗରେ ହାରାହାରି ହଜାର ଏକର ର ଜମି ରେ ଦଶହେରି ,ଲାଙ୍ଗରା ,ଆମ୍ରପାଲି ପ୍ରଜାତି ର ଆମ୍ବ ଗଛ ଲଗାଇଥିଲେ |
ବର୍ତ୍ତମାନ ଏହି ସମସ୍ତ ଗଛ ବଡ ହୋଇ ଭଲ ପରିମାଣରେ ଅମଳ ଦେବା ହେତୁ ଚାଷୀ ମାନେ ଏହାକୁ ବିକି ବେଶ ଲାଭବାନ ହେଉଛନ୍ତି |ଏହା ଜୈବିକ ରୂପ ରେ ହୋଇଥିବା ହେତୁ ଏହି ଆମ୍ବ ର ବଜାରରେ ବେଶ ଅଧିକ ଚାହିଦା ରହିଛି |
କାଜୁ ଚାଷ ରୁ ଲାଭ :
ଆମ୍ବ ପରେ ଏଠିକାର ଚାଷୀ ମାନେ ନିଜର ଆୟ ବୃଦ୍ଧି ଲାଗି କାଜୁଚାଷ ମଧ୍ୟ କରିବା ଆରମ୍ଭ କରିଛନ୍ତି|ତେଣୁ କାଜୁ ଗଛ ଲଗାଇବା ସହ ନିଜର ବଳକା ଜମି ରେ ସେମାନେ ଆମ୍ବ ମଧ୍ୟ ଲଗାଇଛନ୍ତି |ଏଠାକାର ଆମ୍ବ ଅନ୍ୟ ରାଜ୍ୟ ମାନଙ୍କରେ ବେଶ ଲୋକପ୍ରିୟ ହୋଇପାରିଛି |ତେଣୁ କି.ଗ୍ରା ପ୍ରତି ୫୦ ଟଙ୍କା ରେ ମଧ୍ୟ ଏହି ଆମ୍ବ ବିକ୍ରି ହେଉଛି |
ଆମ୍ବ ଓ କାଜୁ ଚାଷ ରୁ ମିଳିଛି ସୁନାମ :
ଏହି ଅଞ୍ଚଳ ର ନିକଟବର୍ତୀ ଚାଷୀ ମାନେ ମଧ୍ୟ ଏଥିରୁ ପ୍ରେରଣା ପାଇଁ ଏବେ କାଜୁ ଓ ଆମ୍ବ ଚାଷ କରିବାର ପ୍ରୟାସ କରୁଛନ୍ତି |ଏବେ ଅତ୍ୟଧିକ ମାତ୍ରା ରେ ଚାଷ କରିବା ହେତୁ ଏହି ଅଞ୍ଚଳ ର ଚାଷୀ ମାନେ ବେଶ ସୁନାମ ଅର୍ଜନ କରିବା ସାଙ୍ଗରେ ଏବେ ମିଳିତ ଚାଷ ଦ୍ୱାରା ଜଣେ ଚାଷୀ ବର୍ଷକୁ ଲକ୍ଷ ଟଙ୍କା ର ଅଧିକ ଲାଭ ପାଇବାରେ ସକ୍ଷମ ହେଉଛନ୍ତି |