କ୍ଷୁଦ୍ର ବଗିଚା ର ନିର୍ମାଣ
ବର୍ତମାନ ସ୍ଥାନ ଅଭାବ ରୁ ବହୁ ବ୍ୟକ୍ତି ଇଚ୍ଛା ଥାଇ ମଧ୍ୟ ଏକ ସୁନ୍ଦର ବଗିଚା ର ଆନନ୍ଦ ନେଇ ପାରୁନାହାନ୍ତି |ତେବେ ଆସନ୍ତୁ ଜାଣିବା କ୍ଷୁଦ୍ର ସ୍ଥାନ ରେ କିପରି ବଗିଚା କରିପାରିବେ |ଏହି ପ୍ରଣାଳୀ ରେ ଆପଣ ଚାହିଁଲେ ଏକ କୁଣ୍ଡ ରେ ମଧ୍ୟ କ୍ଷୁଦ୍ର ବଗିଚା ନିର୍ମାଣ କରିପାରିବେ |
କେଉଁ ଗଛ କୁଣ୍ଡ ରେ ଲଗାଇବା ଯୋଗ୍ୟ ?
-ଯେଉଁ ଗଛ ଛୋଟ ଏବଂ ଯାହା ଅଳ୍ପ ସୂର୍ଯ୍ୟାଲୋକ ରେ ବଂଚିପାରିବ ତାହା ଆପଣ କୁଣ୍ଡ ରେ ଲଗାଇପାରିବେ |ଏହା ଲାଗି ଆପଣ ଔଷଧୀୟ ବୃକ୍ଷ ଯେପରି ପୁଦିନା ,ମୋଟା ପତ୍ର ଥିବା ଗଛ ଯେପରି କ୍ୟାକ୍ଟସ ,ଛୋଟ ଏବଂ କ୍ଷୁଦ୍ର ଗୋଲାପ ବା ଅନ୍ୟ ଫୁଲ କୁ ବ୍ୟବହାର କରିପାରିବେ |ମନେ ରଖନ୍ତୁ ସମସ୍ତ ଗଛ କୁ ସମୟ ସମୟ ରେ କାଟି ଛୋଟ ରଖିବେ |
କେଉଁ ପ୍ରକାର ପାତ୍ର ରେ ବଗିଚା ସମ୍ଭବ ?
-ଛୋଟ କୁଣ୍ଡ ,କାଚ ବାଉଲ,ପ୍ଲାଷ୍ଟିକ କୁଣ୍ଡ ଇତ୍ୟାଦି ଏହି ପରି ବଗିଚା ଲାଗି ଉପଯୁକ୍ତ |ଯେ କୌଣସି ପାତ୍ର ର ବ୍ୟବହାର କରିଲା ପୂର୍ବରୁ ଏଥିରେ ତଳେ କଣା ଅଛି କି ନାହିଁ ସେଥି ପ୍ରତି ଧ୍ୟାନ ଦିଅନ୍ତୁ |ଏଥିରେ ଜଳ ନିଷ୍କାସନ ର ବ୍ୟବସ୍ତା ନିହାତି ଆବଶ୍ୟକ |ଏହି ପାତ୍ର ର ମୁହଁ ବଡ ରହିବ ଆବଶ୍ୟକ ,ଏହା ଦ୍ୱାରା ଆପଣ ଅଧିକ ଗଛ ଲଗାଇପାରିବେ ଏବଂ ପ୍ରତ୍ୟେକ ଗଛ କୁ ନିଶ୍ଚିନ୍ତ ସୂର୍ଯ୍ୟାଲୋକ ମିଳିବ |
ଏହା ଲାଗି ଆବଶ୍ୟକ ସାମଗ୍ରୀ :
- ବଗିଚା ନିର୍ମାଣ ଲାଗି ପାତ୍ର
- ମାଟି ଏବଂ ବଳି
-ଆବଶ୍ୟକ ଗଛ
-ପାତ୍ର କୁ ସଜାଇବା ଲାଗି ବିଭିନ୍ନ ସାମଗ୍ରୀ
କିପରି କରିବେ ବଗିଚା :
-ପ୍ରତମେ କୁଣ୍ଡ ରେ ଜଳ ନିଷ୍କାସନ ଲାଗି ବ୍ୟବସ୍ତା ଅଛି କି ନାହିଁ ଦେଖନ୍ତୁ |ଯଦି ନଥାଏ ତେବେ ଏହାର ବ୍ୟବସ୍ତା କରନ୍ତୁ |
--ପାତ୍ର କୁ ମାଟି ଏବଂ ଅଳ୍ପ କ୍ଷୁଦ୍ର ଗୋଡି ଭରନ୍ତୁ |ଏହା ପରେ ୧ ଭାଗ ବାଲି ଭରନ୍ତୁ |ଏହା ପରେ ପୋଟିଙ୍ଗ ମିକ୍ସ କୁପାତ୍ର ରେ ୨ ଇଞ୍ଚ ଯାଏ ଭରନ୍ତୁ |
-ଏବେ ଏଥିରେ ଗଛ କୁ ଲଗାନ୍ତୁ ,ପାତ୍ର ରେ ଥିବା ସ୍ଥାନ ର ସମୀକ୍ଷା କରି ବିଭିନ୍ନ ଗଛ ଲଗାନ୍ତୁ|ଗଛ ଲାଗିଲା ବେଳେ ହାଲ୍କା ମାଟି କୁ ଖୋଲି ସେଥିରେ ଗଛ ଲଗାନ୍ତୁ
-ଏବେ ଏହା ଉପରେ ମାଛ ଆକୂଆରିଅମ ରେ ବ୍ୟବହାର ହେଉଥିବା ଗୋଡି କୁ ସେହି ମାଟି ଉପରେ ଦିଅନ୍ତୁ |ଏହା ଦ୍ୱାରା ମାଟି ଧୋଇ ହେବ ନାହିଁ |
-ଗଛ ଲାଗିଲା ପରେ ପାଣି ଦିଅନ୍ତୁ ,ଅଧିକ ପାଣି ଦେବେ ନାହିଁ କେବଳ ମାଟି ଶୁଖିଲେ ଦେବେ |
-ପରିଶେଷରେ ପାତ୍ର କୁ ଏପରି ସ୍ଥାନରେ ରଖନ୍ତୁ ଯେଉଁଠାରେ ଗଛ ର ବୃଦ୍ଧି ହୋଇପାରିବ |ଅଧିକ ସୂର୍ଯ୍ୟାଲୋକ ମଧ୍ୟ ଗଛ ଲାଗି ଅହିତକାରୀ |