ଯଦି ଆପଣମାନେ ଏକ ଶସ୍ତା ଘର କିଣିବାକୁ ଯୋଜନା କରୁଛନ୍ତି, ତେବେ ପଞ୍ଜାବ ନ୍ୟାସନାଲ ବ୍ୟାଙ୍କ (Punjab national bank) ଆପଣମାନଙ୍କ ପାଇଁ ଏକ ସ୍ୱତନ୍ତ୍ର ଅଫର ଆଣିଛି, ଯେଉଁଥିରେ ଆପଣମାନେ ଆବାସିକ ସମ୍ପତ୍ତି ଶସ୍ତା କିଣିବାର ସୁଯୋଗ ପାଇଛନ୍ତି । PNB ସମ୍ପତ୍ତି ନିଲାମ କରିବାକୁ ଯାଉଛି । ଏଗୁଡ଼ିକ ହେଉଛି ସେହି ସମ୍ପତ୍ତି ଯାହା ଡିଫଲ୍ଟ ତାଲିକାରେ ଆସିଛି ।
ତେବେ ଜାଣନ୍ତୁ କେତେବେଳେ ଏବଂ କିପରି ଭାବେ ଆପଣମାନେ ଏହି ଘର କିଣି ପାରିବେ ।
ଏହି ବିଷୟରେ ସୂଚନା IBAPI (Indian Banks Auctions Mortgaged Properties Information) ଦ୍ୱାରା ଦିଆଯାଇଛି । ପଞ୍ଜାବ ନ୍ୟାସନାଲ ବ୍ୟାଙ୍କ (Punjab national bank) ଏହି ସମ୍ପତ୍ତି ନିଲାମ କରିବାକୁ ଯାଉଛି । ଏଥିରେ ଆବାସିକ, ବାଣିଜ୍ୟିକ, ଶିଳ୍ପ, କୃଷି ସମ୍ପତ୍ତି ରହିଛି ।
କେବେ ହେବ ନିଲାମ,ଜାଣନ୍ତୁ...
ପଞ୍ଜାବ ନ୍ୟାସନାଲ ବ୍ୟାଙ୍କ (PNB) ଏହାର ଅଫିସିଆଲ ଟ୍ୱିଟର ହ୍ୟାଣ୍ଡେଲରେ ଟ୍ୱିଟ (PNB tweeted)କରି ଏହି ବିଷୟରେ ସୂଚନା ଦେଇଛି । ବ୍ୟାଙ୍କ ଏକ ଟ୍ୱିଟରେ ଲେଖିଛି ଯେ ମେଗା ଇ-ନିଲାମ ୩୧ ଜାନୁୟାରୀ ୨୦୨୨ (31 January 2022) ରେ କରାଯିବ । ଏଥିରେ ଆବାସିକ ଏବଂ ବାଣିଜ୍ୟିକ ସମ୍ପତ୍ତିର ଇ-ନିଲାମ କରାଯିବ । ଆପଣମାନେ ଉଚିତ ମୂଲ୍ୟରେ ଏଠାରେ ସମ୍ପତ୍ତି କିଣି ପାରିବେ ।
କେଉଁଠାରେ କରିବେ ରେଜିଷ୍ଟ୍ରେସନ,ଜାଣନ୍ତୁ...
ଏହି ମେଗା ଇ-ନିଲାମ ପାଇଁ, ଆଗ୍ରହୀ ବିଡରଙ୍କୁ ଇ-ବକ୍ରାଇ ପୋର୍ଟାଲ https://ibapi.in/ ରେ ପଞ୍ଜିକରଣ କରିବାକୁ ପଡିବ । ଏହି ପୋର୍ଟାଲରେ ଥିବା 'ବିଡର୍ସ ରେଜିଷ୍ଟ୍ରେସନ୍' ଉପରେ କ୍ଲିକ୍ କରିବା ପରେ ମୋବାଇଲ୍ ନମ୍ବର ଏବଂ ଇମେଲ୍ ଆଇଡି ମାଧ୍ୟମରେ ରେଜିଷ୍ଟ୍ରେସନ କରିବାକୁ ପଡିବ ।
ଆବଶ୍ୟକ ହେବ KYC ଡକ୍ୟୁମେଣ୍ଟ୍ ,ଜାଣନ୍ତୁ...
ବିଡରଙ୍କୁ ଆବଶ୍ୟକ KYC ଡକ୍ୟୁମେଣ୍ଟ ଅପଲୋଡ୍ କରିବାକୁ ପଡିବ । ଇ-ନିଲାମ ସେବା ପ୍ରଦାନକାରୀଙ୍କ ଦ୍ୱାରା KYC ଡକ୍ୟୁମେଣ୍ଟଗୁଡିକ ଯାଞ୍ଚ କରାଯିବ । ଏହା ୨ କାର୍ଯ୍ୟଦିବସ ପର୍ଯ୍ୟନ୍ତ ନେଇପାରେ ।
ବ୍ୟାଙ୍କଗୁଡିକ ସମୟ ସମୟରେ ନିଲାମ କରନ୍ତି,ଜାଣନ୍ତୁ...
କହି ରଖୁଛୁ ଯେ, ଲୋନ ନେଇଥିବା କୌଣସି ବ୍ୟକ୍ତି ବା ସମ୍ପତ୍ତିର ମାଲିକମାନେ ସେମାନଙ୍କ ଲୋନ ପରିଶୋଧ ନ କରନ୍ତି କିମ୍ବା କୌଣସି କାରଣରୁ ଏହାକୁ ଦେଇ ଦେଇ ନ ପାରନ୍ତି । ସେହି ସମସ୍ତ ଲୋକମାନଙ୍କ ଜମି ବ୍ୟାଙ୍କଗୁଡ଼ିକ ନିଜେ ଅଧିକାରକୁ ନେଇଯାଏ । ଏହିପରି ସମ୍ପତ୍ତିଗୁଡିକ ସମୟ ସମୟରେ ବ୍ୟାଙ୍କଗୁଡିକ ଦ୍ୱାରା ନିଲାମ କରାଯାଏ । ଏହି ନିଲାମରେ ବ୍ୟାଙ୍କ ସମ୍ପତ୍ତି ବିକ୍ରୟ କରି ଏହାର ଦେୟ ଫେରସ୍ତ କରିଥାଏ ।