ଆପଣ ଜାଣନ୍ତୁ ପାନ ପତ୍ରର ବ୍ୟବହାର ଏବଂ ସୁଫଳସବୁ

ପାନ ପତ୍ରର ବ୍ୟବହାର ସମ୍ପର୍କରେ ଯଦି ପ୍ରଶ୍ନ କରାଯାଏ ତେବେ ସାଧାରଣତଃ ଦୁଇଗୋଟି ଉତ୍ତର ଆସିବ, 'ହଁ' ଏବଂ 'ନାଁ', କାରଣ ପାନ ପତ୍ରକୁ ପିଲାରୁ ବୁଢ଼ା ସମସ୍ତେ ଜାଣନ୍ତି l କିନ୍ତୁ ଏହାର ଔଷଧୀୟ ଗୁଣଗୁଡ଼ିକ ବିଷୟରେ କେତେଜଣଙ୍କୁ ଜଣାଅଛି ? ତେଣୁ କରି ଏହି ବିଷୟରେ କିଛି ଜାଣିବା ଜରୁରୀ ଅଟେ l

ପାନ ପତ୍ରର ପାରମ୍ପରିକ ଗୁରୁତ୍ୱ

ପାନ ପତ୍ରର ପ୍ରଚଳନ ବିଷୟରେ ହିନ୍ଦୁ ଧର୍ମର ପୁରାଣ ଗ୍ରନ୍ଥରେ ସ୍ପଷ୍ଟ ରୂପେ ଉଲ୍ଲେଖ ରହିଛି l ଓଡ଼ିଶାର ଅଧିକାଂଶ ମାଙ୍ଗଳିକ କାର୍ଯ୍ୟକ୍ରମଗୁଡ଼ିକରେ ପାନ ପତ୍ର ଏକ ଉଲ୍ଲେଖନୀୟ ସାମଗ୍ରୀ ଅଟେ l ଯେମିତିକି ପାଲା, ବିବାହ ଇତ୍ୟାଦି l

ଓଡ଼ିଶାର ଲୋକମାନଙ୍କର ପାନ ପତ୍ର ସହିତ ଗୁଆ ଏବଂ ଚୂନ ଖାଇବାର ଅଭ୍ୟାସ ବହୁତ ପୁରୁଣା ଅଟେ l ସଂକ୍ଷିପ୍ତରେ କହିଲେ ଭାରତର ସଂସ୍କୃତି ସହିତ ପାନ ପତ୍ର ବହୁଳ ମାତ୍ରାରେ ଜଡ଼ିତ ଅଟେ l

ପାନ ପତ୍ରର ଔଷଧୀୟ ଗୁଣଗୁଡ଼ିକ

ପରମ୍ପରା ସହିତ ପାନ ପତ୍ରର ଯେପରି ପ୍ରାଧାନ୍ୟ ରହିଛି ଠିକ ସେହିପରି ଭାବରେ ପାନ ପତ୍ରର ଔଷଧୀୟ ଗୁଣଗୁଡ଼ିକ ମଧ୍ୟ ରହିଛି l ଅନେକ ଗୁଡ଼ିଏ ସ୍ୱାସ୍ଥ୍ୟ ସମସ୍ୟା ନିମନ୍ତେ ପାନ ପତ୍ରକୁ ଔଷଧ ଭାବରେ ବ୍ୟବହାର କରାଯାଏ l 

ପାନ ପାତ୍ରରେ ପ୍ରଚୁର ପରିମାଣରେ କ୍ୟାଲସିୟମ ଥାଏ l ଏହି ପାତ୍ରରେ ଅଧିକ ପରିମାଣରେ ଥାୟାମିନ, ନିଆସୀନ, ଏବଂ କାରୋଟିନ ରହିଥାଏ l ଆୟୁର୍ବେଦରେ ପାନ ପତ୍ରକୁ ପୀଡ଼ାହାରୀ ଭାବରେ ବ୍ୟବହାର କରାଯାଏ l କୌଣସି କ୍ଷତ ଉପରେ ଏହାକୁ ବ୍ୟାଣ୍ଡେଜ୍ ଭଳି ଲଗାଇ ଦେଲେ କ୍ଷତ ଖୁବ ଶୀଘ୍ର ଭଲ ହୋଇଯାଏ l ପାନ ପତ୍ରର ରସ ପିଇବା ଦ୍ୱାରା ଶରୀରର ଆଭ୍ୟନ୍ତରୀଣ ଯନ୍ତ୍ରଣାରୁ ଉପଶମ ମିଳେ l

ପାନ ପତ୍ରରେ ଯଥେଷ୍ଟ ପରିମାଣର ଆଣ୍ଟିଅକ୍ସିଡାଣ୍ଟ ରହିଥାଏ l ପାକସ୍ଥଳୀର ସମସ୍ୟାଗୁଡ଼ିକ ଦୂରକରିବାରେ ମଧ୍ୟ ପାନପାତ୍ର ସହାୟକ ହୁଏ l କୋଷ୍ଠ କାଠିନ୍ୟରୁ ଉପଶମ ପାଇବା ନିମନ୍ତେ ପାନପତ୍ରର ରସ ପିଇବା ଉଚିତ l ହଜମ କ୍ରିୟାକୁ ସୁବ୍ୟବସ୍ଥିତ କରିବା ପାଇଁ ଖାଦ୍ୟ ଖାଇ ସାରିବା ପରେ ପାନ ପତ୍ର ଚୋବାଇକୁ କୁହାଯାଏ l ଔଷଧୀୟ ଗୁଣ ଭରି ରହିଥିବା ଏହି ପତ୍ର ଶରୀରର ମେଟାବୋଲିକ୍ କାର୍ଯ୍ୟଗୁଡ଼ିକୁ ନିୟନ୍ତ୍ରଣ କରେ l ଏସିଡିଟି ଦୂର କରିବା ନିମନ୍ତେ ମଧ୍ୟ ପାନ ପତ୍ରକୁ ବ୍ୟବହାର କରାଯାଏ l

କ୍ଷୁଧା ବୃଦ୍ଧି କରିବା ନିମନ୍ତେ ପାନ ପତ୍ରକୁ ଚୋବାଇବା ଲାଭଦାୟକ ଅଟେ l ପାଟିର ଦୁର୍ଗନ୍ଧ ଦୂର କରିବାରେ ମଧ୍ୟ ପାନ ପତ୍ର ଚୋବାଇବା ଫଳପ୍ରଦ ଅଟେ l କାଶ, ଧଇଁସଇଁ, ଏବଂ ସର୍ଦ୍ଦିର ଉପଶମ ନିମନ୍ତେ ପାନ ପତ୍ରକୁ ବ୍ୟବହାର କରାଯାଏ l ବ୍ରୋଙ୍କାଇଟିସର ଉପଶମ ନିମନ୍ତେ ରୋଗୀଙ୍କୁ ପାନ ପତ୍ରକୁ ଗରମ ପାଣିରେ ସିଝାଇ ଦେବା ଉଚିତ l

ପାନ ପତ୍ରର ଉପାଦେୟତା ସମ୍ପର୍କରେ ବହୁତ କଥା ରହିଛି l ଅନେକଗୁଡ଼ିଏ ସ୍ୱାସ୍ଥ୍ୟ ସମସ୍ୟାଗୁଡ଼ିକର ଏହା ସମାଧାନ ଅଟେ କହିଲେ ଅତ୍ୟୁକ୍ତି ହେବ ନାହିଁ l