ଫିଲିପିନ୍ସରେ ଚାଲିଥିବା Pan-Asia Farmers Exchange Programର ଆଜି ଚତୁର୍ଥ ଦିନ । ଏଥିରେ ସାମିଲ ରହିଛନ୍ତି କୃଷି ଜାଗରଣର ପ୍ରତିଷ୍ଠାତା ତଥା ମୁଖ୍ୟ ସମ୍ପାଦକ ଏମ.ସି ଡୋମିନିକ । ତେବେ ଆଜି ଚତୁର୍ଥ ଦିନରେ ଏମ.ସି ଡୋମିନିକ୍, ଫିଲିପିନ୍ସର ପାନ-ଏସିଆ କୃଷକ ବିନିମୟ କାର୍ଯ୍ୟକ୍ରମରେ ସିନେଜେଣ୍ଟା ଟିମ ସହିତ ମକା କ୍ଷେତ ପରିଦର୍ଶନ କରିଛନ୍ତି ।
ଏଠାରେ NK 6414 ଏବଂ NK 6410 ମକା କିସମଗୁଡିକ ବିକଶିତ ହୋଇଥାଏ । ଏହା ପୂର୍ବରୁ କାର୍ଯ୍ୟକ୍ରମର ତୃତୀୟ ଦିନରେ ସମସ୍ତ ଅଂଶଗ୍ରହଣକାରୀ ଧାନ ବିଜ୍ଞାନ ସଂଗ୍ରହାଳୟ ପରିଦର୍ଶନ କରିଥିଲେ । ଏଠାରେ ଅନେକ କିଛି ଶିଖିବାକୁ ମିଳିଥିଲା ବୋଲି ସୂଚନା ଦେଇଥିଲେ କୃଷି ଜାଗରଣ ମୁଖ୍ୟ ସମ୍ପାଦକ ଏମ.ସି ଡୋମିନିକ ।
ପାନ-ଏସିଆ କୃଷକ ବିନିମୟ କାର୍ଯ୍ୟକ୍ରମର 16 ତମ ସଂସ୍କରଣ 10 ଅକ୍ଟୋବର 2022ରୁ ଆରମ୍ଭ ହୋଇଯାଇଛି । ଫିଲିପାଇନ୍ସରେ ଚାଲିଛି ଏହି କାର୍ଯ୍ୟକ୍ରମ । 14 ଅକ୍ଟୋବର 2022 ପର୍ଯ୍ୟନ୍ତ ଏହା ଚାଲିବ। କୃଷି ଉଦ୍ଭିଦ ବାୟୋଟେକ୍ନୋଲୋଜି ଉପରେ ଜ୍ଞାନ ବଣ୍ଟନ ଏବଂ ଆଦାନ ପ୍ରଦାନ ପାଇଁ ଏକ ପ୍ଲାଟଫର୍ମ ଯୋଗାଇବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ ଆୟୋଜିତ ହୋଇଛି ।
ଏହି ସପ୍ତାହ ବ୍ୟାପୀ କାର୍ଯ୍ୟକ୍ରମରେ କୃଷକ ନେତା, ବୈଜ୍ଞାନିକ, ଗଣମାଧ୍ୟମ, ସରକାରୀ କର୍ମଚାରୀ ଏବଂ ନୀତି ନିର୍ଣ୍ଣୟକାରୀଙ୍କ ସମେତ ଅନେକ ଅଂଶଗ୍ରହଣକାରୀ ଉପସ୍ଥିତ ରହିଛନ୍ତି ।