ଘଟିଲା ନିର୍ବାଚନୀ ଅପେକ୍ଷାର ଅନ୍ତ । ବାଜିଲା ନିର୍ବାଚନୀ ବିଗୁଲ l ଆରମ୍ଭ ହୋଇଗଲା ନିର୍ବାଚନୀ କାଉଣ୍ଟଡାଉନ୍ । ବିଶ୍ବର ସର୍ବବୃହତ ଗଣତାନ୍ତ୍ରିକ ରାଷ୍ଟ୍ର ଭାରତରେ, ଗଣତନ୍ତ୍ରର ମହାପର୍ବ ନିର୍ବାଚନ ପାଇଁ ଆଜି ବାଜିଲା ବିଗୁଲ ।
ଭାରତରେ ସାଧାରଣ ନିର୍ବାଚନ ପାଇଁ ତାରିଖ ଘୋଷଣା । ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ଏ ନେଇ ପ୍ରେସମିଟ୍ କରି ନିର୍ବାଚନ ବାବଦରେ ସମସ୍ତ ସୂଚନା ଦିଆଯାଇଛି । ଏହା ସହିତ ସମସ୍ତ ନିର୍ବାଚନୀ ଦଳ ପାଇଁ ଆଜି ଠାରୁ ଦେଶରେ ଲାଗୁ ହେଲା ଆଦର୍ଶ ଆଚରଣ ବିଧି ।
ନିର୍ବାଚନ କମିଶନଙ୍କ ପ୍ରେସମିଟ୍ ରେ ସମସ୍ତ ସୂଚନା ପ୍ରଦାନ। ଓଡ଼ିଶାରେ ନିର୍ବାଚନ ସିଟ ପାଇଁ ଘୋଷଣା ହେଲା ତାରିଖ । ଓଡ଼ିଶାରେ ମୋଟ ୪ଟି ପର୍ଯ୍ୟାୟରେ ହେବ ନିର୍ବାଚନ । ଭୋଟ ଦେବେ ଜନ ସାଧାରଣ l ମେ’ ୧୩ରେ ପ୍ରଥମ ପର୍ଯ୍ୟାୟ ଭୋଟ ଦେବେ ଜନ ସାଧାରଣ ଏବଂ ମେ’୨୦ ରେ ଦ୍ବିତୀୟ ପର୍ଯ୍ୟାୟ ଭୋଟ ଦେବେ ଜନତା । ଅନ୍ୟପଟେ ମେ’ ୨୫ରେ ତୃତୀୟ ପର୍ଯ୍ୟାୟ ଭୋଟ୍ ଗ୍ରହଣ ଏବଂ ଜୁନ୍ ୧ରେ ଚତୁର୍ଥ ପର୍ଯ୍ୟାୟ ଭୋଟ୍ ଗ୍ରହଣ । ଜୁନ୍ ୪ରେ ପ୍ରକାଶ ପାଇବ ନିର୍ବାଚନୀ ଫଳାଫଳ ।
ପ୍ରେସମିଟ୍ ରେ ନିର୍ବାଚନ କମିଶନରଙ୍କ ସୂଚନା :-
-ବ୍ୟବହାର ହେବ ୫୫ ଲକ୍ଷ EVM ମେସିନ୍
-୯୭ କୋଟିରୁ ଅଧିକ ଭୋଟରଙ୍କ ସଂଖ୍ୟା
-୧୦.୫ ଲକ୍ଷ ପୋଲିଂ ବୁଥ୍ରେ ମତଦାନ
-୧.୫ ପୋଲିଂ ଅଫିସର ନିଯୁକ୍ତ
-୨୧.୫ କୋଟି ଯୁବ ଭୋଟର ଦେବେ ଭୋଟ
-ମହିଳା ଭୋଟର - ୪୭.୧ କୋଟିରୁ ଅଧିକ
-ପୁରୁଷ ଭୋଟର - ୪୯.୭ କୋଟିରୁ ଅଧିକ
-୮୮.୪ ଲକ୍ଷ ଦିବ୍ୟାଙ୍ଗ ଦେବେ ଭୋଟ
-ପ୍ରଥମ ଥର ପାଇଁ ଭୋଟ ଦେବେ ୧.୮୨ କୋଟି
-ଶତାୟୁ ଭୋଟରଙ୍କ ସଂଖ୍ୟା ମୋଟ ୨୧ ଲକ୍ଷରୁ ଅଧିକ
-ବୟସ୍କ ଓ ଦିବ୍ୟାଙ୍ଗଙ୍କ ପାଇଁ ବ୍ୟାପକ ବନ୍ଦୋବସ୍ତ
-୮୫ ବର୍ଷରୁ ଅଧିକ ବୟସ ଥିବା ବ୍ୟକ୍ତିଙ୍କ ପାଇଁ ସ୍ବତନ୍ତ୍ର ସୁବିଧା
-ଘରେ ରହି ଭୋଟ୍ ଦେବେ ବୟସ୍କ
-୪୮ ହଜାର ଟ୍ରାନ୍ସଜେଣ୍ଡର ଭୋଟର ଦେବେ ଭୋଟ