ଆଳୁ , ପିଆଜ ପରେ ଏବେ ରସୁଣ ଦର ଆକାଶ ଛୁଆଁ ହୋଇଗଲାଣି l ଏହି ଦର ସିଧା ହାଣ୍ଡିଶାଳ ଉପରେ ମାଡ଼ କରିଛି l ଲୋକେ ରସୁଣ କିଣିବାକୁ ଭୟ କଲେଣି l ରସୁଣ ଦର ୪୦୦ ହେଲାଣି l ବଜାରରେ ରସୁଣ ଦେଖିବାକୁ ମିଳୁନାହିଁ l ଅଧିକ ଦର ଯୋଗୁଁ ବ୍ୟବସାୟୀ ମଧ୍ୟ କିଣିବାକୁ ଡରୁଛନ୍ତି l ମହାରାଷ୍ଟ୍ର ଓ ଆନ୍ଧ୍ରରେ ପ୍ରବଳ ବର୍ଷା ହୋଇଥିବା ଯୋଗୁଁ ମହଙ୍ଗା ସ୍ଥିତି ରାଜ୍ୟରେ ଦେଖିବାକୁ ମିଳିଛି ।
ସପ୍ତାହେ ତଳେ ରସୁଣ ୧୬୦ ଟଙ୍କାରେ ବିକ୍ରି ହେଉଥିଲା ଯାହା ଏବେ ୩୬୦ ଟଙ୍କାରେ ବିକ୍ରି କରାଯାଉଛି । ପ୍ରାୟ ୭ ଦିନ ମଧ୍ୟରେ ୨ଶହ ଟଙ୍କା ବଢିଲାଣି ରସୁଣ ଦର ।
ବଡ ସାଇଜ୍ର ରସୁଣ ଚାରିଶହ ଟଙ୍କା ପାର୍ ହୋଇଛି । ରସୁଣ ଦର ଅଧିକ ହେବାରୁ ଲୋକ ରସୁଣ କିଣିବାକୁ ଭୟ କରୁଛନ୍ତି l
ଆମ ରାଜ୍ୟ ଓଡିଶାକୁ ଗୁଜରାଟ ଓ ୟୁପିରୁ ରସୁଣ ଆସିଥାଏ। ପ୍ରବଳ ବର୍ଷା ଯୋଗୁଁ ଆମଦାନୀ କମିଛି ରାଜ୍ୟକୁ । ଜାନୁଆରୀ ମାସରେ ନୂଆ ଫସଲ ବାହାରିବା ପର୍ଯ୍ୟନ୍ତ ଦର କମିବା ସମ୍ଭାବନା କମ୍ ରହିଛି । ସେ ପର୍ଯ୍ୟନ୍ତ ଦର ଏହିପରି ଅଧିକ ରହିବ l ସେପଟେ ପିଆଜ ଅବସ୍ଥା ମଧ୍ୟ ସମାନ ରହିବ ।
ବର୍ଷା ଯୋଗୁଁ ମହାରାଷ୍ଟ୍ର ନାସିକରେ ପିଆଜ ଚାଷ ନଷ୍ଟ ହୋଇଛି । ଆନ୍ଧ୍ରରୁ ଆସୁଥିବା ପିଆଜ ରାଜ୍ୟର ଆବଶ୍ୟକ ମେଣ୍ଟାଈ ପାରୁନାହିଁ । ତେଣୁ ଆଗକୁ ପିଆଜ ଦର ମଧ୍ୟ ବଢିବା ନେଇ ସମ୍ଭାବନା ଅଧିକ l ତେବେ ଆଗକୁ କେବେ ଖାଉଟିଙ୍କୁ ରସୁଣ ଓ ପିଆଜ ଦରରୁ ମୁକ୍ତି ମିଳିବ, ତାକୁ ଅପେକ୍ଷା।
ଅଧିକ ପଢ଼ନ୍ତୁ