ସଫଳତାର ସହିତ ଆଗେଇଚାଲିଛି କେନ୍ଦ୍ର ସରକାରଙ୍କ ଜଳ ଶକ୍ତି ମିଶନ(Jal Jeevan Mission ) । ଦେଶର 10 କୋଟି ଗ୍ରାମାଞ୍ଚଳ ପରିବାର ସ୍ୱଚ୍ଛ ପାଇପ ଜଳ ସଂଯୋଗ ସୁବିଧା ପାଇସାରିଲେଣି । ଗୋଆ(Goa) ଦେଶର ପ୍ରଥମ ହର ଘର ଜଲ(Har Ghar Jal) ପ୍ରମାଣିତ ରାଜ୍ୟ ହୋଇଛି ।
ସ୍ୱଚ୍ଛ ପାଇପ ଜଳ ସଂଯୋଗ ସୁବିଧା ହାସଲ କରିବାରେ ଦାଦ୍ରାନଗର ହାବେଳୀ ଓ ଡାମନ ଏବଂ ଡ୍ୟୁ ଦେଶର ପ୍ରଥମ କେନ୍ଦ୍ର ଶାସିତ ଅଞ୍ଚଳ । ଜଳ ଜୀବନ ଅଭିଯାନ କେବଳ ଏକ ସରକାରୀ ଯୋଜନା ନୁହଁ, ଏହା ଗୋଷ୍ଠୀ ପାଇଁ ଯୋଜନା ଓ ଗୋଷ୍ଠୀ ଦ୍ୱାରା ପରିଚାଳିତ ଯୋଜନା ବୋଲି କହିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଖୁବ ଶୀଘ୍ର ଏହି ତାଲିକାରେ ଆହୁରି ଅନେକ ରାଜ୍ୟ ସାମିଲ ହେବାକୁ ଯାଉଥିବା ଜଣାପଡିଛି ।
ବିଶ୍ୱ ସାମ୍ନା କରୁଥିବା ଜଳ ସୁରକ୍ଷା ସମସ୍ୟା ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ବିକଶିତ ଭାରତ ନିମନ୍ତେ ଜଳ ସଂକଟ ଏକ ବିରାଟ ପ୍ରତିବନ୍ଧକ ହୋଇ ଛିଡା ହେବ । ଜଳ ସୁରକ୍ଷା ନିମନ୍ତେ ଆମ ସରକାର ଗତ ଆଠ ବର୍ଷ ଧରି ନିରବିଚ୍ଛିନ୍ନ ପ୍ରୟାସ କରି ଆସୁଛି ।
ପ୍ରଧାନମନ୍ତ୍ରୀ କହିଥିଲେ, ଆମେ ବର୍ତ୍ତମାନ ଓ ଭବିଷ୍ୟତରେ ଆହ୍ୱାନଗୁଡିକୁ ଆଖି ଆଗରେ ରଖି କାର୍ଯ୍ୟ କରୁଛୁ । ଯେଉଁମାନଙ୍କ ଦେଶପ୍ରତି ଖାତିର ନାହିଁ, ସେମାନେ ଦେଶର ବର୍ତ୍ତମାନ ଓ ଭବିଷ୍ୟତକୁ ମଧ୍ୟ ଭ୍ରୁକ୍ଷେପ କରନ୍ତି ନାହିଁ । ସେମାନେ ବଡ ବଡ କଥା କହିପାରନ୍ତି ମାତ୍ର ପାଣି ପାଇଁ ଭବିଷ୍ୟତରେ କିଛି ବି କରିପାରିବେ ନାହିଁ ।
ଜଳ ସୁରକ୍ଷା ସୁନିଶ୍ଚିତ କରିବା ପାଇଁ ସରକାର ନେଇଥିବା ବହୁବିଧ ବ୍ୟବସ୍ଥା ସମ୍ପର୍କରେ ସୂଚନା ଦେଇ ପ୍ରଧାନମନ୍ତ୍ରୀ କ୍ୟାଚ ଦି ରେନ ଅଟଳ ଭୂଜଳ ଯୋଜନା, ପ୍ରତ୍ୟେକ ଜିଲ୍ଲାରେ ୭୫ଟି ଅମୃତ ସରୋବର, ନଦୀ ସଂଯୋଗୀକରଣ ଓ ଜଳ ଜୀବନ ମିଶନ ପ୍ରଭୃତିର ତାଲିକା ଦେଇଥିଲେ । ଭାରତରେ ରାମସାର ଆର୍ଦ୍ରଭୂମୀ ସ୍ଥଳୀ ୭୫କୁ ବୃଦ୍ଧି ପାଇଥିବା ବେଳେ, ସେଥିରୁ ୫୦ଟି କେବଳ ଗତ ଆଠ ବର୍ଷ ମଧ୍ୟରେ ସାମିଲ ହୋଇଥିବା ସେ ପ୍ରକାଶ କରିଥିଲେ ।
ବଡ ମାଇଲଖୁଣ୍ଟ ଛୁଇଁଲା Jal Jeevan Mission, ୧୦କୋଟି ଗ୍ରାମାଞ୍ଚଳ ପରିବାରକୁ ପହଞ୍ଚିଲା ଟ୍ୟାପ ଯୋଗେଁ ପାନୀୟ ଜଳ