ମାନ୍ୟବର ରାଷ୍ଟ୍ରପତି (President)ଅଗଷ୍ଟ ୭ ତାରିଖରେ ୧୧ତମ ଜାତୀୟ ହସ୍ତତନ୍ତ ଦିବସ ପାଳନ ଅବସରରେ ଏହି ପୁରସ୍କାର ପ୍ରଦାନ କରିବେ । କାର୍ଯ୍ୟକ୍ରମରେ କେନ୍ଦ୍ର ବୟନଶିଳ୍ପ ମନ୍ତ୍ରୀ ଶ୍ରୀ ଗିରିରାଜ ସିଂଙ୍କ ସହିତ ବିଶିଷ୍ଟ ଅତିଥି ଉପସ୍ଥିତ ରହିବେ । ହସ୍ତତନ୍ତ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ୫ଟି ସନ୍ଥ କବୀର ପୁରସ୍କାର ଏବଂ ୧୯ଟି ଜାତୀୟ ହସ୍ତତନ୍ତ ପୁରସ୍କାର ସମେତ ମୋଟ ୨୪ ଜଣ ପୁରସ୍କାର ବିଜେତାଙ୍କୁ ସମ୍ମାନିତ କରାଯିବ ।
ହସ୍ତତନ୍ତ କ୍ଷେତ୍ରରେ ହସ୍ତତନ୍ତ ବୁଣାକାର, ଡିଜାଇନର, ମାର୍କେଟର, ଷ୍ଟାର୍ଟ-ଅପ୍ ଉଦ୍ୟୋଗ ଏବଂ ଉତ୍ପାଦକ କମ୍ପାନୀଗୁଡ଼ିକର ଉଲ୍ଲେଖନୀୟ ଅବଦାନକୁ ସ୍ୱୀକୃତି ଦେଇ ବୟନ ମନ୍ତ୍ରଣାଳୟ ୨୦୨୪ ପାଇଁ ପ୍ରତିଷ୍ଠିତ ସନ୍ଥ କବୀର ହସ୍ତତନ୍ତ ପୁରସ୍କାର ଏବଂ ଜାତୀୟ ହସ୍ତତନ୍ତ ପୁରସ୍କାର ପ୍ରଦାନ କରିବ । ଏହି ପୁରସ୍କାରଗୁଡ଼ିକ ଜାତୀୟ ହସ୍ତତନ୍ତ ବିକାଶ କାର୍ଯ୍ୟକ୍ରମ (NHDP) ଅଧୀନରେ ହସ୍ତତନ୍ତ ମାର୍କେଟିଂ ସହାୟତା (HMA) ଉପାଦାନର ଏକ ଅଂଶ।
ଚଳିତ ବର୍ଷ, ହସ୍ତତନ୍ତ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ୫ଟି ସନ୍ଥ କବୀର ପୁରସ୍କାର ଏବଂ ୧୯ଟି ଜାତୀୟ ହସ୍ତତନ୍ତ ପୁରସ୍କାର ସମେତ ମୋଟ ୨୪ ଜଣ ପୁରସ୍କାର ବିଜେତାଙ୍କୁ ସମ୍ମାନିତ କରାଯିବ। ଭାରତର ମାନ୍ୟବର ରାଷ୍ଟ୍ରପତି ୧୧ତମ ଜାତୀୟ ହସ୍ତତନ୍ତ ଦିବସ ପାଳନ ଅବସରରେ ଏହି ପୁରସ୍କାର ପ୍ରଦାନ କରିବେ। ଏହି ପୁରସ୍କାର ପ୍ରଦାନ ସମାରୋହ ୭ ଅଗଷ୍ଟ ୨୦୨୫ରେ ନୂଆଦିଲ୍ଲୀର ଭାରତ ମଣ୍ଡପମରେ ଅନୁଷ୍ଠିତ ହେବ। କାର୍ଯ୍ୟକ୍ରମରେ କେନ୍ଦ୍ର ବୟନଶିଳ୍ପ ମନ୍ତ୍ରୀ ଶ୍ରୀ ଗିରିରାଜ ସିଂଙ୍କ ସହିତ ସାଂସଦ, ଶିଳ୍ପ ନେତା, ଡିଜାଇନର, ରପ୍ତାନିକାରୀ, ବରିଷ୍ଠ ସରକାରୀ ଅଧିକାରୀ, ଛାତ୍ର ଏବଂ ସାରା ଦେଶରୁ ୫୦୦ରୁ ଅଧିକ ବୁଣାକାରଙ୍କ ସମେତ ବିଶିଷ୍ଟ ଅତିଥିମାନେ ଉପସ୍ଥିତ ରହିବେ।
ହସ୍ତତନ୍ତ ପୁରସ୍କାରର ସାରାଂଶ
ଏହି ପୁରସ୍କାରଗୁଡ଼ିକ ହସ୍ତତନ୍ତ ଶିଳ୍ପରେ ଉତ୍କର୍ଷତାକୁ ସମ୍ମାନିତ କରିବା, ହସ୍ତତନ୍ତ, ନବସୃଜନ ଏବଂ କ୍ଷେତ୍ରର ବିକାଶରେ ଅବଦାନରେ ମାନଦଣ୍ଡ ସ୍ଥାପନ କରିଥିବା ବ୍ୟକ୍ତି ଏବଂ ସଂଗଠନକୁ ପାଳନ କରିବା ପାଇଁ ଲକ୍ଷ୍ୟ ରଖେ।
ସନ୍ଥ କବୀର ହସ୍ତତନ୍ତ ପୁରସ୍କାର
ଏହି ପୁରସ୍କାର ହସ୍ତତନ୍ତ କ୍ଷେତ୍ରର ଅଭିବୃଦ୍ଧିରେ ଗୁରୁତ୍ୱପୂର୍ଣ୍ଣ ଅବଦାନ ରଖିଥିବା ଉତ୍କୃଷ୍ଟ ହସ୍ତତନ୍ତ ବୁଣାକାରମାନଙ୍କୁ ସ୍ୱୀକୃତି ପ୍ରଦାନ କରେ। ଯୋଗ୍ୟ ବୁଣାକାରମାନେ ଜାତୀୟ କିମ୍ବା ରାଜ୍ୟ ପୁରସ୍କାର, ଜାତୀୟ ଯୋଗ୍ୟତା ପ୍ରମାଣପତ୍ର ପ୍ରାପ୍ତ କରିପାରିବେ, କିମ୍ବା ବୟନ ପରମ୍ପରା, ସମାଜ କଲ୍ୟାଣ ଏବଂ କ୍ଷେତ୍ର ବିକାଶକୁ ପ୍ରୋତ୍ସାହିତ ଏବଂ ସଂରକ୍ଷଣ କରିବାରେ ଅସାଧାରଣ ଦକ୍ଷତା ଓ ଅବଦାନ ପାଇଁ ସ୍ୱୀକୃତ ହୋଇପାରିବେ।
ପୁରସ୍କାର ରାଶି:
ନଗଦ ପୁରସ୍କାର: ୩.୫ ଲକ୍ଷ ଟଙ୍କା
ସ୍ୱର୍ଣ୍ଣମୁଦ୍ରା
ତାମ୍ରପତ୍ର (ପ୍ରମାଣପତ୍ର)
ଶାଲ
ସ୍ୱୀକୃତି ପ୍ରମାଣପତ୍ର
ଜାତୀୟ ହସ୍ତତନ୍ତ ପୁରସ୍କାର:
ଜାତୀୟ ହସ୍ତତନ୍ତ ପୁରସ୍କାର (The National Handloom Award) ଅସାଧାରଣ କାରିଗରୀ, ନିଷ୍ଠା ଏବଂ ନବସୃଜନ ସହିତ ବୁଣାକାରମାନଙ୍କୁ ପ୍ରଦାନ କରାଯାଏ। ଏହା ବୁଣାକାରମାନଙ୍କୁ ସେମାନଙ୍କର ଉତ୍କୃଷ୍ଟ କାର୍ଯ୍ୟ ଜାରି ରଖିବା ଏବଂ ଏହି କ୍ଷେତ୍ରରେ ଅନ୍ୟମାନଙ୍କୁ ପ୍ରେରଣା ଦେବା ପାଇଁ ଲକ୍ଷ୍ୟ ରଖେ।
ପୁରସ୍କାର ସାମଗ୍ରୀ:
ନଗଦ ପୁରସ୍କାର: ୨ ଲକ୍ଷ ଟଙ୍କା
ତାମ୍ରପତ୍ର
ଶାଲ
ପ୍ରମାଣପତ୍ର
ଚୟନ ପ୍ରକ୍ରିୟା:
ବୟନ ବର୍ଗ ଅଧୀନରେ ପୁରସ୍କାରପ୍ରାପ୍ତଙ୍କ ଚୟନରେ ବୁଣାକାରମାନଙ୍କ ପାଇଁ ଏକ କଠୋର ତ୍ରିସ୍ତରୀୟ ପ୍ରକ୍ରିୟା ଅନ୍ତର୍ଭୁକ୍ତ, ଯେଉଁଥିରେ ଜୋନାଲ, ମୁଖ୍ୟାଳୟ ଏବଂ କେନ୍ଦ୍ରୀୟ ସ୍ତରୀୟ କମିଟି ଅନ୍ତର୍ଭୁକ୍ତ, ଯାହାର ଅଧ୍ୟକ୍ଷତା ଯଥାକ୍ରମେ ଜୋନାଲ ନିର୍ଦ୍ଦେଶକ, ଉନ୍ନୟନ କମିଶନର (ହସ୍ତତନ୍ତ) ଏବଂ ସଚିବ (ବୟନ) କରନ୍ତି, ପ୍ରତ୍ୟେକ କମିଟିରେ ୧୧ ଜଣ ସଦସ୍ୟ ଥାଆନ୍ତି। ଏହି କମିଟିଗୁଡ଼ିକରେ କ୍ଷେତ୍ର ବିଶେଷଜ୍ଞ ଅନ୍ତର୍ଭୁକ୍ତ ଏବଂ ପ୍ରତିଷ୍ଠିତ ଯୋଗ୍ୟତା ମାନଦଣ୍ଡ ଆଧାରରେ ନାମାଙ୍କନ ମୂଲ୍ୟାଙ୍କନ କରାଯାଏ।
ଡିଜାଇନ୍ ପ୍ପ୍ରସ୍ତୁତ , ମାର୍କେଟିଂ (marketing), ଷ୍ଟାର୍ଟ-ଅପ୍ ଉଦ୍ୟୋଗ ଏବଂ ଉତ୍ପାଦକ କମ୍ପାନୀଗୁଡ଼ିକ ପାଇଁ ମୁଖ୍ୟାଳୟ ଏବଂ କେନ୍ଦ୍ରୀୟ ସ୍ତରରେ ଏକ ଦୁଇ-ସ୍ତରୀୟ ଚୟନ ପ୍ରକ୍ରିୟା ଅନୁସରଣ କରାଯାଏ । ପ୍ରତ୍ୟେକରେ ୧୧ ଜଣ ସଦସ୍ୟ ଥାଆନ୍ତି । ଉନ୍ନୟନ କମିଶନର (ହସ୍ତତନ୍ତ) ଏବଂ ସଚିବ (ବୟନ )ଙ୍କ ଅଧ୍ୟକ୍ଷତାରେ ଏଗୁଡିକ ପରିଚାଳିତ ହୋଇଥାଏ ।
pib.gov.in
ସାର ଗୁଣବତ୍ତା ସୁନିଶ୍ଚିତ କରିବାକୁ ଏକ ଅଭିଯାନ ଚଳାଇବାକୁ ରାଜ୍ୟମାନଙ୍କୁ କେନ୍ଦ୍ରର ନିର୍ଦ୍ଦେଶ
ଆଇସିଏଆର-ସିଫା ଠାରେ ଜାତୀୟ ମତ୍ସ୍ୟ ଚାଷୀ ଦିବସ ୨୦୨୫ ଆୟୋଜନ କରିବ କେନ୍ଦ୍ର ମତ୍ସ୍ୟପାଳନ ମନ୍ତ୍ରଣାଳୟ