ପାମ ତେଲ(palm oil) ରପ୍ତାନି ଉପରେ ରୋକ ଲଗାଇ ଭାରତୀୟ ଖାଉଟିଙ୍କ ଚିନ୍ତା ବଢାଇଛି ଇଣ୍ଡୋନେସିଆ । ଏହି କାରଣରୁ ଭାରତରେ ବଢିଛି ଖାଇବା ତେଲର ଦର(edible oil price hike) । ହେଲେ ଏହାରି ମଧ୍ୟରେ ଗହମ ରପ୍ତାନି(wheat export)ଉପରେ ପ୍ରତିବନ୍ଧକ ଲଗାଇ ବଡ ଗୋଟିଚାଳନା କରିପାରେ ଭାରତ । ଗହମ ରପ୍ତାନି ଉପରେ ଭାରତ ରୋକ ଲଗାଇ ଇଣ୍ଡୋନେସିଆ ଉପରେ ଚାପ ପକାଇବାକୁ ପ୍ରୟାସ କରିପାରେ ।
ଇଣ୍ଡୋନେସିଆ ଭାରତର ସବୁଠୁ ବଡ ଗହମ ଆମଦାନୀକାରୀ ରାଷ୍ଟ୍ର । ଇଣ୍ଡୋନେସିଆ ସରକାର ଯଦି ଖାଇବା ତେଲ ରପ୍ତାନି ଉପରୁ ଶୀଘ୍ର ପ୍ରତିବନ୍ଧକ ନ ହଟାଇବେ, ତାହେଲେ ଭାରତ ସରକାରଙ୍କୁ ମଧ୍ୟ ଇଣ୍ଡୋନେସିଆ ରପ୍ତାନି ହେଉଥିବା ଚିନି ଏବଂ ଅନ୍ୟ ଆବଶ୍ୟକୀୟ ଖାଉଟି ସାମଗ୍ରୀ ଉପରେ ରୋକ ଲଗାଇ ଦେଇପାରନ୍ତି । ଏହା ଫଳରେ ଇଣ୍ଡୋନେସିଆ ଉପରେ ଚାପ ବଢିବାର ଆଶଙ୍କା ରହିଛି ।
ଖାଇବା ତେଲର ଘରୋଇ ଦର ବୃଦ୍ଧି ଉପରେ ଲଗାମ ଲଗାଇବାକୁ ଏହାର ରପ୍ତାନି ଉପରେ ରୋକ ଲଗାଇଥଇଲେ ଇଣ୍ଡୋନେସିଆ ସରକାର । ଇଣ୍ଡୋନେସିଆ ପାମ ତେଲର ସବୁଠୁ ବଡ ଉତ୍ପାଦକ ଦେଶ ।
28 ଏପ୍ରିଲରେ ଲାଗୁ ହୋଇଥଇବା ଇଣ୍ଡୋନେସିଆର ପ୍ରତିବନ୍ଧକ ଭଆରତ, ଚୀନ ଓ ପାକିସ୍ତାନ ସମେତ କିଛି ଦେଶର ଚିନ୍ତା ବଢାଇଛି ।ଗତ ସପ୍ତାହରେ ହିଁ କିଛଇ ଦେଶ ବିଶଅବ ବାଣିଜ୍ୟ ସଂଘ(WTO)ରେ ଏହି ବିଷୟ ଉଠାଇଥିଲେ । ପାମ ତେଲ ରପ୍ତାନି ପ୍ରତିବନ୍ଧକକୁ ନେଇ ଇଣ୍ଡୋନେସିଆରେ ଚାଷୀ ପ୍ରଦର୍ଶନ ଚାଲିଛି । ଖାଇବା ତେଲର ଘରୋଇ ମୂଲ୍ୟ ଭାରତୀୟ ମୁଦ୍ରାରେ 90.25 ଟଙ୍କା ରହିଥିବାବେଳେ ରିଆଉ, ସୁମାତ୍ରା, କାଲିମନ୍ତନ ଭଳି ବଡ ବଡ ରାଜ୍ୟେ ଏହାର ମୂଲ୍ୟ 122.25 ଟଙ୍କାରେ ପହଞ୍ଚିଯାଇଛି ।
ଏପ୍ରିଲ ୨୮ରୁ ଖାଇବା ତେଲ ବିଶେଷ ଭାବେ ପାମ ଅଏଲର ରପ୍ତାନୀ ବନ୍ଦ କରିବାକୁ ନିଷ୍ପତ୍ତି ନେଇଥିଲା ଇଣ୍ଡୋନେସିଆ । ତେବେ ଇଣ୍ଡୋନେସିଆର ଏହି ନିଷ୍ପତ୍ତି ଭାରତ ଉପରେ ପ୍ରଭାବ ପକାଇଛି । ଭାରତ ଖାଇବା ତେଲର ସବୁଠାର ବଡ଼ ଆମଦାନୀକାରୀ ରାଷ୍ଟ୍ର । ନିଜର ଆବଶ୍ୟକତାର ୫୦-୬୦ ପ୍ରତିଶତ ଖାଇବା ତେଲ ଆମଦାନୀ କରିଥାଏ । ଇଣ୍ଡୋନେସିଆର ଏହି ନିଷ୍ପତ୍ତି ଯୋଗୁଁ ଭାରତ ପ୍ରଭାବିତ ହେବ । କାରଣ ଭାରତ ନିଜର ଆବଶ୍ୟକତାର ପାଖାପାଖି ୫୦ ପ୍ରତିଶତ ପାମ ଅଏଲ ଇଣ୍ଡୋନେସିଆର ଆମଦାନୀ କରିଥାଏ ।