ଘୋଷଣା ହୋଇସାରିଛି ଇନଷ୍ଟିଚ୍ୟୁଟ୍ ଅଫ୍ ଚାର୍ଟାଡ ଆକାଉଣ୍ଟାଣ୍ଟସ ଅଫ୍ ଇଣ୍ଡିଆ (ICAI)ର CA ମେ 2022 ସେସନ ପରୀକ୍ଷାର ଫାଇନାଲ ରେଜଲ୍ଟ (Result)। ଶୁକ୍ରବାର ଏହି ଫଳାଫଳ ଘୋଷଣା କରାଯାଇଛି । ଛାତ୍ରମାନେ କେବଳ ଅନଲାଇନ୍ ମୋଡ୍ ମାଧ୍ୟମରେ ନିଜ ରେଜଲ୍ଟ ଦେଖିପାରିବେ ।
ICAI ମଧ୍ୟ ଏହାର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଏନେଇ ସୂଚନା ଦେଇଛି । ଏଇଠି ଜାଣନ୍ତୁ କିଭଳି କରିବେ ରେଜଲ୍ଟ ଚେକ...
ICAI ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ CA ମେ ସେସନ ପରୀକ୍ଷା ଫଳାଫଳ ପ୍ରକାଶ ପାଇଛି । ପରୀକ୍ଷାରେ ଦେଇଥିବା ସମସ୍ତ ଛାତ୍ରଛାତ୍ରୀ ଅଫିସିଆଲ୍ ୱେବସାଇଟ୍ icai.nic.in ଯାଇ ସେଠାରେ ସେମାନଙ୍କର ରେଜଲ୍ଟ ଚେକ ଏବଂ ଡାଉନଲୋଡ୍ କରିପାରିବେ ।
ପ୍ରଥମେ ପରୀକ୍ଷାର୍ଥୀମାନେ ଅଫିସିଆଲ୍ ୱେବସାଇଟ୍ icaiexam.icai.org କିମ୍ବା caresults.icai.org ଲଗଇନ କରନ୍ତୁ ।
- ଏହା ପରେ ହୋମ ପେଜରେ ଥିବା CA ଫାଇନାଲ୍ ମେ 2022 ଫଳାଫଳର ଲିଙ୍କରେ କ୍ଲିକ୍ କରନ୍ତୁ
- ବର୍ତ୍ତମାନ ଆପଣ ଏକ ନୂତନ ପେଜକୁ ଆସିବେ
- ମଗାଯାଇଥିବା ସମସ୍ତ ସୂଚନା ଏଣ୍ଟ୍ରି କରି ଏଠାରେ ଲଗ୍ଇନ୍ କରନ୍ତୁ
- ବର୍ତ୍ତମାନ ଆପଣଙ୍କର ସ୍କୋରକାର୍ଡ ସ୍କ୍ରିନକୁ ଆସିବେ
- ଏହାକୁ ଚେକ କରନ୍ତୁ ଏବଂ ଡାଉନଲୋଡ୍ କରନ୍ତୁ ଏବଂ ପରବର୍ତ୍ତୀ ଆବଶ୍ୟକତା ପାଇଁ ଏଥିରୁ ଏକ ପ୍ରିଣ୍ଟ୍ ବାହାର କରନ୍ତୁ
କିଏ ହୋଇଛନ୍ତି ଟପର ?
CA ମେ ସେସନ ପରୀକ୍ଷା ପାଇଁ ପ୍ରକାଶିତ ରେଜଲ୍ଟରେ ମୁମ୍ବାଇର ମୀତ ଅନିଲ ଶାହ ପ୍ରଥମ ସ୍ଥାନ (AIR-1) ହାସଲ କରିଛନ୍ତି | 642 ମାର୍କ ରଖି ସେ ସର୍ବୋଚ୍ଚ ସ୍ଥାନରେ ରହିଛନ୍ତି । ସେହିପରି ଦ୍ୱିତୀୟ ସ୍ଥାନରେ 639 ମାର୍କ ସହ ଜୟପୁରର ଅକ୍ଷତ ଗୋୟଲ ଏବଂ ସୁରଟର ସୃଷ୍ଟି କେ ସାଙ୍ଗଭୀ 611 ମାର୍କ ସହ ତୃତୀୟ ସ୍ଥାନରେ ଅଛନ୍ତି।
ଏହି ପରୀକ୍ଷା ମେ 14 ରୁ ମେ 30 ମଧ୍ୟରେ ଅନୁଷ୍ଠିତ ହୋଇଥିଲା । ଏହି ପରୀକ୍ଷା ଦେଶର ସବୁଠାରୁ କଠିନ ପରୀକ୍ଷା ବୋଲି ବିବେଚନା କରାଯାଏ । ଏହି ପରୀକ୍ଷା ବର୍ଷକୁ ଦୁଇଥର ମେ ଏବଂ ନଭେମ୍ବର ମାସରେ କରାଯାଏ । ପରୀକ୍ଷାରେ ସଫଳ ହେବା ପାଇଁ ପରୀକ୍ଷାର୍ଥୀଙ୍କୁ ସମୁଦାୟ 50% ମାର୍କ ଏବଂ ପ୍ରତ୍ୟେକ ବିଷୟ ଉପରେ ସର୍ବନିମ୍ନ 40% ମାର୍କ ରଖିବାକୁପଡିଥାଏ ।