ପ୍ରବଳ ଖରା ଏବଂ ତାତି ପରେ ଏବେ ଦେଶରେ ମୌସୂମୀ ପୁଣି ଥରେ ୟୁ ଟର୍ଣ୍ଣ ନେଇଛି । ଦେଶର ବିଭିନ୍ନ ଅଞ୍ଚଳରେ ପ୍ରବଳ ଶୀତ ଅନୁଭୂତ ହେଉଛି। ଗତ ସପ୍ତାହ ପର୍ଯ୍ୟନ୍ତ ଦେଶରେ ତାତିକୁ ନେଇ ଲୋକେ ଚିନ୍ତିତ ଥିବା ବେଳେ ବର୍ଷା ପରେ ବଦଳିଯାଇଛି ପାଣିପାଗ । ଏହାବ୍ୟତୀତ ଆଗାମୀ ଦିନମାନଙ୍କ ପାଇଁ ମଧ୍ୟ ପୂର୍ବାନୁମାନ କରି ଦେଇଛି ଭାରତୀୟ ପାଣିପାଗ ବିଭାଗ(IMD) । ତେବେ ମାର୍ଚ୍ଚରେ ଅଚାନକ ଏମିତି ପରିବର୍ତ୍ତନ ଉପରେ ମୌସୂମୀ ବିଭାଗ ସୂଚନା ଦେଇଛି ।
ଭାରତର ପାଣିପାଗ ବିଭାଗ ତରଫରୁ ମିଳିଥିବା ସୂଚନା ଅନୁଯାୟୀ, ମାର୍ଚ୍ଚ ମାସରେ ଅଚାନକ ବର୍ଷା ଯୋଗୁଁ ପଶ୍ଚିମା ଝଡ ଲାଗି ରହିଛି । ଏହା ଆକ୍ଟିଭ ହେବା ପରେ କିଛି ରାଜ୍ୟରେ ବର୍ଷା ସହିତ କୁଆପଥର ମାଡ ହୋଇଛି । ତେଣୁ ପାଣିପାଗରେ ପୁଣି ଏକ ପରିବର୍ତ୍ତନ ଦେଖିବାକୁ ମିଳିଛି । ଝମାଝମ ବର୍ଷା ପରେ ତାପମାତ୍ରା ହ୍ରାସ ପାଇଛି, ତେଣୁ ଆସନ୍ତା ୨-୩ ଦିନ ପର୍ଯ୍ୟନ୍ତ ମୌସୂମୀ ଏଭଳି ଲାଗି ରହିବ ବୋଲି ସମ୍ଭାବନା ଜାରି ରହିଛି । ଆସନ୍ତା ମାର୍ଚ୍ଚ ୨୧ ତାରିଖ ପର୍ଯ୍ୟନ୍ତ ଉତ୍ତର-ପଶ୍ଚିମ ଭାରତର ରାଜ୍ୟଗୁଡିକରେ କଳାବାଦଲ ଦେଖାଯିବା ସହ ସମୟ ସମୟରେ ବର୍ଷା ହେବା ନେଇ ଆଶଙ୍କା କରିଛି ଭାରତୀୟ ପାଣିପାଗ ବିଭାଗ । ତେବେ ପରିବର୍ତ୍ତିତ ପାଣିପାଗ ବିଭାଗ ଏବଂ ଥଣ୍ଡା ଯୋଗୁଁ ଲୋକମାନେ ସ୍ୱେଟର ଆଦି ବିଭିନ୍ନ ପ୍ରକାର ଶୀତବସ୍ତ୍ର ପିନ୍ଧୁଥିବା ନଜର ଆସିଛନ୍ତି ।
ସୂଚନା ଅନୁସାରେ, ରାଜଧାନୀ ଦିଲ୍ଲୀରେ ୩୦-୪୦ କି.ମି/ଘଣ୍ଟା ପବନ ବହିବ ଏବଂ କୁଆପଥର ସହ ହାଲକା ବର୍ଷା ହୋଇପାରେ । ଏହା ବ୍ୟତୀତ ସର୍ବାଧିକ ତାପମାତ୍ରା ୨୬ଡିଗ୍ରୀ ଏବଂ ୧୬ ଡିଗ୍ରୀରେ ପହଞ୍ଚିପାରେ ସର୍ବନିମ୍ନ ତାପମାତ୍ରା । ରାଜଧାନୀ ଦିଲ୍ଲୀ ସମେତ ପଞ୍ଜାବ, ହରିୟାଣା, ଚଣ୍ଡୀଗଡ, ଉତ୍ତରପ୍ରଦେଶ, ବିହାର ଏବଂ ରାଜସ୍ଥାନରେ ବର୍ଷା ହେବା ନେଇ ଆଶଙ୍କା କରାଯାଇଛି । ପଶ୍ଚିମବଙ୍ଗ ଏବଂ ଉତ୍ତ-ପଶ୍ଚିମର କିଛି ରାଜ୍ୟରେ ମଧ୍ୟ ମାର୍ଚ୍ଚ ୨୩ ତାରିଖ ପର୍ଯ୍ୟନ୍ତ ବର୍ଷା ହେବାର ସମ୍ଭାବନା ରହିଛି ।
ରାଜ୍ୟର ୩ ସହରରେ ଅତି ପ୍ରବଳ ବର୍ଷା ହୋଇଥିବାବେଳେ ୮ ସହରରେ ହୋଇଛି ପ୍ରବଳ ବର୍ଷା। ଆସନ୍ତା ୨୨ ତାରିଖ ପର୍ଯ୍ୟନ୍ତ ଏହି ପଶ୍ଚିମା ଝଡ଼ର ପ୍ରଭାବ ରାଜ୍ୟରେ ରହିବ । ଆସନ୍ତା ଦୁଇ ଦିନ ଘଡ଼ଘଡ଼ି ସହ ବର୍ଷା ହେବ । ଏହା ପରେ ବର୍ଷାର ପରିମାଣ କମିବା ସହ ତାପମାତ୍ରା ବୃଦ୍ଧି ପାଇବ ପାଣିପାଗ ବିଶେଷଜ୍ଞ କହିଛନ୍ତି ।
ସେପଟେ ରାଜ୍ୟର ୩ ସହରରେ ଅତି ପ୍ରବଳ ବର୍ଷା ହୋଇଥିବା ବେଳେ ୮ ସହରରେ ହୋଇଛି ପ୍ରବଳ ବର୍ଷା। କୋରାପୁଟ ଜୟପୁର ସହରରେ ସର୍ବାଧିକ ୧୪୮.୮ ମିଲିମିଟର ବର୍ଷା ରେକର୍ଡ ହୋଇଛି । ମାଲକାନଗିରିର ମାଥିଲିରେ ୧୨୯, ଭଦ୍ରକ ତିହିଡ଼ିରେ ୧୧୨, ବାସୁଦେବପୁରରେ ୯୦ ଏବଂ ବାଲେଶ୍ବରରେ ୯୧ ମିଲିମିଟର ବର୍ଷା ରେକର୍ଡ ହୋଇଛି ।