ରାଜ୍ୟରେ କିଛିଦିନ ପର୍ଯ୍ୟନ୍ତ ବର୍ଷା ସମ୍ଭାବନା ରହିଛି । ଗତ ୨୪ ଘଣ୍ଟାରେ ମଧ୍ୟରେ ଅଧିକାଂଶ ଜିଲ୍ଲାରେ ବର୍ଷା ରେକର୍ଡ଼ କରାଯାଇଛି । ସେହିପରି ଅନ୍ୟ ୪ ଜିଲ୍ଲାକୁ ଘଡଘଡି ସାଙ୍ଗକୁ ବର୍ଷା ନେଇ ବିଭାଗ ପକ୍ଷରୁ ୟେଲୋ ଆଲର୍ଟ ଜାରି କରାଯାଇଛି ।
୪ ଜିଲ୍ଲା ମଧ୍ୟରେ ରହିଛି ସୁନ୍ଦରଗଡ, କେନ୍ଦୁଝର, ମୟୂରଭଂଜ ଓ ବାଲେଶ୍ବର l ଏହି ସମସ୍ତ ଜିଲ୍ଲାରେ ବିଜୁଳି ଘଡଘଡି ସହ ବର୍ଷା ନେଇ ୟେଲୋ ଓ୍ବାର୍ଣ୍ଣିଂ ଜାରି କରାଯାଇଛି । ଏହି ଜିଲ୍ଲା ସମେତ ଉତ୍ତର ଉପକୂଳବର୍ତ୍ତୀ ଜିଲ୍ଲା ସମେତ ଖୋର୍ଦ୍ଧା, ପୁରୀ, ନୟାଗଡ, ଗଞ୍ଜାମ ଜିଲ୍ଲାରେ ବର୍ଷା ସମ୍ଭାବନା ରହିଛି l
ବୁଧବାର ରାଜ୍ୟରେ ପାଗ ମୁଖ୍ୟତଃ ଶୁଖିଲା ରହିବା ନେଇ ବିଭାଗ ସୂଚନା ଦେଇଛି । ଗତକାଲି ଅର୍ଥାତ ଗୁରୁବାର ଦିନ ଠାରୁ ୩ ତାରିଖ ପର୍ଯ୍ୟନ୍ତ ରାଜ୍ୟର ବିଭିନ୍ନ ସ୍ଥାନରେ ହାଲୁକା ବର୍ଷା ସମ୍ଭାବନା ରହିଛି l ସେହିଭଳି କିଛି କିଛି ସ୍ଥାନରେ ବିଜୁଳି ଘଡଘଡି ସାଙ୍ଗକୁ ବର୍ଷା ନେଇ ପୂର୍ବାନୁମାନ ମଧ୍ୟ କରାଯାଇଛି ।
ଅନ୍ୟପଟେ ଆଗାମୀ ୪ ଦିନ ପର୍ଯ୍ୟନ୍ତ ରାଜ୍ୟର ରାତି ତାପମାତ୍ରାରେ କୌଣସି ବିଶେଷ ପରିବର୍ତ୍ତନ ନାହିଁ ବୋଲି କୁହାଯାଇଛି । ରାତି ତାପମାତ୍ରାରେ ସ୍ବାଭାବିକ ଠାରୁ ଅଧିକ ରହିବା ପୂର୍ବାନୁମାନ କରାଯାଇଛି । ପାଣିପାଗ ରାଜ୍ୟର ମେଘୁଆ ପାଗ ଥିବାରୁ ରାତି ତାପମାତ୍ରା ସ୍ବାଭାବିକ ରହୁଛି ବୋଲି ବିଭାଗ ସୂଚନା ଦେଇଛି l ଆସନ୍ତା ମାର୍ଚ୍ଚ ମାସ ପହିଲା ଯାଏଁ ରାତି ପାରଦରେ ସର୍ବନିମ୍ନ ୧୫ ଡିଗ୍ରୀ ଠାରୁ ଅଧିକ ରହିବ । ସେହିପରି ଗତକାଲି ଅର୍ଥାତ ସୋମବାର ଦିନ ମାଲକାନଗିରିରେ ସର୍ବାଧିକ ଦିନ ତାପମାତ୍ରା ୩୫.୨ ଡିଗ୍ରୀ ରେକର୍ଡ କରାଯାଇଛି ।