ଓଡିଶା ପାଇଁ ଖୁସି ଖବର | ସମ୍ବଲପୁର କୁଚିଣ୍ଡାର ଲଙ୍କାକୁ ମିଳିପାରେ ଜିଆଇ ଟ୍ୟାଗର ମାନ୍ୟତା | ପରୀକ୍ଷାରୁ ଜଣାପଡିଛି ଯେ , ସମ୍ବଲପୁର କୁଚିଣ୍ଡାର(Sambalpur kuchinda) ଲଙ୍କା ସର୍ବୋତ୍ତମ । ରାଗ ଯେମିତି, ସ୍ୱାଦ ବି ସେମିତି ।
ସମ୍ବଲପୁରରୁ ଉତ୍ପାଦନ ହେଉଥିବା ଲଙ୍କାର ଏବେ ଜିଆଇ ଟ୍ୟାଗ୍ ମାନ୍ୟତା ପାଇବାର ଆଶା ଉଜ୍ଜଳ ହୋଇଛି ।ଯାହାକୁ ନେଇ ସେହି ଅଂଚଳର ଚାଷୀଙ୍କ ମଧ୍ୟରେ ଉତ୍ସାହ ଖେଳିଯାଇଛି | କୁଚିଣ୍ଡା ଅଞ୍ଚଳର ଲଙ୍କା ଗୁଣବତ୍ତା ନେଇ ଦୁଇଟି ଲ୍ୟାବକୁ ପରୀକ୍ଷା ପାଇଁ ପଠାଯାଇଥିବା ବେଳେ ଏହି ଲଙ୍କା ଉନ୍ନତ ମାନର ବୋଲି ରିପୋର୍ଟ ଆସିଛି ।
ପୁରାତନ କାଳରୁ ଅର୍ଥକାରୀ ଫସଲ ଭାବେ ସମ୍ବଲପୁର ଜିଲ୍ଲା କୁଚିଣ୍ଡା ଅଞ୍ଚଳରେ ଲଙ୍କା ଚାଷ(Chilli farming)କରାଯାଉଛି । ଲଙ୍କାର ଗୁଣବତା ନେଇ ପରୀକ୍ଷା ପାଇଁ ପଠାଯାଇଥିବା ବେଳେ ୨ଟି ପରୀକ୍ଷାଗାରରୁ ସର୍ବୋତ୍ତମ ଗୁଣବତ୍ତାର ରିପୋର୍ଟ ଆସିଛି ।
ସ୍ପାଇସ ବୋର୍ଡ଼ ଅଫ କୋଚି ଏବଂ ଚେନ୍ନାଇ ସ୍ଥିତ ଏସଜିଏସ ଲ୍ୟାବ ରିପୋର୍ଟରୁ ଏହା ସ୍ପଷ୍ଟ ହୋଇଛି । ଆଉ ଜିଆଇ ଟ୍ୟାଗ୍ ପାଇଁ ଆଶା ଉଜ୍ଜଳ ହୋଇଛି । କୁୁଚିଣ୍ଡା ଅଞ୍ଚଳର ଲଙ୍କା ଜିଆଇ ଟ୍ୟାଗ ମାନ୍ୟତା ପାଇବାକୁ ଯାଉଥିବା ବେଳେ ଏହାକୁ ନେଇ ଚାଷୀଙ୍କ ମଧ୍ୟରେ ଉତ୍ସାହ ଦେଖାଦେଇଛି ।
ଲଙ୍କା ଚାଷ କରି ପରିବାର ପ୍ରତିପୋଷଣ କରନ୍ତି କୁଚିଣ୍ଡା ଅଞ୍ଚଳର ଅଧିକାଂଶ ଚାଷୀ | ଏହି ଅଂଚଳର କିଛି ଚାଷୀ ଲଙ୍କା ଚାଷ (Chilli farm) କୌଳିକ ବୃତ୍ତି | କିନ୍ତୁ ଜଳସେଚନର ଅଭାବ, ବଜାର ସୁବିଧା, ସରକାରୀ ପ୍ରୋତ୍ସାହନ ଅଭାବରୁ ଧୀରେ ଧୀରେ ଚାଷ ପ୍ରତି ଲୋକେ ବିମୁଖ ହେଉଛନ୍ତି ।
ଅନ୍ୟପଟେ ଚାଷୀଙ୍କ ଉନ୍ନତି ପାଇଁ ଆଦିବାସୀ ଉନ୍ନୟନ ସଂସ୍ଥା ପକ୍ଷରୁ ଚିଲି ପ୍ରୋସେସିଙ୍ଗ ୟୁନିଟ୍ କରାଯାଇଛି । ହେଲେ ତାହା ଠିକ୍ ଭାବେ ପରିଚାଳିତ ହେଉନାହିଁ । ଆଗକୁ ଲଙ୍କା ଚାଷୀଙ୍କୁ (Chilli farm )ତାଲିମ, ପ୍ରୋତ୍ସାହନ ଦିଆଯିବା ସହିତ ଲଙ୍କା ଚାଷ ପାଇଁ ସଚେତନ କରାଯିବାର ଯୋଜନା ରହିଥିବା କହିଛନ୍ତି ନିୟନ୍ତ୍ରୀତ ବଜାର କମିଟିର ସମ୍ପାଦକ ।