ଦେଶର ଖାଦ୍ୟ ଥାଳିରେ ପୁଣି ଥରେ ନିଜର ସ୍ଥିତି ଜାହିର କରିପାରିଛି ମାଣ୍ଡିଆ(Millets) । ସ୍ବାଧିନତାର ପରର ଏକ ଦଶନ୍ଧି ପର୍ଯ୍ୟନ୍ତ ଭାରତର ବୃହତ ଜନ ସମୁଦାୟ ମୋଟା ଶସ୍ୟ ଉପରେ ନିର୍ଭର କରୁଥିଲା । ହେଲେ ସବୁଜ ବିପ୍ଳବ ପରେ ଗହମ ଓ ଚାଉଳର ଉତ୍ପାଦନରେ ରେକର୍ଡ ବୃଦ୍ଧି ହେବାକୁ ଲାଗିଲା । ଏହାରି ମଧ୍ୟରେ ସମସ୍ତ ମାଣ୍ଡିଆ(Millets)କୁ ଭୁଲିବାକୁ ଲାଗିଲେ । ହେଲେ ଗତ ଏକ ଦଶନ୍ଧିରୁ ଦେଶରେ ମାଣ୍ଡିଆ(Millets)ର ଚାହିଦା ବଢିବାରେ ଲାଗିଛି ।
ଆସନ୍ତା ବର୍ଷ ଅର୍ଥାତ 2023କୁ ଅନ୍ତରାଷ୍ଟ୍ରୀୟ ମିଲେଟ ଦିବସ ରୂପେ ପାଳନ କରାଯିବ । ତେବେ ଏନେଇ ଆରମ୍ଭ ହୋଇଯାଇଛି ପ୍ରସ୍ତୁତି । ପ୍ରାଚୀନ ଏବଂ ପୌଷ୍ଟିକ ଖାଦ୍ୟଶସ୍ୟକୁ ପୁଣି ଥରେ ଖାଦ୍ୟ ଥାଳିକୁ ଆଣିବା ଉପରେ ସଚେତନତା ଓ ପ୍ରଚାର ଏବଂ ପ୍ରସାର କରିବା ନିମନ୍ତେ ପଦକ୍ଷେପ ନିଆ ଯିବା ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଉଛି । ତେବେ ଆପଣ ମିଲେଟର ବିଭିନ୍ନ ନାଁ ଜାଣିଛନ୍ତି କି ? ତେବେ ଆମେ ଏଠାରେ କହି ରଖୁଛୁ ମିଲେଟର ଭିନ୍ନ ଭିନ୍ନ ପ୍ରକାର ଓ ନାଁ ସମ୍ପର୍କରେ..
ମୁଖ୍ୟତଃ 8 ପ୍ରକାରର ମିଲେଟ ଦେଖିବାକୁ ମିଳିଥାଏ । ସେଗୁଡିକ ହେଉଛି ସୋରଘୁମ, ପର୍ଲ ମିଲେଟ, ଫିଙ୍ଗର ମିଲେଟ, ଫୋକ୍ସଟେଲ ମିଲେଟ, ବର୍ଣ୍ଣୟାର୍ଡ ମିଲେଟ, କୁଡୋ ମିଲେଟ, ଲିଟିଲ ମିଲେଟ ଓ ପ୍ରୋଜୋ ମିଲେଟ ।
ଓଡିଶାରେ ମୁଖ୍ୟତଃ ମିଲେଟକୁ ମାଣ୍ଡିଆ କହିଥାନ୍ତି । ସୋରଗୁମ ପ୍ରକାରର ମିଲେଟକୁ ହିନ୍ଦି ଭାଷାଭାଷୀ ରାଜ୍ୟରେ ଜଓ୍ବାର କୁହାଯାଏ । ସେହିପରି କନ୍ନଡରେ ଏହାକୁ ଜୋଲା ବୋଲି କୁହନ୍ତି । ପର୍ଲ ମିଲେଟକୁ ବାଜରା ନାଁରେ ଜଣାଯାଏ । ସେହିପରି ବର୍ଣ୍ଣୟାର୍ଡକୁ ହିନ୍ଦୀରେ ସାନଓ୍ବା, ବେଙ୍ଗଲିରେ ସ୍ୟାମ ଓ କନ୍ନଡରେ ଓଡାଲୁ କୁହନ୍ତି ।
କୁଡୋ ମିଲେଟକୁ ହିନ୍ଦୀରେ କୋଡନ, ବେଙ୍ଗଲିରେ କୋଡୋ ଗୁଜୁରାଟିରେ କୋଡରା ଓ କନ୍ନଡରେ ହରକା ନାଁରେ ଜଣାଯାଏ । ସେହିପରିଲି ଲିଟିଲ ମିଲେଟକୁ ହିନ୍ଦିରେ କୁଟକି କିମ୍ବା ସାଭନ, ବେଙ୍ଗଲିରେ ସାମା, ଗୁଜୁରାଟିରେ ଗଜରୋ ଓ କୁରି ନାଁରେ ଜଣାଯାଏ ।
ମିଲେଟ ଉପରେ e-book ତିଆରି କରିବା ନେଇ ମନ କି ବାତରେ କହିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏଥିରୁ ଲୋକମାନେ ମିଲେଟରୁ ତିଆରି ହେଉଥିବା ବ୍ୟଞ୍ଜନ ତଥା ନିଜର ଅନୁଭୂତି ଜଣାଇପାରିବେ ।
ମିଲେଟ ଉପରେ ପ୍ରସ୍ତୁତ ହେବ e-book ! ମନ କୀ ବାତରେ ପରାମର୍ଶ ମାଗିଲେ ମୋଦି