ଆଜି ସୋମବାର ତଥା ୨୯ ଜୁନ ରୁ ଆରମ୍ଭ ହେବାକୁ ଯାଉଛି ଥାଇଲାଣ୍ଡ ଚିଂ ମାଇରେ ସପ୍ତମ ଅନ୍ତର୍ଜାତୀୟ ସମ୍ମିଳନୀ l ସରିଛି ସମସ୍ତ ପ୍ରସ୍ତୁତି l ଚାଇପାଟାନା ଫାଉଣ୍ଡେସନ୍ ଏବଂ ଅଫିସ୍ ଅଫ୍ ରୟାଲ୍ ଡେଭଲପମେଣ୍ଟ ପ୍ରୋଜେକ୍ଟ ବୋର୍ଡ (ORDPB) ଦ୍ୱାରା ଆୟୋଜିତ ଏହି ସମ୍ମିଳନୀ ପାଇଁ ICV7 ୱେବସାଇଟରେ ତୃତୀୟ ଥର ପାଇଁ ଘୋଷଣା କରାଯାଇଛି । ତେବେ ଏହି କାର୍ଯ୍ୟକ୍ରମ ପ୍ରାୟ ଚାରି ଦିନ ଧରି ଚାଲିବ ଯେଉଁଥିରେ ଅନେକ ଦେଶ ଯୋଗଦେବାର କାର୍ଯ୍ୟକ୍ରମ ରହିଛି l
ଅନେକ ମାନ୍ୟଗଣ୍ୟ ବ୍ୟକ୍ତିଙ୍କ ଉପସ୍ଥିତିରେ ଏହି କାର୍ଯ୍ୟକ୍ରମଟି ଉଦଘାଟିତ ହେବ l ତେବେ କାର୍ଯ୍ୟକ୍ରମର ସ୍ୱାଗତ ସମାରୋହ ଆରମ୍ଭ ଭେଟିଭର୍ ନେଟୱାର୍କ ଇଣ୍ଟରନ୍ୟାସନାଲ୍ (TVNI)ର ସଭାପତି ତଥା ଚେୟାରମ୍ୟାନ୍ ଶ୍ରୀ ଜିମ୍ ସ୍ମିଲ୍ ଙ୍କ ଦ୍ୱାରା କରାଯିବ l ICV-7 ଆୟୋଜକ କମିଟିର ଅଧ୍ୟକ୍ଷଙ୍କୁ ପ୍ରତିନିଧିତ୍ୱ କରୁଥିବା ରୟାଲ୍ ଡେଭଲପମେଣ୍ଟ ପ୍ରୋଜେକ୍ଟ ବୋର୍ଡ (ଆରଡିପିବି) ର ସେକ୍ରେଟେରୀ ଜେନେରାଲ୍ ଶ୍ରୀ ପୱତ ନାଭମାରତ୍ନାଙ୍କୁ ଉଦବୋଧନ ଦେଇ ସମାରୋହଟି ଆରମ୍ଭ ହେବ l
ଭେଟିଭର୍ ଉପରେ ଆୟୋଜିତ ସପ୍ତମ ଅନ୍ତର୍ଜାତୀୟ ସମ୍ମିଳନୀରେ ଆୱାର୍ଡ ବିତରଣ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହେବ l ଯାହାକୁ ପ୍ରଧାନ କରିବେ ଚାଇପାଟାନା ଫାଉଣ୍ଡେସନ୍ ଏବଂ ଅଫିସ୍ ଅଫ୍ ରୟାଲ୍ ଡେଭଲପମେଣ୍ଟ ପ୍ରୋଜେକ୍ଟର ସେକ୍ରେଟାରୀ ଜେନେରାଲ ସୁମେଟ୍ ଟାଣ୍ଟିଭେଜ୍କୁଲ୍ l ତେବେ ୧୯୯୬ ପରଠାରୁ ଏହି The King of Thailand Vetiver Awards ପ୍ରଦାନ କରାଯାଉଛି l ଏହି ଆୱାର୍ଡ ପ୍ରତି ୪ ରୁ ୫ ବର୍ଷ ମଧ୍ୟରେ ପ୍ରଦାନ କରାଯାଇଥାଏ l TVNI ( the Vetiver Network International )ଆଗ୍ରହୀ ବ୍ୟକ୍ତିମାନଙ୍କୁ ଏହି ପୁରସ୍କାର ପାଇଁ ନିଜକୁ ସାମିଲ କରିବାକୁ ଆମନ୍ତ୍ରଣ କରେ ଯାହା ଭେଟିଭର୍ ସିଷ୍ଟମର ଗବେଷଣା ଏବଂ ବିକାଶ ସହିତ ଜଡିତ ରହିଛି l
ତେବେ ଆଜି କୃଷି ଜାଗରଣ ସଂସ୍ଥା ପାଇଁ ଏକ ବଡ ଖୁସିର ଦିନ l ୨୬ ବର୍ଷ ହେବ ଏହି ସଂସ୍ଥା କୃଷି ବିକାଶରେ ନିଜକୁ ନିୟୋଜିତ ରଖିଛି l ପ୍ରାୟତଃ ୧୨ ଟି ଭାଷାରେ ପ୍ରତି ମାସ ଏହି ସଂସ୍ଥାର ପତ୍ରିକା ପ୍ରକାଶ ପାଇଥାଏ l ସେହିପରି ଏହି ସଂସ୍ଥାର ଅନ୍ୟ ଏକ ପତ୍ରିକା ହେଉଛି ଏଗ୍ରିକଲଚର ୱାର୍ଲଡ l ତେବେ ଆଗାମୀ ମାସ ଜୁନ ସଂସ୍କରଣ ପାଇଁ ପ୍ରକାଶ ହେବାକୁ ଥିବା ଏହି ପତ୍ରିକାରେ ମୁଖ୍ୟତଃ ଭେଟିବାରକୁ ଆଲୋକପାତ କରାଯାଇ ପ୍ରକାଶ କରୁଛି ଏହି ସଂସ୍ଥା l ଯାହାକୁ ଥାଇଲାଣ୍ଡ ର ଚିଂ ମାଇ ରେ ଅନୁଷ୍ଠିତ ହେବାକୁ ଥିବା ସପ୍ତମ ଅନ୍ତର୍ଜାତୀୟ ସମ୍ମିଳନୀରେ ରାଣୀ HRH ରାଜକୁମାରୀ ମହା ଚକ୍ରୀ ସିରିନ୍ଦହର୍ନଙ୍କ ଦ୍ୱାରା ରିଲିଜ କରାଯିବ l ତେବେ ସଂସ୍ଥା ପାଇଁ ଏହା ଏକ ବଡ ସଫଳତା କହିଲେ ଆତ୍ୟୁକ୍ତ ହେବ ନାହିଁ l
ଭୂମି, ଜଳ ଏବଂ ବାୟୁ ପ୍ରଦୂଷଣକୁ ଏଡ଼ାଇ ପରିବେଶର ସୁରକ୍ଷା ପାଇଁ ଭେଟିଭରର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ l ବାୟୁମଣ୍ଡଳରୁ କାର୍ବନ ଡାଇଅକ୍ସାଇଡ୍ ନେଇ ଅମ୍ଳଜାନ ଦେଇଥାଏ ଏହି ଘାସ ପ୍ରଜାତି l ଭେଟ୍ଟିୱର୍ଟ ହେଉଛି ଦାରବାଇ ଘାସ ପରିବାରର ଏକ ଉତ୍କୃଷ୍ଟ ସୁଗନ୍ଧିତ ଫସଲ l ବର୍ତ୍ତମାନ ପର୍ଯ୍ୟନ୍ତ ପରିବେଶରେ ଭେଟିଭରଙ୍କ ଅବଦାନ ଉପରେ ୩0,000 ରୁ ଅଧିକ ଗବେଷଣା କାଗଜ ସାରା ବିଶ୍ୱରେ ପ୍ରକାଶିତ ହୋଇଛି | ତାମିଲନାଡୁର ଉତ୍ତର-ପୂର୍ବ ଉପକୂଳବର୍ତ୍ତୀ ଅଞ୍ଚଳର ଅନେକ କୃଷକ ଏହାକୁ ନିଜ ଚାଷ କାର୍ଯ୍ୟରେ ସାମିଲ କରିଛନ୍ତି l ଯଦି ଆପଣ ଏହି ଭଟିବାର ମୂଳକୁ ଏକ ମାଟି ପାତ୍ରରେ କାଟି ଏହାକୁ ଭିଜାଇ ପାଣି ପିଅନ୍ତି, ତେବେ ଅଗଣିତ ରୋଗ ଭଲ ହୋଇଯିବ l
ଏହି କାର୍ଯ୍ୟକ୍ରମରେ ଥାଇଲାଣ୍ଡର ରାଣୀ ସ୍ୱାଗତ ସମ୍ଵର୍ଦ୍ଧନା ପ୍ରଦାନ କରିବେ l ତେବେ ସେଠାରେ ଥିବା ବିଚାରପତିମାନଙ୍କ ଦ୍ୱାରସା କୃତଜ୍ଞତାର ଟୋକେନ୍ ମଧ୍ୟ ଉପସ୍ଥାପନା କରାଯିବ l ଏହି କାର୍ଯ୍ୟକ୍ରମ ସମାରୋହରେ ଅତିଥିଙ୍କ ପାଇଁ ସମସ୍ତ ବ୍ୟବସ୍ଥା କରାଯାଇଛି l ୩ ଦିନ ଧରି ଚାଲିବାକୁ ଥିବା ଏହି ସମାରୋହରେ ସ୍ୱତନ୍ତ୍ର କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ କରାଯାଇଛି l ଭଟିବାର ଏକ ପ୍ରକାର ଘାସ ପ୍ରଜାତିର ଯାହା ଉପରେ ଅନେକ ଆଲୋଚନା ପର୍ଯ୍ୟାଲୋଚନା ମଧ୍ୟ କରାଯିବ l ଆଶା କରାଯାଉଛି ଏହି ସମାରୋହ ଚାଷୀଙ୍କୁ ଏହି ଘାସ ଚାଷ କରିବା ପାଇଁ ଉତ୍ସୁକତା ପ୍ରଦାନ କରିବ l