ଲୋକ ଆଜି (ମଙ୍ଗଳବାର) ମୁଦ୍ରାସ୍ଫୀତିର ଦୁଇଗୁଣ ଆଘାତ ପାଇଛନ୍ତି । ପେଟ୍ରୋଲ ଓ ଡିଜେଲ ସହିତ ଘରୋଇ ଏଲପିଜି ସିଲିଣ୍ଡର (LPG Cylinder)ମଧ୍ୟ ମହଙ୍ଗା ହୋଇଛି ।
ଋଷ-ୟୁକ୍ରେନ ଯୁଦ୍ଧ ହେତୁ ଅଶୋଧିତ ତୈଳ ମୂଲ୍ୟରେ ବୃଦ୍ଧିର ପ୍ରଭାବ ବର୍ତ୍ତମାନ ଘରୋଇ ସ୍ତରରେ ଦେଖାଯାଉଛି । ଗ୍ରାହକଙ୍କୁ ପୁଣିଥରେ ଲାଗିବାକୁ ଯାଉଛି ଝଟକା । ଆଜି ଠାରୁ ଘରୋଇ ଏଲପିଜି ସିଲିଣ୍ଡର (LPG Cylinder)ର ମୂଲ୍ୟ ବୃଦ୍ଧି ହୋଇଛି । ସିଲିଣ୍ଡର ପିଛା ୫୦ ଟଙ୍କା ବୃଦ୍ଧି ପାଇଛି । ଅନେକ ମାସର ବ୍ୟବଧାନ ପରେ, ଏଲପିଜି ସିଲିଣ୍ଡରର ହାର ପୁଣି ଥରେ ବୃଦ୍ଧି ପାଇଛି ।
ଘରୋଇ LPG ସିଲିଣ୍ଡର ହାର ୬ ଅକ୍ଟୋବର ୨୦୨୧ରେ ଶେଷ ଥର ପାଇଁ ପରିବର୍ତ୍ତିତ ହୋଇଥିଲା । ଆଜି (ମଙ୍ଗଳବାର) ଠାରୁ ଅର୍ଥାତ୍ ୨୨ ମାର୍ଚ୍ଚ ୨୦୨୨, ଘରୋଇ LPG ସିଲିଣ୍ଡରର ମୂଲ୍ୟ ଦିଲ୍ଲୀରେ ୯୪୯.୫ ଟଙ୍କାକୁ ବୃଦ୍ଧି ପାଇଛି । ଏହାପୂର୍ବରୁ ଏହା ୮୯୯.୫୦ ଟଙ୍କା ଥିଲା । ସେହିଭଳି କୋଲକାତାରେ ୬ ଅକ୍ଟୋବର ୨୦୨୧ରେ ୧୪.୨ କିଲୋଗ୍ରାମ ଅଣ ସବସିଡିଯୁକ୍ତ ସିଲିଣ୍ଡରର ମୂଲ୍ୟ ୯୨୬ ଟଙ୍କା ଥିଲା, ବର୍ତ୍ତମାନ ଏହା ୯୭୬ ଟଙ୍କା ହୋଇଯାଇଛି ।
ରାଷ୍ଟ୍ରାୟତ୍ତ ତୈଳ ମାର୍କେଟିଂ କମ୍ପାନୀ ଇଣ୍ଡିଆନ୍ ଅଏଲ୍ କର୍ପୋରେସନ୍ ଆଜି ଏହାକୁ ୫୦ ଟଙ୍କା ବ୍ୟୟ କରିଥିବାବେଳେ ଏଲପିଜି ମୂଲ୍ୟ ୫୦ ଟଙ୍କାକୁ ବୃଦ୍ଧି କରିଛି । ଏହା ଜନସାଧାରଣଙ୍କ ରୋଷେଇ ଘରର ବଜେଟ୍ ବୃଦ୍ଧି କରିବ ଓ ଲୋକଙ୍କ ପକେଟ ଉପରେ ଏହାର ବଡ଼ ପ୍ରଭାବ ପଡ଼ିବ। ସେହିଭଳି ଲକ୍ଷ୍ନୌରେ ମୂଲ୍ୟ ୮୩୮ ରୁ ୯୮୭.୫ ଟଙ୍କାକୁ ବୃଦ୍ଧି ପାଇଛି । ପାଟନାରେ ଏହା ୯୯୮ ରୁ ୧୦୩୯.୫ ଟଙ୍କାକୁ ବୃଦ୍ଧି ପାଇଛି । ମୁମ୍ବାଇରେ ୧୪.୨ କିଲୋଗ୍ରାମ LPG ସିଲିଣ୍ଡର ହାର ୮୪୯.୫ ଟଙ୍କାକୁ ବୃଦ୍ଧି ପାଇଛି । ଏଠାରେ ଏହାର ମୂଲ୍ୟ ୮୯୯.୫ ଟଙ୍କା ଥିଲା ।
ପ୍ରକାଶ ଥାଉ ଯେ, ଦୀର୍ଘ ସମୟ ଧରି ପେଟ୍ରୋଲ (Petrol),ଡିଜେଲ (Diesel) ଏବଂ ଘରୋଇ LPG ସିଲିଣ୍ଡର ମୂଲ୍ୟରେ କୌଣସି ପରିବର୍ତ୍ତନ ହୋଇନଥିଲା । ନଭେମ୍ବର ୪,୨୦୨୧ ରୁ ପେଟ୍ରୋଲ (Petrol) ଏବଂ ଡିଜେଲ (Diesel) ହାର ସ୍ଥିର ଥିଲା । ଅକ୍ଟୋବର ୬, ୨୦୨୧ ଠାରୁ ଘରୋଇ LPG ସିଲିଣ୍ଡର ହାରରେ କୌଣସି ପରିବର୍ତ୍ତନ ହୋଇନଥିଲା ।
ଏଲପିଜି ସବସିଡି ସମ୍ବନ୍ଧରେ ସରକାରଙ୍କ ନୂଆ ଯୋଜନା,ଜାଣନ୍ତୁ କାହା ଆକାଉଣ୍ଟରେ ଆସିବ ଟଙ୍କା ?
୨୦୨୪ ପର୍ଯ୍ୟନ୍ତ ଲୋକଙ୍କୁ ମିଳିବ ଫ୍ରି ରାସନ, ହୋଲି ଓ ଦୀପାବଳୀରେ ଦେବେ ମାଗଣା ସିଲିଣ୍ଡର !