ସାଧାରଣ ଜନତାକୁ ପୁଣିଥରେ ଜୋରଦାର ଝଟକା ଲାଗିଛି । ଗୋଟିଏ ପଟେ ଲଗାତର ପେଟ୍ରୋଲର ମୂଲ୍ୟ (Petrol Price)ଡିଜେଲର ମୂଲ୍ୟ (Diesel Price)ରେ ବୃଦ୍ଧି ଘଠୁଛି । ଅନ୍ୟପଟେ ଆଜି (ଶୁକ୍ରବାର) ଏଲପିଜି ସିଲିଣ୍ଡରର ମୂଲ୍ୟ (LPG Cylinder Price) ରେ ବୃଦ୍ଧି ଘଟିଛି ।
ବଢିଲା ଗ୍ୟାସ ଦର । ମହଙ୍ଗା ହେଲା ବ୍ୟବସାୟିକ ଏଲପିଜି ସିଲିଣ୍ଡର(Commercial LPG price hike) । ଆଜି ଶୁକ୍ରବାର (Friday) ୧୯ କିଲୋଗ୍ରାମ ବ୍ୟବସାୟିକ ଗ୍ୟାସ ସିଲିଣ୍ଡର (Commercial LPG Cylinder)ଦାମ୍ ୨୦୫ ଟଙ୍କା ବୃଦ୍ଧି ପାଇଛି । ଏହି ବୃଦ୍ଧି ପରେ ଜାତୀୟ ରାଜଧାନୀ ଦିଲ୍ଲୀରେ ବ୍ୟବସାୟିକ ଏଲପିଜି ସିଲିଣ୍ଡର (Commercial LPG Cylinder)ଦର ୨,୨୫୩ ଟଙ୍କା ହୋଇଯାଇଛି ।
ସେହିପରି କୋଲକାତାରେ ଏହି ଗ୍ୟାସ ଦର ୨,୩୫୧ ଟଙ୍କାକୁ ବୃଦ୍ଧି ପାଇଛି । ଦେଶବ୍ୟାପୀ ଆଜିଠୁ (Friday)ଏହି ନୂଆ ଦର ଲାଗୁ ହୋଇଛି ।
ବାଣିଜ୍ୟ ନଗରୀ ମୁମ୍ବାଇରେ ୧୯ କିଲୋଗ୍ରାମ ଏଲପିଜି ସିଲିଣ୍ଡର ଦାମ୍ ୨୨୦୫ ଟଙ୍କା ହୋଇଥିବାବେଳେ ଚେନ୍ନାଇରେ ଦାମ୍ ୨୪୦୬ ଟଙ୍କାକୁ ବୃଦ୍ଧି ପାଇଛି । ରେସ୍ତୋରାଁ, ଚା ଷ୍ଟଲ ଏବଂ ଅନ୍ୟ ଭୋଜନାଳୟ ଗୁଡିକ ବ୍ୟବସାୟିକ ସିଲିଣ୍ଡରର ବଡ ଉପଭୋକ୍ତା ଅଟନ୍ତି । ତେଣୁ ଗ୍ୟାସ ଦାମ୍ ବଢିବା ସହ ଖାଦ୍ୟପଦର୍ଥ ମଧ୍ୟ ମହଙ୍ଗା କରିପାରନ୍ତି ଭୋଜନାଳୟ ମାଲିକ ।
ବ୍ୟବସାୟିକ ଗ୍ୟାସ ସିଲିଣ୍ଡର ଦାମ୍ ବଢିଥିଲେ ହେଁ ୧୪.୨ କିଲୋଗ୍ରାମ୍ ଅଣ-ସବସିଡି ଯୁକ୍ତ ଘରୋଇ LPG ସିଲିଣ୍ଡର ମୂଲ୍ୟ ଅପରିବର୍ତ୍ତିତ ରହିଛି । ବର୍ତ୍ତମାନ ଦିଲ୍ଲୀରେ ଏହି ସିଲିଣ୍ଡର ଦାମ ୯୪୯.୫୦ ଟଙ୍କା ଥିବାବେଳେ ଅନ୍ୟ କିଛି ସ୍ଥାନରେ ୧୦୦୦ ଟଙ୍କା ରହିଛି । ମାର୍ଚ୍ଚ ୨୨ ତାରିଖରେ ଘରୋଇ ରନ୍ଧନ ଗ୍ୟାସ ଦର ୫୦ ଟଙ୍କା ବଢିଥିଲା ।
ପ୍ରକାଶ ଥାଉ କି, ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ପାଇଁ ପ୍ରତିମାସରେ LPG ସିଲିଣ୍ଡର ଦରରେ ପରିବର୍ତ୍ତନ କରାଯାଇଥାଏ । ଯାହା ଦ୍ବାରା ସାଧାରଣ ଜନତାକୁ ପୁଣିଥରେ ଜୋରଦାର ଝଟକା ଲାଗିଛି ।
ବଡ ଖବର;ଏଣିକି ପାଇପ ଯୋଗେ ଘରେ ଘରେ ପହଞ୍ଚିବ LPG ଗ୍ୟାସ,ଲାଭ ଜାଣନ୍ତୁ...
ବର୍ତ୍ତମାନ କାହାକୁ ମିଳିବ LPG ସବସିଡିର ଲାଭ ? ସ୍ପଷ୍ଟ କଲା ସରକାର,ନିହାତି ଜାଣନ୍ତୁ...