କୃଷି ଜାଗରଣ, କୃଷି ଗଣମାଧ୍ୟମ ସଂସ୍ଥା ଯାହା ଆଜି ପର୍ଯ୍ୟନ୍ତ କୃଷି ଜଗତ ସହିତ ନିଜର ନିରନ୍ତର ସେବା ଜାରି ରଖିଛି l ନୂଆ ଦିଲ୍ଲୀ ସ୍ଥିତ ଏହି ସଂସ୍ଥା ଆଜିକୁ ୨୭ ବର୍ଷ ହେବ ଚାଷୀଙ୍କ ହିତରେ କାର୍ଯ୍ୟରତ l ବିଭିନ୍ନ କୃଷି ମେଳା ଠାରୁ ଆରମ୍ଭ କରି ଚାଷୀଙ୍କ ପାଇଁ ଅନ୍ୟାନ୍ୟ କୃଷି କାର୍ଯ୍ୟକ୍ରମ ଆୟୋଜନ କରିଥାଏ l
ଗତବର୍ଷ ଅର୍ଥାତ ୨୦୨୩ କୃଷି ଜାଗରଣ ସଂସ୍ଥା ଏକ ବଳିଷ୍ଠ ପଦକ୍ଷେପ ନେଇଥିଲା l ଯାହା କୃଷି ଜଗତରେ ଆଣିଥିଲା ଏକ ବୈପ୍ଲବିକ ପରିବର୍ତ୍ତନ l ଅନେକ ଚାଷୀଙ୍କୁ ଦେଇଥିଲା ନୂଆ ପରିଚୟ l ଦେଶର କୋଣ ଅନୁକୋଣରୁ ଚାଷୀଙ୍କୁ କରିଥିଲା ସମ୍ମାନିତ l ଚାଷୀ ସମ୍ମାନିତ ହୋଇଥିବା ସେହି କାର୍ଯ୍ୟକ୍ରମର ନାମ ଥିଲା " ମିଲେନିୟର୍ ଫାର୍ମର ଅଫ ଇଣ୍ଡିଆ ପୁରସ୍କାର ୨୦୨୩ " l ଯାହାର ମୁଖ୍ୟ ପ୍ରୟୋଜକ ରହିଥିଲା ମହିନ୍ଦ୍ରା ଟ୍ରାକ୍ଟର୍ସ l ୩ ଦିନ ଧରି ଚାଲିଥିଲା ପୁଶା ମେଳା ପଡ଼ିଆ ଠାରେ ଏହି କାର୍ଯ୍ୟକ୍ରମ l
ସେହିପରି ଏହି କାର୍ଯ୍ୟକ୍ରମର ୨ୟ ସଂସ୍କରଣ ମଧ୍ୟ ଚଳିତ ବର୍ଷ ଡିସେମ୍ବର ମାସ ୧ ରୁ ୫ ତାରିଖ ପର୍ଯ୍ୟନ୍ତ ଆୟୋଜିତ ହେବାକୁ ଯାଉଛି l ଚଳିତ ବର୍ଷ ୩୦୦ କାଟେଗୋରୀରେ ଚାଷୀଙ୍କୁ ସମ୍ମାନିତ କରିବା ପାଇଁ ପଦକ୍ଷେପ ନେଇଛି କୃଷି ଜାଗରଣ ସଂସ୍ଥା ଯେଉଁଥିରେ ସାମିଲ ରହିଛି ମୂଳାଚାଷୀ କାଟେଗୋରୀ l ନିକଟରେ ମୂଳା ଚାଷୀଙ୍କ ପାଇଁ ଏକ ବିଶେଷ ଆଲୋଚନା ଚକ୍ର ଅନୁଷ୍ଠିତ କରିଥିଲା କୃଷି ଜାଗରଣ l ଯେଉଁଥିରେ ମୂଳାର " HY RADISH X-35 " ବ୍ରିଡକୁ ଗୁରୁତ୍ତ୍ୱାରୋପ ପ୍ରଦାନ କରାଯାଇଥିଲା l SOMANI SEEDZ ଦ୍ୱାରା ପ୍ରସ୍ତୁତ ହୋଇଥିବା ମୂଳାର ଏହି ବ୍ରିଡ ଖୁବ କମ ଦିନରେ ଚାଷୀଙ୍କୁ ଅର୍ଥ ଲାଭ ଦେବ l ତେବେ ମିଲେନିୟର୍ ମୂଳା ଚାଷୀଙ୍କୁ ପ୍ରଦାନ କରାଯିବାକୁ ଥିବା ପୁରସ୍କାର ପାଇଁ ନିଜକୁ ପ୍ରୟୋଜକ ଭାବେ ସାମିଲ କରିଛି Somani Kanak Seedz Pvt Ltd l
ତେବେ ଏ ନେଇ ଆଜି କୃଷି ଜାଗରଣରେ ଏକ ବୁଝାମଣା ପତ୍ର ସ୍ଵାକ୍ଷର ହୋଇଛି l ଯାହା କୃଷି ଜାଗରଣ ପାଇଁ ଏକ ବିଶେଷ ମୁହୂର୍ତ୍ତ ରହିଥିଲା l କୃଷି ଜାଗରଣର ମୁଖ୍ୟ ସମ୍ପାଦକ ତଥା ପ୍ରତିଷ୍ଠାତା ଏମ.ସି ଡୋମିନିକ ଏବଂ ଶ୍ରୀଯୁକ୍ତ କମଲ ସୋମାନି ( Managing Director Of Somani kanak Seedz )ଙ୍କ ମଧ୍ୟରେ ଏହା ସ୍ଵାକ୍ଷର ହୋଇଛି l ଚୁକ୍ତି ସ୍ଵାକ୍ଷର ହେବାପରେ ଶ୍ରୀଯୁକ୍ତ କମଲ ସୋମାନି କହିଥିଲେ ଯେ, " ମାର୍ଜିନଲ କିମ୍ବା କ୍ଷୁଦ୍ର ଚାଷୀଙ୍କ ପାଇଁ ଏହି ପଦକ୍ଷେପ ଖୁବ ଫଳପ୍ରଦ ରହିବ ବୋଲି ମୁଁ ଆଶା କରୁଛି l ମୋ କମ୍ପାନୀ ଦ୍ୱାରା ପ୍ରସ୍ତୁତ ହୋଇଥିବା ବିଭିନ୍ନ ବିହନ ପ୍ରଜାତି ମଧ୍ୟରେ ମୂଳାର HY RADISH X-35 ପ୍ରଜାତି ଚାଷୀଙ୍କୁ ଖୁବ ଲାଭବାନ କରିବ " l
୨୦ ରୁ ୩୦ ଦିନ ମଧ୍ୟରେ ଅମଳ ଦେଉଥିବା ଏହି ମୂଳା ଚାଷୀଙ୍କୁ ଖୁବ କମ ଖର୍ଚ୍ଚରେ ଅଧିକ ଅମଳ ପ୍ରଦାନ କରିବ l ଅନ୍ୟପଟେ କୃଷି ଜାଗରଣର ମୁଖ୍ୟ ସମ୍ପାଦକ ତଥା ପ୍ରତିଷ୍ଠାତା ଏମ.ସି ଡୋମିନିକ ଚୁକ୍ତି ସ୍ଵାକ୍ଷର ପରେ ଶ୍ରୀଯୁକ୍ତ କମଲ ସୋମାନିଙ୍କୁ ଏହି ପଦକ୍ଷେପରେ ସାମିଲ ହେବା ପାଇଁ ଧନ୍ୟବାଦ ଅର୍ପଣ କରିଥିଲେ l ତେବେ ଏହି ଚୁକ୍ତି ସ୍ଵାକ୍ଷର ସମୟରେ କୃଷି ଜାଗରଣ ସଂସ୍ଥାର ସମସ୍ତ ମୁଖ୍ୟ କର୍ମଚାରୀ ଏବଂ ସୋମାନି ସିଡ୍ସ କମ୍ପାନୀର କିଛି କର୍ମଚାରୀ ସାମିଲ ହୋଇଥିଲେ l
ଅଧିକ ପଢ଼ନ୍ତୁ
MFOI, VVIF Kisan Bharat Yatra: ଆଗ୍ରାରେ ଚାଷୀଙ୍କ ସହ ବିଶେଷ ଆଲୋଚନା