ସମଗ୍ର ଭାରତରେ ଟେଲିକମ୍ ଉପଲବ୍ଧତା, ନିରାପତ୍ତା ଏବଂ ସଶକ୍ତୀକରଣ ବୃଦ୍ଧି ଦିଗରେ ଏକ ଐତିହାସିକ ପଦକ୍ଷେପ ଗ୍ରହଣ କରି କେନ୍ଦ୍ର ଯୋଗାଯୋଗ ମନ୍ତ୍ରୀ ଶ୍ରୀ ଜ୍ୟୋତିରାଦିତ୍ୟ ଏମ୍. ସିନ୍ଧିଆ ଆଜି କେତେକ ନାଗରିକ କେନ୍ଦ୍ରୀତ ପଦକ୍ଷେପର ଶୁଭାରମ୍ଭ କରିଛନ୍ତି। ଏହି କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଥିଲା ସଂଚାର ସାଥୀ ମୋବାଇଲ ଆପ୍, ନ୍ୟାସନାଲ୍ ବ୍ରଡବ୍ୟାଣ୍ଡ୍ ମିଶନ (ଏନବିଏମ୍) ୨.୦ ର ଶୁଭାରମ୍ଭ ଏବଂ ଡିବିଏନ୍ ପାଣ୍ଠିପ୍ରାପ୍ତ ୪ଜି ମୋବାଇଲ୍ ସାଇଟରେ ଇଣ୍ଟ୍ରା-ସର୍କଲ୍ ରୋମିଂ ସୁବିଧାର ଉଦଘାଟନ।
ସଂଚାର ସାଥୀ ମୋବାଇଲ ଆପ୍ ହେଉଛି ଏକ ଉପଭୋକ୍ତା ସହାୟକ ପ୍ଲାଟଫର୍ମ, ଯାହା ଟେଲିକମ୍ ସୁରକ୍ଷାକୁ ସୁଦୃଢ଼ କରିବା ଏବଂ ନାଗରିକମାନଙ୍କୁ ସଶକ୍ତ କରିବା ପାଇଁ ଡିଜାଇନ୍ କରାଯାଇଛି। ଏହି ମୋବାଇଲ ଆପକୁ ଉନ୍ମୋଚନ କରିବା ଅବସରରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ଏହି ପଦକ୍ଷେପ କେବଳ ସୁଯୋଗ ପ୍ରଦାନ କରିବ ନାହିଁ ବରଂ ସମସ୍ତ ଉପଭୋକ୍ତାଙ୍କ ପାଇଁ ଏକ ସୁରକ୍ଷିତ ପରିବେଶ ମଧ୍ୟ ସୁନିଶ୍ଚିତ କରିବ।
ଉଭୟ ଆଣ୍ଡ୍ରଏଡ୍ ଏବଂ ଆଇଓଏସ୍ ପ୍ଲାଟଫର୍ମ ପାଇଁ ଉପଲବ୍ଧ ଯୋଗାଯୋଗ ସାଥୀ ମୋବାଇଲ୍ ଆପ୍ ଉପଭୋକ୍ତାଙ୍କୁ ସେମାନଙ୍କ ଟେଲିକମ୍ ତଥ୍ୟକୁ ସୁରକ୍ଷିତ କରିବା ଏବଂ ଟେଲିକମ୍ ଠକେଇର ମୁକାବିଲା କରିବା ପାଇଁ ଗୁରୁତ୍ୱପୂର୍ଣ୍ଣ ଉପକରଣମାନ ପ୍ରଦାନ କରେ । ଏହାର ମୁଖ୍ୟ ବୈଶିଷ୍ଟ୍ୟଗୁଡ଼ିକ ମଧ୍ୟରେ ନିମ୍ନଲିଖିତ ଅନ୍ତର୍ଭୁକ୍ତ:
ଚକ୍ଷୁ - ସନ୍ଦିଗ୍ଧ ଠକେଇର ରିପୋର୍ଟିଂ (ଏସଏଫସି): ଉପଭୋକ୍ତାମାନେ ଆପ୍ ବ୍ୟବହାର କରି ଏବଂ ସିଧାସଳଖ ମୋବାଇଲ୍ ଫୋନ୍ ଲଗ୍ ରୁ ସନ୍ଦେହଜନକ କଲ୍ ଏବଂ ଏସ୍ଏମ୍ଏସ୍ ସଂପର୍କରେ ରିପୋର୍ଟ କରିପାରିବେ। ଆପଣଙ୍କ ନାମରେ ଥିବା ମୋବାଇଲ ସଂଯୋଗ ଜାଣନ୍ତୁ: ନାଗରିକମାନେ ନିଜ ନାମରେ ଜାରି ହୋଇଥିବା ସମସ୍ତ ମୋବାଇଲ୍ ସଂଯୋଗକୁ ଚିହ୍ନଟ କରି ଆବଶ୍ୟକ ପଦକ୍ଷେପ ନେଇପାରିବେ ଏବଂ ସୁନିଶ୍ଚିତ କରିପାରିବେ ଯେପରି କୌଣସି ଅନଧିକୃତ ବ୍ୟବହାର ନାହିଁ।
ଆପଣଙ୍କ ହଜିଯାଇଥିବା/ ଚୋରି ହୋଇଥିବା ମୋବାଇଲ୍ ହ୍ୟାଣ୍ଡସେଟ୍ କୁ ଅବରୋଧ କରିବା: ହଜିଯାଇଥିବା କିମ୍ବା ଚୋରି ହୋଇଥିବା ମୋବାଇଲ୍ ଡିଭାଇସ୍ ଗୁଡ଼ିକୁ ଶୀଘ୍ର ଅବରୋଧ, ଠାବ ଏବଂ ପୁନରୁଦ୍ଧାର କରାଯାଇପାରିବ। ଜାଣନ୍ତୁ ମୋବାଇଲ୍ ହ୍ୟାଣ୍ଡସେଟର ସଠିକତା: ଏହି ଆପ୍ ମୋବାଇଲ୍ ହ୍ୟାଣ୍ଡସେଟ୍ ର ଅଖଣ୍ଡତା ଯାଞ୍ଚ କରିବାର ଏକ ସହଜ ଉପାୟ ପ୍ରଦାନ କରିଥାଏ, ଯାହା ବ୍ୟବହାରକାରୀଙ୍କୁ ଅସଲି ଡିଭାଇସ୍ କିଣିବା ସୁନିଶ୍ଚିତ କରିଥାଏ। ଦେଶରେ ୯୦ କୋଟିରୁ ଅଧିକ ସ୍ମାର୍ଟ ଫୋନ୍ ଉପଭୋକ୍ତା ଥିବାବେଳେ ସଂଚାର ସାଥୀ ମୋବାଇଲ୍ ଆପ୍ ର ଲକ୍ଷ୍ୟ ହେଉଛି ପ୍ରତ୍ୟେକ ବ୍ୟକ୍ତିଙ୍କୁ ସେମାନଙ୍କୁ ସ୍ମାର୍ଟଫୋନ ମାଧ୍ୟମରେ ଏସବୁ ଗୁରୁତ୍ୱପୂର୍ଣ୍ଣ ସେବାଗୁଡିକ ଯୋଗାଇବା ।
Read more