ପ୍ରଧାନମନ୍ତ୍ରୀ ନରେନ୍ଦ୍ର ମଦିଙ୍କ 72ତମ ଜନ୍ମ ଦିନ ଅବସରରେ ସ୍ୱଚ୍ଛ ସାଗର ସୁରକ୍ଷିତ ସାଗର ଅଭିଯାନରେ ସାମିଲ ହୋଇଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ପ୍ରତାପ ଚନ୍ଦ୍ର ଷଡଙ୍ଗୀ(Pratap Sarangi) । ଚାନ୍ଦିପୁର ସମୁଦ୍ର ବେଳା ଭୂମିରେ ହଜାର ହଜାର ସଂଖ୍ୟାରେ ସାଧାରଣ ଜନତା, ଛାତ୍ର ଛାତ୍ରୀ, SSG ର ମହିଳାମାନଙ୍କୁ ନେଇ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା ।
ଏହି ଅବସରରେ ବିଶାଳ ଜନସମାବେଶକୁ ସମ୍ବୋଧିତ କରିଥିଲେ ସାଂସଦ ପ୍ରତାପ ଚନ୍ଦ୍ର ଷଡଙ୍ଗୀ । ସାଂସଦ ନିଜେ ଅଳିଆ ଆବର୍ଜନା ଗୋଟାଇଥିବାର ଦେଖିବାକୁ ମିଳିଛି ।
କେବଳ ସେତିକି ନୁହେଁ, ବାଲେଶ୍ବରରେ ରକ୍ତ ଦାନ ଶିବିରର ମଧ୍ୟ ଉଦଘାଟନ କରିଥିଲେ ପ୍ରତାପ । ରାଜନୀତିରେ ପାଦ ଥାପିବା ପୂର୍ବରୁ ସାମାଜିକ କାର୍ଯ୍ୟରେ ନିଜକୁ ନିୟୋଜିତ କରିଆସିଛନ୍ତି ପ୍ରତାପ ଷଡଙ୍ଗୀ ।
ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ ଥିଲା । 72 ବର୍ଷରେ ପାଦ ଥାପିଛନ୍ତି ମୋଦି । ସ୍ବଚ୍ଛତାକୁ ସବୁବେଳେ ମୋଦି ଗୁରୁତ୍ବ ଦେଇଆସିଛନ୍ତି । ପୂର୍ବରୁ ପ୍ରଧାନମନ୍ତ୍ରୀଙ୍କୁ ମଧ୍ୟ ବେଳାଭୂମିରେ ଅଳିଆ ଆବର୍ଜନା ସଫା କରୁଥିବାର ଦେଖିବାକୁ ମିଳିଛି ।