ଏବେ ସୁସ୍ଥ ହୋଇ କୋରାପୁଟରେ ପହଞ୍ଚିଲେ ପଦ୍ମଶ୍ରୀ କମଳା ପୂଜାରୀ (Padma Shri Kamala Pujari )। କଟକ ବଡ ମେଡିକାଲରରୁ ସ୍ଵତନ୍ତ୍ର ଆମ୍ବୁଲାନ୍ସ ଯୋଗେ ସେ କୋରାପୁଟ (koraput)ରେ ପହଞ୍ଚିଛନ୍ତି ।
ସୂଚନା ଥାଉ କି, ଏହି ଅବସରରେ ସେ ତାଙ୍କର ସମସ୍ତ ଶୁଭ ଚିନ୍ତକମାନଙ୍କୁ ଧନ୍ୟବାଦ ଜଣାଇବା ସହ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ଏବଂ ଘରକୁ ଫେରୁଥିବାରୁ ଖୁସି ଅନୁଭବ କରୁଛନ୍ତି ବୋଲି ମଧ୍ଯ ପଦ୍ମଶ୍ରୀ କମଳା ପୂଜାରୀ (Padma Shri Kamala Pujari) କହିଛନ୍ତି ।
କୃଷି କ୍ଷେତ୍ରରେ ମହତ୍ବପୂର୍ଣ୍ଣ ଅବଦାନ ନେଇ କମଳା ପୂଜାରୀଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନୀତ କରିଥିଲେ ସରକାର । କୋରାପୁଟ ଜିଲ୍ଲାର ଆଦିବାସୀ ମହିଳା ଅଟନ୍ତି କମଳା ପୂଜାରୀ । ପଦ୍ମଶ୍ରୀ କମଳା ପୂଜାରୀ (Padma Shri Kamala Pujari) ଲୁପ୍ତପ୍ରାୟ ଧାନ ବିହନକୁ ସଂରକ୍ଷିତ କରିବା ସହିତ ତାକୁ ଜୈବିକ ପ୍ରଣାଳୀରେ ଚାଷ (Organic Farming) କରି ଚର୍ଚ୍ଚାକୁ ଆସିଥିଲେ ।
ପ୍ରକାଶ ଥାଉ ଯେ, ଶିକ୍ଷାରୁ ବଞ୍ଚିତ ସତ୍ତ୍ବେ କମଳା ପୂଜାରୀ (kamala pujari)୧୦୦ରୁ ଅଧିକ କିସମର ଧାନକୁ ସଂରକ୍ଷିତ ରଖି ଜୈବିକ ଉପାୟରେ ଏହାକୁ ଚାଷ କରୁଥିଲେ । ରାସାୟନିକ ସାର ବଦଳରେ ଜୈବିକ ପ୍ରକ୍ରିୟାରେ ଚାଷ (Organic Farming)କରିବାକୁ ସ୍ଥାନୀୟ ଅଞ୍ଚଳର ଲୋକମାନଙ୍କୁ ସଚେତନ କରାଇ ଆସୁଛନ୍ତି କମଳା ।