ଏପ୍ରିଲ ୨୮ ରୁ ଆରମ୍ଭ ହେବ ଦ୍ୱାଦଶ (+୨) ବୋର୍ଡ ପରୀକ୍ଷା । କଳା, ବାଣିଜ୍ୟ, ବିଜ୍ଞାନ ଓ ଧନ୍ଦାମୂଳକ ଶିକ୍ଷା ପରୀକ୍ଷା ହେବ । ରାଜ୍ୟରେ ମୋଟ୍ ୩ ଲକ୍ଷ ୨୦ ହଜାର ଛାତ୍ରଛାତ୍ରୀ ପରୀକ୍ଷା ଦେବେ ।
ଅଫ୍ଲାଇନ୍ ମୋଡ୍ରେ ହିଁ ପରୀକ୍ଷା ହେବା ନେଇ ବିଭାଗୀୟ ମନ୍ତ୍ରୀ ସ୍ପଷ୍ଟ କରିଛନ୍ତି । ଖରାକୁ ଦୃଷ୍ଟିରେ ରଖି ଦୈନିକ ଗୋଟିଏ ସିଟିଂ ପରୀକ୍ଷା କରାଯିବାକୁ ନିଷ୍ପତ୍ତି ନିଆଯାଇଛି ।
ସକାଳ ୯ ଟାରୁ ଦୈନିକ ଗୋଟିଏ ସିଟିଂ ପରୀକ୍ଷା କରାଯିବ । ମହାମାରୀ ପାଇଁ ପରୀକ୍ଷାରେ ବ୍ୟବସ୍ଥା କୋହଳ କରାଯାଇଛି । ନିଜ ଶିକ୍ଷକମାନଙ୍କ ଦ୍ୱାରା ସମସ୍ତ ପ୍ରାକ୍ଟିକାଲ୍ ପରୀକ୍ଷା କରାଯିବ । ଛାତ୍ରଛାତ୍ରୀଙ୍କ ପରୀକ୍ଷା ମୂଲ୍ୟାଙ୍କନ ନେଇ ଦୁଇଟି ସ୍କିମ୍ କରାଯାଇଛି ।
-ବାର୍ଷିକ ପରୀକ୍ଷାରେ ହୋଇଥିବା ପ୍ରଦର୍ଶନ ଭିତ୍ତିରେ ହିଁ ମିଳିବ ମାର୍କ ।
-ବାର୍ଷିକ ପରୀକ୍ଷାର ୮୦% ଓ କ୍ୱାର୍ଟର ଏଣ୍ଡ୍ର ୨୦% ଅନୁସାରେ ମାର୍କ ।
-ଏହି ଦୁଇଟି ବ୍ୟବସ୍ଥାରୁ ଯେଉଁଟିରେ ସର୍ବାଧିକ ରହିବ, ସେଇଟି ହିଁ ଚୂଡ଼ାନ୍ତ ହେବ ।
ପୂର୍ବରୁ ଶିକ୍ଷାବିତମାନେ କହିଥିଲେ ଯେ, ପିଲାଙ୍କ ପଢିବା ଓ ପ୍ରସ୍ତୁତି ପାଇଁ ସମୟ ଦେବା ଦରକାର । ତେଣୁ ପରୀକ୍ଷା ତାରିଖ ଓ ଫର୍ମାଟ ଯଥେଷ୍ଟ ପୂର୍ବରୁ ନ ଜଣାଇଲେ ପିଲାଙ୍କ ଭବିଷ୍ୟତ ଉପରେ ପ୍ରଭାବ ପଡିବ । ଏବେ ଏନେଇ ସ୍ପଷ୍ଟ ହୋଇଯାଇଛି ।
OSSC CGL:ଜଲଦୀ କରନ୍ତୁ ଆବେଦନ,ଦେଢ଼ ଲକ୍ଷରୁ ଅଧିକ ମିଳିବ ଦରମା
ବେକାର ଯୁବକ-ଯୁବତୀଙ୍କ ପାଇଁ ବ୍ୟାଙ୍କରେ ଚାକିରି, ଶୀଘ୍ର କରନ୍ତୁ ଆବେଦନ