ଦୁଇ ଦିନିଆ କର୍ଣ୍ଣାଟକ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି(PM Modi) । ଏହି ଅବସରରେ 28 ହଜାର କୋଟି ଟଙ୍କାରୁ ଅଧିକ ପ୍ରୋଜେକ୍ଟର ଉଦଘାଟନ ଓ ଶିଳାନ୍ୟାସ କରିଛନ୍ତି ପ୍ରଧାନମନ୍ତ୍ରୀ । ଏହି ପ୍ରକଳ୍ପ ମଧ୍ୟରେ ରେଳ ଭିତ୍ତିଭୂମି ଓ ସଡକମାର୍ଗ ପରିଯୋଜନା(Rail and Road Infrastructure Projects) ସାମିଲ ରହିଛି । ଜୁନ 21 ଅର୍ଥାତ ଆସନ୍ତାକାଲି ଯୋଗ ଦିବସରେ ସାମିଲ ହେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ବେଙ୍ଗାଲୁରୁରେ ଏକ ସାଧାରଣ ସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଆଜି କର୍ଣ୍ଣାଟକରେ ଜାତୀୟ ରାଜପଥ ପ୍ରକଳ୍ପର 7 ଟି ରେଳ ପ୍ରକଳ୍ପର ମୂଳଦୁଆ ପକାଯାଇଛି । କୋଙ୍କଣ ରେଳବାଇର ଶତପ୍ରତିଶତ ବିଦ୍ୟୁତିକରଣର ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟର ଆମେ ସାକ୍ଷୀ ରହିଛୁ । ଏହି ସମସ୍ତ ପ୍ରକଳ୍ପ ଯୁବକ, ମଧ୍ୟବିତ୍ତ, କୃଷକ, ଶ୍ରମିକ, କର୍ଣ୍ଣାଟକର ଉଦ୍ୟୋଗୀମାନଙ୍କୁ ନୂତନ ସୁବିଧା ଓ ସୁଯୋଗ ଦେବ ।
ମୋଦି ସରକାରଙ୍କ ବଡ ଘୋଷଣା; ୧୦ ଲକ୍ଷ ଲୋକଙ୍କ ପାଇଁ ଚାକିରି ଘୋଷଣା
ଗୁରୁବାର ଧର୍ମଶାଳାରେ ମୁଖ୍ୟ ସଚିବମାନଙ୍କର ପ୍ରଥମ ଜାତୀୟ ସମ୍ମିଳନୀ
ପ୍ରଧାନମନ୍ତ୍ରୀ କହିଛନ୍ତି ଯେ ବେଙ୍ଗାଲୁରୁ ହେଉଛି ଦେଶର ଲକ୍ଷ ଲକ୍ଷ ଯୁବକଙ୍କ ପାଇଁ ସ୍ୱପ୍ନର ସହର । ବେଙ୍ଗାଲୁରୁ ହେଉଛି ଏକ ଭାରତ - ଶ୍ରେଷ୍ଠ ଭାରତ ଭାବନାର ପ୍ରତିବିମ୍ବ । ବେଙ୍ଗାଲୁରୁର ବିକାଶ ହେଉଛି ଲକ୍ଷ ଲକ୍ଷ ସ୍ୱପ୍ନର ବିକାଶ । ତେଣୁ, ଗତ 8 ବର୍ଷ ମଧ୍ୟରେ ବେଙ୍ଗାଲୁରୁର ଶକ୍ତି ବୃଦ୍ଧି ପାଇଁ କେନ୍ଦ୍ର ସରକାରଙ୍କ ନିରନ୍ତର ଉଦ୍ୟମ ଜାରି ରହିଛି ।
ପ୍ରଧାନମନ୍ତ୍ରୀ କହିଛନ୍ତି, ରେଳ, ସଡକ, ମେଟ୍ରୋ, ଅଣ୍ଡରପାସ୍, ଫ୍ଲାଏ ଓଭର, ଡବଲ ଇଞ୍ଜିନ ସରକାର ବେଙ୍ଗାଲୁରକୁ ଜାମରୁ ମୁକ୍ତ କରିବା ପାଇଁ ସମସ୍ତ ପ୍ରକାର କାର୍ଯ୍ୟ କରୁଛନ୍ତି । ବେଙ୍ଗାଲୁରୁର ଉପକଣ୍ଠ ଅଞ୍ଚଳକୁ ଉନ୍ନତ ସଂଯୋଗ ସହ ଯୋଡିବା ପାଇଁ ଆମ ସରକାର ଏଥିପାଇଁ ପ୍ରତିବଦ୍ଧ ବୋଲି ପ୍ରଧାନମନ୍ତ୍ରୀ ଜୋର ଦେଇ କହିଛନ୍ତି ।
ସମ୍ବୋଧନ ସମୟରେ ପ୍ରଧାନମନ୍ତ୍ରୀ କହିଛନ୍ତି ଯେ, ଭାରତୀୟ ରେଳବାଇ ବର୍ତ୍ତମାନ ଦ୍ରୁତ ଗତିରେ ଆଗକୁ ବଢୁଛି । ଏଥିରେ ସଂସ୍କାର ଆସିଛି । ଏହା ମଧ୍ୟ ଆଧୁନିକ ହେବାରେ ସହିତ ସୁରକ୍ଷିତ ହେବାରେ ଲାଗିଛି। ସେ କହିଛନ୍ତି ଯେ ଭାରତୀୟ ରେଳବାଇ ବର୍ତ୍ତମାନ ସେହି ସୁବିଧା ଏବଂ ବାତାବରଣ ଯୋଗାଇବାକୁ ଚେଷ୍ଟା କରୁଛି ଯାହା କେବଳ ବିମାନବନ୍ଦର ଏବଂ ବିମାନ ଯାତ୍ରା ସମୟରେ ମିଳିଥିଲା । ବେଙ୍ଗାଲୁରୁରେ ନିର୍ମିତ ଆଧୁନିକ ରେଳ ଷ୍ଟେସନ ଭାରତ ରତ୍ନ ସାର୍ ଏମ ବିଶ୍ବେଶ୍ବରୈୟାଙ୍କ ନାମରେ ମଧ୍ୟ ଏହାର ଏକ ପ୍ରତ୍ୟକ୍ଷ ପ୍ରମାଣ ।