ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଶ୍ୱ ପରିବେଶ ଦିବସ ଅବସରରେ ଜୁନ୍ ୫ ତାରିଖ ପୂର୍ବାହ୍ନ ୧୧ ଟା ସମୟରେ ବିଜ୍ଞାନ ଭବନରେ "ମୃତ୍ତିକା ସଂରକ୍ଷଣ ଅଭିଯାନ”(Save Soil Movement) କାର୍ଯ୍ୟକ୍ରମରେ ଯୋଗଦେବେ । ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମଧ୍ୟ ସମାବେଶକୁ ସମ୍ବୋଧିତ କରିବେ ।
‘ମୃତ୍ତିକା ସଂରକ୍ଷଣ ଅଭିଯାନ’(Save Soil Movement) ହେଉଛି ଏକ ବିଶ୍ୱ ସ୍ତରୀୟ ଆନ୍ଦୋଳନ ଯେଉଁଥିରେ ମୃତ୍ତିକାର ଅବନତି ବିଷୟରେ ସଚେତନତା ସୃଷ୍ଟି କରିବା ଏବଂ ଏହାର ଉନ୍ନତି ପାଇଁ ଏକ ସଚେତନ ପ୍ରତିକ୍ରିୟା ଆଣିବା । ମାର୍ଚ୍ଚ ୨୦୨୨ରେ ସଦଗୁରୁ ଏହି ଆନ୍ଦୋଳନ ଆରମ୍ଭ କରିଥିଲେ, ଯିଏ କି ୨୭ଟି ଦେଶ ଦେଇ ୧୦୦ ଦିନିଆ ମୋଟରସାଇକେଲ ଯାତ୍ରା କରିଥିଲେ ।
ବିଶ୍ଵ ମୃତ୍ତିକା ଦିବସ"ମୃତ୍ତିକା ପ୍ରଦୂଷଣ ର ସମାଧାନ ହୁଅ"
୫ ଜୁନରେ ୧୦୦ ଦିନ ଯାତ୍ରାର ୭୫ତମ ଦିନ ଅଟେ । ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀଙ୍କ ଅଂଶଗ୍ରହଣ ଭାରତରେ ମୃତ୍ତିକାର ଗୁଣମାନରେ ଉନ୍ନତି ଆଣିବା ପାଇଁ ଅଂଶୀଦାରିତ ଚିନ୍ତାଧାରା ଏବଂ ପ୍ରତିବଦ୍ଧତାକୁ ପ୍ରତିଫଳିତ କରିବ ।
ଇଶା ଫାଉଣ୍ଡେସନର ପ୍ରତିଷ୍ଠାତା ସଦଗୁରୁ ମୃତ୍ତିକା ସଂରକ୍ଷଣ ପାଇଁ ଅଭିଯାନ ଆରମ୍ଭ କରିଛନ୍ତି । ଲଣ୍ଡନର ଟ୍ରାଫାଲଗଡ ସ୍କୋୟାରରୁ ସେ ୧୦୦ ଦିନିଆ ବାଇକ୍ ଯାତ୍ରା ଆରମ୍ଭ କରିଥିଲେ । ଏହି ଯାତ୍ରା ସମୟରେ ୨୬ଟି ଦେଶ ଓ ୩୦ ହଜାର କିଲୋମିଟର ଦୂରତା ଅତିକ୍ରମ କରିବେ ସଦଗୁରୁ। ତାଙ୍କ ଗସ୍ତର ମୂଳ ଉଦ୍ଦେଶ୍ୟ ମୃତ୍ତିକା କ୍ଷୟକୁ ରୋକିବା ଏବଂ ମୃତ୍ତିକାର ଉର୍ବରତା ରକ୍ଷା କରିବା ।