ଭାରତୀୟ ଡାକ ବିଭାଗ(postal department) ବର୍ତ୍ତମାନ କୃଷି ଉତ୍ପାଦ(agricultural produce)କୁ ଗ୍ରାହକଙ୍କ ଘରେ ପହଞ୍ଚାଇବା ପାଇଁ ଚାଷୀଙ୍କ ସହ ଯୋଡି ହେବାକୁ ଚାହୁଁଛି । ସହରର ଘରଗୁଡିକରେ ଇଡଲି ଏବଂ ଦୋସା ଆଣ ବିତରଣ କରିବା ପାଇଁ ଏକ ପାଇଲଟ୍ ପ୍ରୋଜେକ୍ଟର ବିଫଳ ହେବା ପରେ ଡାକ ବିଭାଗର ଏହି ବିଚାର ସାମ୍ନାକୁ ଆସିଛି ।
କୃଷି ଉତ୍ପାଦନକାରୀଙ୍କ ସହ ଯୋଡି ହେବା ଏବଂ ସେମାନଙ୍କ ଉତ୍ପାଦକୁ ଗ୍ରାହକଙ୍କ ଘରେ ପହଞ୍ଚାଇବା ପାଇଁ ଡାକ ବିଭାଗ ପାଖରେ କ୍ଷମତା ଅଛି ବୋଲି କହିଛନ୍ତି କର୍ଣ୍ଣାଟକ ମୁଖ୍ୟ ପୋଷ୍ଟମାଷ୍ଟର ଜେନେରାଲ ଏସ ରାଜେନ୍ଦ୍ର କୁମାର ।
ଏଥିରେ ଫଳ, ପନିପରିବା ଏବଂ ମକା ଉତ୍ପାଦନ ପରି ଅନ୍ୟାନ୍ୟ ଶସ୍ୟ ଅନ୍ତର୍ଭୁକ୍ତ ହୋଇପାରେ । ଏଥିପାଇଁ କିଛି କୃଷି ଉତ୍ପାଦକ ଖୋଜିବାକୁ ଚେଷ୍ଟା ଜାରି ରହିଛି । ଆମ୍ବ ବୋର୍ଡ ସହିତ ପୂର୍ବରୁ ସମ୍ପର୍କ ରହିଛି ଏବଂ ସେମାନେ କହିଛନ୍ତି ଯେ ଅନ୍ୟ ଋତୁକାଳୀନ ଫଳ ପାଇଁ ସେମାନେ ଅନଲାଇନ୍ ବୁକିଂ ସୁବିଧା ପ୍ରତିଷ୍ଠା କରିବାକୁ ମଧ୍ୟ ଚେଷ୍ଟା କରିବେ ବୋଲି ପ୍ରତିକ୍ରିୟା ଦେଇଛନ୍ତି ରାଜେନ୍ଦ୍ର କୁମାର ।
ରାଜେନ୍ଦ୍ର କୁମାର କହିଛନ୍ତି ଯେ ବିଭାଗ ନିଜେ କୌଣସି ଇ-କମର୍ସ ଅର୍ଡର ଗ୍ରହଣ କରିବ ନାହିଁ, କିନ୍ତୁ ଯଦି ଅନ୍ୟ କୌଣସି ସେବା ପ୍ରଦାନକାରୀ ଆଗକୁ ଆସନ୍ତି, ତେବେ ସେମାନେ ଦ୍ୱାର ଦେଶରେ ବିତରଣ କରିବାକୁ ପ୍ରସ୍ତୁତ ଥିବା ସେ ମନ୍ତବ୍ୟ ଦେଇଛନ୍ତି ।
ଏହାପୂର୍ବରୁ ଜୁଲାଇରେ ଡାକ ବିଭାଗ ଇଡଲି ଏବଂ ଦୋସା ଆଣ ଓ ଖାଦ୍ୟ ସାମଗ୍ରୀ ଦେଶରେ ବିତରଣ ଆରମ୍ଭ କରିଥିଲା । ସହରର ଏକ ଲୋକପ୍ରିୟ ରେଷ୍ଟୁରାଣ୍ଟ ଏହି ପ୍ରକଳ୍ପ ପାଇଁ ବିଭାଗ ସହିତ ଚୁକ୍ତି କରିଥିଲା । ତେବେ ପାଇଲଟ୍ ପ୍ରୋଜେକ୍ଟ ପରେ ରେଷ୍ଟୁରାଣ୍ଟ ଏହାକୁ ଅଧିକ ପରିମାଣରେ ନେଇ ନ ଥିବାରୁ ଏହି ପ୍ରକଳ୍ପ ସମ୍ପୂର୍ଣ୍ଣ ସ୍କେଲରେ ନେବାକୁ ବିଫଳ ହୋଇଛି ବୋଲି ରାଜେନ୍ଦ୍ର କହିଛନ୍ତି ।
HAR GHAR TIRANGA: ଦଶ ଦିନରେ 1 କୋଟିରୁ ଅଧିକ ତ୍ରିରଙ୍ଗା ବିକ୍ରି, ଆପଣ ବି କରନ୍ତୁ ଅର୍ଡର