ଜୈବିକ ପଦ୍ଧତି (Organic farming)ରେ ଫଳୁଛି ବିଭିନ୍ନ ପ୍ରକାର ଫଳ । ଜୈବିକ ସାରରେ ଉତ୍ପାଦନ ଫସଲର ଚାହିଦା ଏବେ ବଜାରରେ ବଢ଼ିବାରେ ଲାଗିଛି । ଚାଲନ୍ତୁ ଜାଣିବା ଜୈବିକ ପଦ୍ଧତିରେ ଚାଷ କିପରି ହୁଏ...
ସୂଚନା ଅନୁଯାୟୀ, ଗଛରେ ହସି ଉଠୁଛି ଭଳିକି ଭଳି ଫଳ । ପିଜୁଳି, ଲେମ୍ବୁ, ଆମ୍ବ, ଅମୃତଭଣ୍ଡା ପରି ଅନେକ ଫଳ ଫଳିଛି । ରାୟଗଡ଼ା ଜିଲ୍ଲା କଳନରା ବ୍ଲକ୍ ଅମଲାଭଟ୍ଟା ଗାଁର ଡି. ଶ୍ରୀନିବାସଙ୍କ ଜୈବିକ ପଦ୍ଧତି (Organic farming)ରେ ବଗିଚାରେ ଫସଲ ଅମଳ କରୁଛନ୍ତି । ୪ ଏକର ଜମିରେ ଚାଷ କରି ନିଜେ ରୋଜଗାର କ୍ଷମ ହେବା ସହ ପ୍ରାୟ ପଚାଶ ଜଣଙ୍କୁ ରୋଜଗାର କ୍ଷମ କରାଇଛନ୍ତି ।
୪୦ ବର୍ଷ ପୂର୍ବେ ଆନ୍ଧ୍ରପ୍ରଦେଶରୁ ରାୟଗଡ଼ା ଚାଲି ଆସିଥିଲେ ଶ୍ରୀନିବାସଙ୍କ ପରିବାର । ସେବେ ଠାରୁ ଓଡ଼ିଶାରେ ରହୁଛନ୍ତି । ତେବେ ୮ ବର୍ଷ ପୂର୍ବେ ରାୟଗଡ଼ା ଜିଲ୍ଲାର ଅମଲାଭଟ୍ଟା ଗ୍ରାମରେ ପ୍ରାୟ ୪ ଏକର ଜିମି କିଣି ସେଥିରେ ଆମ୍ବ, ପିଜୁଳି, ଲେମ୍ବୁ, ସଜନା, ଅମୃତଭଣ୍ଡା ଭଳି ଚାଷ କରୁଛନ୍ତି । ବିନା ସାରରେ ଜୈବିକ ସାର ଖତ ଦେଇ ସେ ବାର୍ଷିକ ୨ରୁ ୩ ଲକ୍ଷ ଟଙ୍କା ରୋଜଗାର କରୁଛନ୍ତି । କେବଳ ଫଳ ନୁହେଁ ସେ ୪୦ ଟି ଗାଈ ପାଳନ କରି ସେଥିରୁ କ୍ଷୀର ବିକ୍ରି କରିବା ସହିତ ହିଁ ଗୋବର ଦ୍ଵାରା ଖତ ପ୍ରସ୍ତୁତ କରି ଜମିରେ ବ୍ୟବହାର କରୁଛନ୍ତି ।
ପ୍ରକାଶ ଥାଉ ଯେ, ତେବେ ଏଭଳି ଜୈବିକ (Organic)ସାରରେ ଉତ୍ପାଦନ ପନିପରିବା ପାଉଥିବାରୁ ସ୍ୱାସ୍ଥ୍ୟ ପେକ୍ଷ ବେଶ ସହାୟକ ବୋଲି ଉତ୍ସାହର ସହ ଗ୍ରାହକ କିଣି ନେଉଛନ୍ତି । ତେବେ ଏଥିପାଇଁ ଅମଲାଭଟ୍ଟା ଠାରୁ ନିଜ ଶଗଡ଼ ଗାଡ଼ି ଯୋଗେ ହିଁ ପନିପରିବା ଧରି ଦୀର୍ଘ ୧୨ କିଲୋମିଟର ରାୟଗଡ଼ା ସହରକୁ ଆଣି ବିକ୍ରି କରୁଛନ୍ତି ଶ୍ରୀନିବାସ ।
୩୭ ଲକ୍ଷ ଚାଷୀଙ୍କୁ ମିଳିଲା ଲାଭ; ଜାଣନ୍ତୁ କ'ଣ?
ପ୍ରତି ମାସ ଲକ୍ଷ ଲକ୍ଷ ଟଙ୍କା ରୋଜଗାର କରିବାକୁ ଚାଁହୁଛନ୍ତି କି ? କରନ୍ତୁ ଏହି ବିଜନେସ ; ସରକାର କରିବେ ସାହାଯ୍ୟ