କୃଷକ ଏବଂ କୃଷି କ୍ଷେତ୍ରର ଲାଭ ପାଇଁ ୨୭ ବର୍ଷ ପୂର୍ବେ କୃଷି ଜାଗରଣ ପ୍ରତିଷ୍ଠା କରାଯାଇଥିଲା l ଯିଏ ଆଜି ତାଙ୍କ ପତ୍ରିକା, ୱେବସାଇଟ୍ ଏବଂ ଅନ୍ୟାନ୍ୟ ମାଧ୍ୟମରେ କାର୍ଯ୍ୟ କରି ଏହି କ୍ଷେତ୍ରରେ ଇତିହାସ ସୃଷ୍ଟି କରୁଛି l କୃଷି ଜାଗରଣ ମିଡିଆର ଏକ ସ୍ୱତନ୍ତ୍ର କାର୍ଯ୍ୟକ୍ରମ ହେଉଛି ‘ କେଜେ ଚଉପାଲ ’ l ଯେଉଁଥିରେ କୃଷି ଏବଂ ପ୍ରଗତିଶୀଳ କୃଷକ ସହିତ ଜଡିତ ମାନ୍ୟଗଣ୍ୟ ବ୍ୟକ୍ତି ଅତିଥି ଭାବରେ ଆସନ୍ତି ଏବଂ ସେମାନଙ୍କର କାର୍ଯ୍ୟ, ଅଭିଜ୍ଞତା ଏବଂ ଅତ୍ୟାଧୁନିକ ଜ୍ଞାନକୌଶଳ ବାଣ୍ଟନ୍ତି l
ଏହି କ୍ରମରେ ସୋମବାର ଅର୍ଥାତ ଆଜି ଭାରତର ସବୁଠାରୁ ଧନୀ କୃଷକ ଡଃ. ରାଜାରାମ ତ୍ରିପାଠୀ କୃଷି ଜାଗରଣ ଚଉପାଲ କାର୍ଯ୍ୟକ୍ରମରେ ନିଜ କକସାଡ଼ ପତ୍ରିକାର ନୂତନ ସଂସ୍କରଣ ଉନ୍ମୋଚିତ କରିଛନ୍ତି l ଏହି ଉନ୍ମୋଚନ କାର୍ଯ୍ୟକ୍ରମରେ କୃଷି ଜାଗରଣ ର ପ୍ରତିଷ୍ଠାତା ଏମ ସି ଡୋମିନିକ ଏବଂ କାପରିଚାଳନା ନିର୍ଦ୍ଦେଶକ ସାଇନି ଡୋମିନିକ ସାମିଲ ହୋଇଥିଲେ ରାଜାରାମଙ୍କ ସହିତ l
ପତ୍ରିକା ଉନ୍ମୋଚନ ପରେ ରାଜାରାମ ଏହି କାର୍ଯ୍ୟକ୍ରମ ଆୟୋଜିତ କରିଥିବା କୃଷି ଜାଗରଣ ସଂସ୍ଥାକୁ ଏବଂ ଟିମ କୁ ଧନ୍ୟବାଦ ଅର୍ପଣ କରିଥିଲେ l ତେବେ ରାଜାରାମଙ୍କ ଏହି ନୂତନ ପତ୍ରିକାର ନାମ ହେଉଛି “ କକସାଡ଼ “ l ଏହା ହେଉଛି ଏକ ରାଷ୍ଟ୍ରୀୟ ମାସିକ ପତ୍ରିକା ଯାହା ପ୍ରତି ସରକାରୀ ଅଫିସରେ ଉପଲବ୍ଧ l ଯେଉଁଥିରେ ଅଧିବାସୀ ଜନଜାତି ଜାତିଙ୍କ ରହଣି ବିଷୟରେ ଉଲ୍ଲେଖ କରାଯାଇଛି l ବିଲୁପ୍ତ ହେବାକୁ ବସିଥିବା ଅନେକ ତଥ୍ୟକୁ ପ୍ରକାଶ କରିବାକୁ ଚେଷ୍ଟା କରାଯାଇଛି l ଯାହା ଆଜିର ଯୁବପିଢିଙ୍କ ପାଇଁ ନିହାତି ଆବଶ୍ୟକ ବୋଲି ରାଜାରାମ କହିଛନ୍ତି l
କୃଷି ଜାଗରଣ ଦ୍ୱାରା ଆୟୋଜିତ ହୋଇଥିବା ମିଲେନିୟର୍ ଫାର୍ମର ଅଫ ଇଣ୍ଡିଆ ୨୦୨୩ରେ ଦେଶର ଶ୍ରେଷ୍ଠ ଧନୀ ଚାଷୀର ସମ୍ମାନିତ ହୋଇଥିଲେ l ତାଙ୍କ ଦ୍ୱାରା ପ୍ରକାଶିତ ଏହି ପତ୍ରିକାରେ ସେ ସମ୍ପାଦକ ରହିଛନ୍ତି l ୧୦ ବର୍ଷ ଧରି ଏହି ପତ୍ରିକା ପ୍ରକାଶିତ କରାଯାଉଛି ଯେଉଁଠି ଲୁପ୍ତ ହେବାକୁ ବସିଥିଲା କଳା ସଂସ୍କୃତି ରହଣି ସହଣୀ ଉପରେ ଧ୍ୟାନ ଦିଆଯାଇଛି ବିଶେଷ ଭାବରେ l ତେବେ ଆଜି ରାଜାରାମ ଓ କୃଷି ଜାଗରଣର ଟିମ ପାଇଁ ଏକ ଖୁସିର ମାହୋଲ ସୃଷ୍ଟି ହୋଇଥିଲା ଏହି କାର୍ଯ୍ୟକ୍ରମ ଜରିଆରେ l
ଅଧିକ ପଢ଼ନ୍ତୁ