ସ୍ୱତନ୍ତ୍ର ବିମାନରେ ନାମିବିୟାରୁ ଭାରତ ଆସିବ ଚିତା (cheetahs)। ବ୍ୟାଘ୍ରଚିତ୍ରିତ ସ୍ୱତନ୍ତ୍ର ବୋଇଂ-747 ଜୁମ୍ବୋ ଜେଟ୍ରେ ୧୦ ଘଣ୍ଟାର ନିରବଚ୍ଛିନ୍ନ ଯାତ୍ରା କରି ଆଫ୍ରିକାର ନାମିବିୟାରୁ ଭାରତ ଆସିବେ ୮ଟି ଚିତା । ସେଥିରୁ 5ଟି ମାଈ ଚିତା ଏବଂ 3 ଟି ଅଣ୍ଡିରା ଚିତା (african cheetahs) ।
ସୂଚନା ଅନୁଯାୟୀ, ଚିତା (cheetahs)ଆଣିବା ପାଇଁ ନାମିବିୟାରେ ପହଞ୍ଚିଥିବା ସ୍ୱତନ୍ତ୍ର ବିମାନକୁ ସୁନ୍ଦର ଚିତ୍ରରେ ସଜାଯାଇଛି । ବିମାନରେ ଟାଇଗର (tiger)ର ଏକ ଚିତ୍ର ଲଗାଯାଇଛି । ଏହି ସ୍ୱତନ୍ତ୍ର ବିମାନ ମାଧ୍ୟମରେ ନାମିବିୟାରୁ ଜୟପୁରକୁ ପ୍ରଥମ ଚିତା (cheetahs)ଅଣାଯିବ । ଯାହାପରେ ସେହି ଦିନ ହେଲିକପ୍ଟରକୁ ମଧ୍ୟପ୍ରଦେଶର କୁନୋ-ପାଲପୁର ଜାତୀୟ ଉଦ୍ୟାନକୁ ହିଁ ଅଣାଯିବ ।
୭୦ ବର୍ଷ ପରେ ଭାରତରେ ପୁଣି ଚିତା ବାଘର ଗର୍ଜନ ଶୁଭିବ । ଭାରତର ଜଙ୍ଗଲରେ ଦୌଡ଼ିବ ଚିତା ବାଘ (cheetahs)। ସେପ୍ଟେମ୍ୱର 17 ତାରିଖରେ ଚିତା ପ୍ରକଳ୍ପର ଲୋକାର୍ପଣ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Modi) ।
ପ୍ରକାଶ ଥାଉ ଯେ, ଚିତା (cheetahs) ବାଘ ଆସିବା ପରେ ପରିବେଶ ସୁରକ୍ଷାକୁ ନେଇ ମଧ୍ୟ ଅନେକ ଯୋଜନା କରାଯିବ । ଦେଶରେ ଏମାନଙ୍କ ସଂଖ୍ୟା ବଢାଯିବା ପାଇଁ ପଦକ୍ଷେପ ନିଆଯିବ । ଯାହା ଦ୍ଵାରା ବିଦେଶୀ ପର୍ଯ୍ୟଟକ ବଢ଼ିବେ ଓ ଦେଶର ଆର୍ଥିକ ଉନ୍ନତି ହେବ ।