ପ୍ରଧାନମନ୍ତ୍ରୀ ନରେନ୍ଦ୍ର ମୋଦି(PM Narendra Modi)ଙ୍କ ଆହ୍ବାନ କ୍ରମେ ଆରମ୍ଭ ହୋଇଥିବା ହର ଘର ତ୍ରିରଙ୍ଗା(Har Ghar Tiranga) ଅଭିଯାନରେ ସାମିଲ ହୋଇଛି କୃଷି ଜାଗରଣ(Krishi Jagran) । ଏହି ଅଭିଯାନକୁ ଆଗକୁ ବଢାଇବା ପାଇଁ କୃଷି ଜାଗରଣ ପରିବାର ପକ୍ଷରୁ ରାଷ୍ଟ୍ରୀୟ ଧ୍ବଜା ସମାରୋହ ପାଳନ ହୋଇଛି । ଏଥିରେ କୃଷି ଜାଗରଣ ଟିମର ବିଭିନ୍ନ ବିଭିନ୍ନ ଭାଷାଭାଷୀ ସଦସ୍ୟ ଆସନ୍ତା ଅଗଷ୍ଟ 15 ସ୍ବାଧୀନତା ଦିବସ ଉପଲକ୍ଷେ ନିଜ ନିଜ ମାତୃଭାଷାରେ ଶୁଭେଚ୍ଛା ଜଣାଇବା ସହିତ ତ୍ରିରଙ୍ଗା ଉଡାଇଛନ୍ତି ।
Aspirations of a billion plus are enshrined in this flag. Let us hold it high.@icarindia, @nstomar, @PRupala, @KailashBaytu, @narendramodi, @PMOIndia @ShobhaBJP @AgriGoI @PIB_India @mygovindia @drsanjeevbalyan @AmitShah @AmitShahOffice @rajnathsingh pic.twitter.com/0f2ErZcw6S
— M C Dominic (@dominickrishi) August 3, 2022
ଚଳିତ ଥର ଆମ ଦେଶ ସ୍ବାଧୀନତାର 75 ତମ ବର୍ଷ ପୁରଣ କରୁଛି । ସ୍ବାଧୀନତାର ଅମୃତ ମୋହତ୍ସବ ଅବସରରେ ହର ଘର ତ୍ରିରଙ୍ଗା ଅଭିଯାନ ପାଇଁ ଦେଶବାସୀଙ୍କୁ ଆହ୍ବାନ ଦେଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସମସ୍ତେ ନିଜ ନିଜ ଘରେ 'ତ୍ରିରଙ୍ଗା' ଉଡାଇବାକୁ ପ୍ରଧାନମନ୍ତ୍ରୀ ଅପିଲ କରିଛନ୍ତି ।
କୃଷି ଜାଗରଣ ପରିବାର ମଧ୍ୟ ଏହି ଅଭିଯାନରେ ସାମିଲ ହୋଇ ଏହାକୁ ଆଗେଇ ନେବାକୁ ସଙ୍କଳ୍ପ ନେଇଛି । ଏନେଇ କୃଷି ଜାଗରଣ କନଫରେନ୍ସ ହଲରେ ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏଥିରେ ସମସ୍ତେ ସାମିଲ ହୋଇ ତ୍ରିରଙ୍ଗା ଉଡାଇଥିଲେ । କାର୍ଯ୍ୟକ୍ରମରେ କୃଷି ଜାଗରଣର ପ୍ରତିଷ୍ଠାତା ତଥା ମୁଖ୍ୟ ସମ୍ପାଦକ ଏମ ସି ଡୋମିନିକ ଉପସ୍ଥିତ ରହିଥିଲେ ।
ଅନ୍ୟପକ୍ଷେ ଜାତୀୟ ପତାକା 'ତ୍ରିରଙ୍ଗା' ନିର୍ମାତା ପିଙ୍ଗଳି ଭେଙ୍କେୟାଙ୍କ ଜନ୍ମ ଜୟନ୍ତୀ ଅବସରରେ ତାଙ୍କ ସ୍ମୃତି ପାଇଁ ଅଗଷ୍ଟ 2ରୁ 15 ଯାଏଁ ସମସ୍ତ ସୋସିଆଲ ମିଡିଆ ଡିସପ୍ଲେ ଫଟୋରେ ତ୍ରିରଙ୍ଗା ରଖିବାକୁ ଦେଶବାସୀଙ୍କୁ ଖାସ ଅପିଲ କରିଛନ୍ତି ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀଙ୍କ ଏହି ଅପିଲ ପରେ କୋଟି କୋଟି ଦେଶବାସୀ ନିଜ ସୋସିଆଲ ମିଡିଆ ଡିପି ତ୍ରିରଙ୍ଗା ରଖିଛନ୍ତି ।
ଭାରତ ସ୍ବାଧୀନ ହେବାର 75 ବର୍ଷ ପୁରଣ ହେବାକୁ ଯାଉଛି । ଅର୍ଥାତ ସ୍ବାଧୀନତାର 76 ବର୍ଷରେ ପାଦ ଥାପିବ ଭାରତ । ଏଥିପାଇଁ ସାରା ଦେଶରେ ସ୍ବାଧୀନତାର ଅମୃତ ମୋହତ୍ସବ ପାଳନ ହେଉଛି । ଏହା ଅନ୍ତର୍ଗତ ଅନେକ କାର୍ଯ୍ୟକ୍ରମର ମଧ୍ୟ ଆୟୋଜନ ହୋଇଛି ।
Azadi Ka Amrit Mohtsav: ଆସନ୍ତାକାଲି ଦେଶବ୍ୟାପୀ ହେବ ବୃକ୍ଷରୋପଣ
ସ୍ୱାଧୀନତା ସଂଗ୍ରାମୀମାନଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ଚହୁଞ୍ଚନ୍ତି କି ? ଡିଜିଟାଲ ଜ୍ୟୋତିରେ ଜଳାନ୍ତୁ ଆଲୋକ