ସେପ୍ଟେମ୍ବର (September)ମାସରେ ନାହିଁ ବାତ୍ୟା (Cyclone)ର ଆଶଙ୍କା ବୋଲି ସୂଚନା ଦେଲେ ପାଣିପାଗ ବିଶେଷଜ୍ଞ । ଆସନ୍ତା ସପ୍ତାହରୁ ରାଜ୍ୟରେ ବର୍ଷା (Rain)। ଆସୁଛି 2ଟି ଲଘୁଚାପ (Thunderstorm)। ଗୋଟିଏ ସେପ୍ଟେମ୍ବର 6 ତାରିଖ ବେଳକୁ ଅନ୍ୟଟି ସେପ୍ଟେମ୍ବର 13 ତାରିଖ ବେଳକୁ ଆସିବା ସମ୍ଭାବନା ରହିଛି ।
ସୂଚନା ଅନୁଯାୟୀ, ସେପ୍ଟେମ୍ବର 5 ତାରିଖରୁ ବର୍ଷା (Rain)ବଢ଼ିବ । ସେପ୍ଟେମ୍ବର 6 ତାରିଖରେ ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା (Rain)ହୋଇପାରେ । ଏନେଇ ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଛି । 8 ଜିଲ୍ଲାକୁ ଚେତାବନୀ ଜାରି କରିଛି ପାଣିପାଗ ବିଭାଗ । ପୁରୀ, ଖୋର୍ଦ୍ଧା ଜିଲ୍ଲା, ଗଞ୍ଜାମ ଜିଲ୍ଲା, ଗଜପତି ଜିଲ୍ଲା, ରାୟଗଡ଼ା ଜିଲ୍ଲା, କନ୍ଧମାଳ ଜିଲ୍ଲା, କଳାହାଣ୍ଡି ଜିଲ୍ଲା ଓ ନବରଙ୍ଗପୁରକୁ ୟେଲୋ ୱାର୍ଣ୍ଣିଂ (Yellow Warning) ଜାରି ହୋଇଛି ।
ସେହିପରି ସେପ୍ଟେମ୍ବର 13 ତାରିଖ ବେଳକୁ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଏକ ଲଘୁଚାପ (Thunderstorm) ହୋଇପାରେ । ଏହି ସମୟରେ ବର୍ଷା (Rain)ର ପରିମାଣ ବଢ଼ିବା ନେଇ ସୂଚନା ରହିଛି ।
ପ୍ରକାଶ ଥାଉ ଯେ, ସେପ୍ଟେମ୍ବର 3 ତାରିଖରେ 10ଟି ଜିଲ୍ଲା ଓ ସେପ୍ଟେମ୍ବର 4 ତାରିଖରେ 17 ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ (Yellow Warning) ଜାରି ହୋଇଛି ।