କୃଷିରେ ରାସାୟନିକ ସାରର ବ୍ୟବହାରକୁ ହ୍ରାସ କରିବା ଲକ୍ଷ୍ୟରେ Promotion of Alternate Nutrients for Agriculture Management Yojana(PM PRANAM) ଆରମ୍ଭ କରିବାକୁ ଯୋଜନା କରିଛନ୍ତି କେନ୍ଦ୍ର ସରକାର । ଏହା ରାଜ୍ୟମାନଙ୍କୁ ଉତ୍ସାହିତ କରିବ ବୋଲି ଏକ ରିପୋର୍ଟରେ କୁହାଯାଇଛି।
ଏହି ପ୍ରସ୍ତାବିତ ଯୋଜନା ସରକାରଙ୍କୁ ରାସାୟନିକ ସାର ଉପରେ ସବସିଡି ବୋଝ ହ୍ରାସ କରିବାରେ ସାହାଯ୍ୟ କରିବ । 2022-23ରେ 39 ପ୍ରତିଶତ ବୃଦ୍ଧି ହୋଇ 2.25 ଲକ୍ଷ କୋଟି ଟଙ୍କା ଛୁଇଁବାର ସମ୍ଭାବନା ରହିଛି । ଗତ ବର୍ଷ ଏହା 1.62 ଲକ୍ଷ କୋଟି ଟଙ୍କା ରହିଥିଲା ।
ଗତ ପାଞ୍ଚ ବର୍ଷ ମଧ୍ୟରେ ସାମଗ୍ରିକ ସାର ବ୍ୟବହାରରେ ତୀବ୍ର ବୃଦ୍ଧି ପଛରେ ସରକାର PM PRANAM ଯୋଜନା ଆରମ୍ଭ କରିବାକୁ ଯୋଜନା କରୁଛନ୍ତି । ଏହା ଅର୍ଥ ସଞ୍ଚୟ କରୁଥିବା ରାଜ୍ୟକୁ ଅନୁଦାନ ଭାବରେ 50 ପ୍ରତିଶତ ସବସିଡି ପ୍ରଦାନ କରାଯିବ । ଏଥିମଧ୍ୟରୁ ରାଜ୍ୟଗୁଡିକୁ 70 ପ୍ରତିଶତ ବ୍ୟବହାର କରିବା ଆବଶ୍ୟକ । ଏଥିରୁ ଜିଲ୍ଲା, ବ୍ଲକ ଏବଂ ଗ୍ରାମାଞ୍ଚଳ ସ୍ତରରେ ବିକଳ୍ପ ସାର ଉତ୍ପାଦନ ୟୁନିଟରେ ବୈଷୟିକ ଜ୍ଞାନକୌଶଳ ଗ୍ରହଣ କରିବାରେ ସହାୟକ ହେବ ।
ଅବଶିଷ୍ଟ 30 ପ୍ରତିଶତ କୃଷକ, ପଞ୍ଚାୟତିରାଜ, କୃଷକ ଉତ୍ପାଦନକାରୀ ସଂସ୍ଥା ଏବଂ ସ୍ୱୟଂ ସହାୟକ ଗୋଷ୍ଠୀମାନଙ୍କୁ ପୁରସ୍କାର ଏବଂ ପ୍ରୋତ୍ସାହିତ କରିବା ପାଇଁ ବ୍ୟବହାର କରିପାରିବେ ।
ଏକ ବର୍ଷରେ ରାସାୟନିକ ସାର ବ୍ୟବହାରରେ ରାଜ୍ୟର ବୃଦ୍ଧି କିମ୍ବା ହ୍ରାସକୁ ସରକାର ଗତ ତିନିବର୍ଷ ମଧ୍ୟରେ ହାରାହାରି ବ୍ୟବହାର ସହିତ ତୁଳନା କରିବେ। ତଥ୍ୟ ତୁଳନା କରିବାକୁ ସରକାର ସାର ମନ୍ତ୍ରଣାଳୟର ଡ୍ୟାସବୋର୍ଡ ବ୍ୟବହାର କରିବେ । PM PRANAM ଯୋଜନା ପାଇଁ କୌଣସି ଅଲଗା ବଜେଟ୍ ରହିବ ନାହିଁ । ବିଭିନ୍ନ ଯୋଜନା ଅନ୍ତର୍ଗତ ସାର ବିଭାଗ ଦ୍ବାରା ପ୍ରଦାନ କରାଯାଇଥିବା 'ବିଦ୍ୟମାନ ସାର ସବସିଡି ସଞ୍ଚୟ' ମାଧ୍ୟମରେ ଏହି ଅର୍ଥ ପ୍ରଦାନ କରାଯିବ ।
ବିଗତ ପାଞ୍ଚ ବର୍ଷ ମଧ୍ୟରେ ୟୁରିଆ, MOP, DAP ଏବଂ NPK ଆବଶ୍ୟକତା 21 ପ୍ରତିଶତ ବୃଦ୍ଧି ପାଇଛି । 2021-22ରେ 640.27 ଲକ୍ଷ ମେଟ୍ରିକ୍ ଟନ୍ (LMT) ହୋଇଛି, ଯାହାକି ଗତ 5 ବର୍ଷରେ ଏହା 528.86 ଲକ୍ଷ ମେଟ୍ରିକ ଟନ ରହିଥିଲା ।
Nano urea fertiliser approval: ସ୍ପଷ୍ଟ କଲେ ସରକାର, ସମ୍ପୂର୍ଣ୍ଣ ଅନୁପାଳନ ହୋଇଛି ଅନୁମୋଦନ ପ୍ରକ୍ରିୟା